First Freight EMU: ૧૩૦ કિમી પ્રતિ કલાકની ઝડપે દોડતી વંદે ભારત ટ્રેનની તર્જ પર તૈયાર દેશની પહેલી ફ્રેટ EMUનું કોમર્શિયલ ઓપરેશન જલ્દ શરૂ થઈ શકે છે. આ ગુડ્સ ટ્રેન પણ ૧૩૦ કિલોમીટર પ્રતિ કલાકની ઝડપે દોડશે. તેના અત્યાર સુધીના તમામ ટ્રાયલ લગભગ સફળ રહ્યા છે. હાલમાં આ RDSO તરફથી કરવામાં આવી રહેલા ‘ઓસિલેશન ટ્રાયલ’ના રૂપમાં અલગ-અલગ માપદંડો માટે ટ્રાયલના અંતિમ તબક્કામાં છે.
થોડા વધુ ટ્રાયલ રન પછી તેનું કોમર્શિયલ ઓપરેશન શરૂ થશે. તેના પરિણામથી ઉત્સાહિત થઈને રેલવે આવી જ અન્ય ફ્રેટ EMU પણ બનાવવાનું કામ કરી રહ્યું છે.
પેસેન્જર ટ્રેનોને પાછળ છોડશે
અધિકારીઓએ જણાવ્યું કે આ પહેલી માલગાડી હશે, જે ઘણી પેસેન્જર ટ્રેનોને પણ પાછળ છોડતા ૧૩૦ કિમી પ્રતિ કલાકની ઝડપે દોડશે. તેને દિલ્હી-NCR અને મુંબઈ જેવા રૂટો પર ચલાવી શકાય છે.
આ ખૂબીઓ બનાવે છે ખાસ
આ પહેલી માલગાડી હશે, જે ઘણી પેસેન્જર ટ્રેનોને પણ પાછળ છોડતા ૧૩૦ કિમી પ્રતિ કલાકની ઝડપે દોડશે.
તેમાં ૧૬ કોચ છે. તમામ કોચમાં રોલર બેડ લાગેલા છે જેથી સામાનને લોડ-અનલોડ કરવામાં મુશ્કેલી ન થાય. મોટા-મોટા ઓટોમેટિક દરવાજા લાગેલા છે.
૩૯૭ ટન સુધી માલ લઈ જવાની ક્ષમતા. રેતીથી ભરેલી બોરીઓ સાથે ટ્રાયલ કરવામાં આવી રહ્યા છે. આ ટ્રેનને રેલ કોચ ફેક્ટરી ચેન્નાઈમાં તૈયાર કરવામાં આવી છે.
ખરાબ થતી વસ્તુઓને ઓછા તાપમાન પર લઈ જવા માટે રીફર્સ અને ફોર્ડ વેન્ટિલેશન, ચિલર પણ હશે.
દરેક કોચમાં લાગેલા સેન્સર સ્પીડ અને વજનની સાથે જ ટ્રેનના સિક્યોરિટી ફીચરની તપાસ કરી રહ્યા છે.
