Delhi Mumbai Expressway Gujarat Update: દિલ્હીથી મુંબઈ વચ્ચે બની રહેલા એક નેશનલ એક્સપ્રેસવે (NE4) નું કામ હવે ઝડપથી પૂરું થઈ રહ્યું છે. 1350 કિલોમીટર લાંબા આ એક્સપ્રેસવેને કુલ ત્રણ સેક્શનમાં વહેંચવામાં આવ્યો છે. દિલ્હીથી વડોદરા સેક્શનમાં 31 પેકેજ છે. તેમાંથી ત્રણ પેકેજનું કામ બાકી છે, જે ટૂંક સમયમાં પૂરું થવાની આશા છે. હવે કેન્દ્રીય માર્ગ પરિવહન અને રાજમાર્ગ મંત્રાલયે દિલ્હી-મુંબઈ એક્સપ્રેસવેના ગોધરા-વડોદરા સેક્શનને લઈને મોટું અપડેટ શેર કર્યું છે. મંત્રાલયે આને ટ્રાયલ બેઝિસ પર ટ્રાફિક માટે ખોલી દીધો છે.
મંત્રાલયે શેર કર્યું મોટું અપડેટ
કેન્દ્રીય માર્ગ પરિવહન અને રાજમાર્ગ મંત્રાલયના જણાવ્યા અનુસાર દિલ્હી-મુંબઈ એક્સપ્રેસવેનો ગોધરા-વડોદરા સ્ટ્રેચ પૂરો થઈ ગયો છે અને 13 એપ્રિલ, 2026 થી ટ્રાયલ બેઝિસ પર ટ્રાફિક માટે ખોલી દેવામાં આવ્યો છે. એક સત્તાવાર યાદીમાં જણાવવામાં આવ્યું છે કે ટ્રાયલ ફેઝ સફળતાપૂર્વક પૂર્ણ થયા બાદ એક્સપ્રેસવેનું સત્તાવાર ઉદ્ઘાટન કરવામાં આવશે. ભારતમાલા પરિયોજના હેઠળ વિકસિત આ સેક્શન પંચમહાલ જિલ્લામાં ગોધરા પાસેના ભમૈયા ગામથી લઈને વડોદરા પાસેના ડોડકા ગામને જોડે છે. આ પરિયોજનાને આઠ-લેન વાળા, એક્સેસ-કંટ્રોલ્ડ એક્સપ્રેસવે તરીકે અમલમાં મૂકવામાં આવી છે, જેને તેજ ગતિથી મુસાફરીની સુવિધા માટે ડિઝાઇન કરવામાં આવી છે.
ટૂંક સમયમાં કનેક્ટ થશે ગુજરાત અને એમપી (MP)
આ સ્ટ્રેચ ખુલવાથી ગોધરા, કલોલ અને વડોદરા વચ્ચે કનેક્ટિવિટી ઘણી વધી જશે. મુસાફરો અને ટ્રાન્સપોર્ટરો માટે એક ઝડપી મુસાફરીનો માર્ગ મળી ગયો છે. આગળ આ સ્ટ્રેચ જ્યારે મધ્ય પ્રદેશના ઝાબુઆ સુધી ખુલી જશે તો લોકોને મોટી રાહત મળશે. દિલ્હી-મુંબઈ એક્સપ્રેસવેના ગુજરાત અને મધ્ય પ્રદેશ બોર્ડરના સેક્શનનું કામ બાકી છે, જે મે મહિનાના અંત સુધીમાં પૂરું થવાની આશા રાખવામાં આવી રહી છે. 2026 ના અંત સુધીમાં દિલ્હી ગુજરાત સાથે સીધું કનેક્ટ થઈ જવાની આશા રાખવામાં આવી રહી છે, જોકે મુંબઈ સુધી આ એક્સપ્રેસવે આવતા વર્ષે જ શરૂ થઈ શકશે. દિલ્હી મુંબઈ એક્સપ્રેસવેનો ઝાબુઆથી વડોદરા સુધીના પેચની લંબાઈ આશરે 220 કિમીની આસપાસ છે. આ ખુલતા જ બંને રાજ્યો નવા એક્સપ્રેસવેથી જોડાશે. ગોધરાથી ઝાબુઆનું અંતર 115 કિલોમીટર છે.
