Jensen Huang Net Worth drops: AI ચિપ બનાવતી કંપની Nvidiaની મુશ્કેલીઓ ઓછી થવાનું નામ લઈ રહી નથી. મંગળવારે કંપનીના શેરના ભાવમાં કારોબાર દરમિયાન 6 ટકાથી વધુનો ઘટાડો થયો હતો. કંપનીના સહસ્થાપક અને CEO જેસન હુઆંગે રવિવારે એક ચીની મહિલા સાથેના નજીકના સંબંધોની વાત સ્વીકારી હતી. અમેરિકાના ગુપ્તચર અધિકારીઓને શંકા છે કે આ મહિલા ચીની જાસૂસ છે. હુઆંગની કબૂલાત બાદ કંપનીના શેરના ભાવમાં મોટો ઘટાડો થયો છે અને તેનું માર્કેટ કેપ $400 અબજ ઘટી ગયું છે.
મંગળવારે Nvidiaનો શેર અંતે 5.47 ટકાના ઘટાડા સાથે બંધ થયો હતો. આ સાથે કંપનીનું માર્કેટ કેપ $4.078 ટ્રિલિયન રહી ગયું છે. Apple પછી Nvidia વિશ્વની બીજી સૌથી મૂલ્યવાન કંપની છે. જોકે, કારોબાર દરમિયાન તે ત્રીજા ક્રમે સરકી ગઈ હતી. આ ઘટાડાને કારણે મંગળવારે હુઆંગની કુલ સંપત્તિમાં $7.96 અબજનો ઘટાડો થયો હતો. આ રીતે બે દિવસમાં તેમની કુલ સંપત્તિ $15 અબજ ઘટી ગઈ છે. બ્લૂમબર્ગ બિલિયોનેર્સ ઇન્ડેક્સ અનુસાર, તેઓ $141 અબજની સંપત્તિ સાથે વિશ્વના ધનિકોની યાદીમાં 13મા ક્રમે સરકી ગયા છે.
When China meets America, magic can happen. Huang meets Huang! 🇨🇳🇺🇸 Jensen Huang has taken Nvidia’s revenue from under $27 billion to a projected $400 billion with ‘megaspeed’ in just 4 years, and gross margins above 70%. Enough to make competitors green with Envy-dia! 😄
I wish they had played their ‘chips’ right.
— Harsh Goenka (@hvgoenka) November 10, 2026
હર્ષ ગોયન્કાએ લીધી ચપટી
આ દરમિયાન જાણીતા ઉદ્યોગપતિ અને RPG Enterprisesના ચેરમેન હર્ષ ગોયન્કાએ પણ હુઆંગના પ્રેમસંબંધને લઈને ચપટી લીધી છે. તેમણે X પરની એક પોસ્ટમાં લખ્યું, ‘જ્યારે ચીન અને અમેરિકા મળે છે, ત્યારે કમાલ થઈ શકે છે. હુઆંગની હુઆંગ સાથે મુલાકાત! જેસન હુઆંગે માત્ર 4 વર્ષમાં Nvidiaની આવકને મેગાસ્પીડથી વધારીને $27 અબજથી $400 અબજ સુધી પહોંચાડી દીધી છે. ગ્રોસ માર્જિન 70%થી વધુ છે. આ જોઈને તેમના હરીફોને ઈર્ષ્યા (Envy-dia) થતી હશે! કાશ, તેમણે પણ પોતાની ‘ચિપ્સ’નો દાવ યોગ્ય રીતે રમ્યો હોત.’
Nvidiaના CEO જેસન હુઆંગે 63 વર્ષની ઉંમરે 42 વર્ષની એલિસ હુઆંગ સાથેના નજીકના સંબંધોની વાત સ્વીકારી છે. તાઇવાનમાં જન્મેલા હુઆંગે આ સંબંધોની કબૂલાત કરી છે. ચીની મૂળની આ મહિલા સિંગાપોરની ક્લાઉડ-કમ્પ્યુટિંગ કંપની Megaspeed Internationalની મુખ્ય શેરધારક છે. અમેરિકાએ ચીનને અદ્યતન ચિપના વેચાણ પર પ્રતિબંધ મૂક્યો છે. અમેરિકાના અધિકારીઓને શંકા છે કે એલિસ હુઆંગની કંપની ચીનના ગ્રાહકોને Nvidiaના આધુનિક AI પ્રોસેસર્સ પૂરા પાડી રહી હતી.
