EPF SIP Retirement Fund: રિટાયરમેન્ટના અર્થ હવે બદલાઈ રહ્યા છે. આજના યુવાનો 60 વર્ષની ઉંમરે રિટાયર થવાનું નથી ઈચ્છતા. તેઓ એવી ઉંમરે રિટાયર થવું ઈચ્છે છે, જ્યાં તેમને પોતાના શોખ પૂરા કરવા માટે પૂરતો સમય મળી રહે. એ માટે મોટું રિટાયરમેન્ટ ફંડ જરૂરી છે. તો પ્રશ્ન એ છે કે, શું EPF અને SIP દ્વારા મ્યુચ્યુઅલ ફંડમાં 15 વર્ષ સુધી રોકાણ કરીને 10 કરોડનું ફંડ તૈયાર કરી શકાય?
EPFથી કેટલું ફંડ તૈયાર થાય?-જો તમારી બેઝિક સેલેરી દર મહિને 1 લાખ છે, તો EPFમાં દર મહિને કુલ 24,000નું કોન્ટ્રિબ્યુશન થાય છે. તેમાં એમ્પ્લોયર અને એમ્પ્લોયી બંનેનો હિસ્સો હોય છે. EPF રોકાણ માટે સુરક્ષિત વિકલ્પ છે. EPFમાં કરેલા રોકાણ પર ટેક્સ લાગતો નથી. EPFનું વાર્ષિક વ્યાજ દર 8.25% છે. જો તમારી સેલેરી દર વર્ષે 8% વધે છે, તો 15 વર્ષના કોન્ટ્રિબ્યુશનથી EPFમાં આશરે 1.3 થી 1.4 કરોડનું ફંડ તૈયાર થઈ શકે છે.
SIPથી કેટલું ફંડ તૈયાર થાય?-હવે મ્યુચ્યુઅલ ફંડની સ્કીમમાં SIPથી રોકાણની વાત કરીએ. માનીએ કે EPF કોન્ટ્રિબ્યુશન પછી તમારી ટેક-હોમ સેલેરી દર મહિને 85,000થી 88,000 છે. તમારો માસિક ખર્ચ 55,000થી 60,000 છે. એટલે કે, તમે દર મહિને મ્યુચ્યુઅલ ફંડની ઇક્વિટી સ્કીમમાં 25,000થી 30,000 રોકી શકો છો. જો તમે દર વર્ષે તમારા રોકાણમાં 10% વધારો કરો અને વાર્ષિક સરેરાશ રિટર્ન 12% રહે, તો SIPથી 15 વર્ષમાં તમારું રોકાણ 2.3થી 2.6 કરોડ સુધી પહોંચી શકે છે. તેમાં EPFનું 1.3 કરોડ ઉમેરો તો કુલ ફંડ 3.5થી 4 કરોડ થાય છે. આ 10 કરોડના લક્ષ્યથી ઘણું ઓછું છે.
10 કરોડના ફંડ માટે રોકાણ વધારવું પડશે-આનો અર્થ એ થયો કે 15 વર્ષમાં 10 કરોડનું ફંડ બનાવવા માટે તમારે રોકાણ વધારવું પડશે. જો તમે EPF અને SIP બંનેમાં મળીને દર મહિને 1 લાખનું રોકાણ કરો તો લક્ષ્ય હાંસલ કરી શકો. પણ એ માટે તમારી સેલેરી લગભગ 3થી 3.5 લાખ દર મહિને હોવી જોઈએ. જો તમારી સેલેરી 1 લાખ છે અને 10 કરોડનું ફંડ બનાવવું છે, તો રોકાણની અવધિ વધારવી પડશે. એટલે 15 વર્ષના બદલે 20-22 વર્ષ સુધી રોકાણ કરવું પડશે.
દર વર્ષે રોકાણ વધારવાથી મદદ મળશે-નિર્વેશક નાના એમાઉન્ટથી શરૂઆત કરીને લાંબા ગાળામાં મોટું ફંડ બનાવી શકે છે. તેમને દર વર્ષે પોતાના રોકાણમાં 10% વધારો કરવો જોઈએ. જો તમે દર મહિને 25,000ની SIP કરો અને દર વર્ષે 10% વધારો કરો, તો લાંબા ગાળામાં મોટો ફરક પડી શકે છે. આવું કરવાથી તમારું ફંડ ડબલ થઈ શકે છે. નોકરી કરતા લોકો વોલન્ટરી પ્રોવિડન્ટ ફંડ (EPF)માં પણ રોકાણ કરી શકે છે.
નાના એમાઉન્ટના રોકાણથી લાંબા ગાળામાં મોટું ફંડ-ઉપરના ઉદાહરણથી સ્પષ્ટ થાય છે કે, 1 લાખ માસિક સેલેરીથી 15 વર્ષમાં 10 કરોડનું ફંડ તૈયાર કરી શકાતું નથી. જો તમે સમય વધારીને 20 વર્ષ કરો તો 8થી 10 કરોડનું ફંડ બનાવી શકો. એટલે ઓછા અમાઉન્ટથી લાંબા સમય સુધી રોકાણ કરવાથી મોટું ફંડ તૈયાર થઈ શકે છે. કારણ કે કમ્પાઉન્ડિંગનો ફાયદો ત્યારે જ મળે છે, જ્યારે તમે તમારા રોકાણને વધવા માટે લાંબો સમય આપો.
