SSC CHSL Recruitment 2026: 12મું પાસ ઉમેદવારો માટે 2536 જગ્યાઓ, આ વખતે સેક્શનલ ટાઇમિંગ સહિત થયા મોટા ફેરફાર

SSC CHSL Recruitment 2026 માટે 7 ઑક્ટોબર સુધી અરજી કરી શકાશે, જાણો લાયકાત, પગાર, પરીક્ષા અને અરજી ફીની સંપૂર્ણ વિગતો

SSC CHSL Recruitment 2026: SSCની ભરતી પરીક્ષાઓની તૈયારી કરી રહેલા ઉમેદવારો માટે સારા સમાચાર છે. 12મું પાસ ઉમેદવારો માટે CHSL (10+2) 2026ની ભરતી આવી ગઈ છે. ssc.gov.in પર સત્તાવાર જાહેરાત જાહેર થયા બાદ ઑનલાઇન અરજી પણ શરૂ થઈ ગઈ છે. પરંતુ આ વખતેની ભરતીમાં અનેક પ્રકારના ફેરફારો પણ કરવામાં આવ્યા છે. CGLની જેમ CHSLમાં પણ સેક્શનલ ટાઇમિંગ લાગુ કરવામાં આવ્યું છે. એટલે કે દરેક સેક્શનના પ્રશ્નોના જવાબ આપવા માટે નિશ્ચિત સમય મર્યાદા રહેશે. સમય સમાપ્ત થયા બાદ કૅન્ડિડેટ્સ ફરીથી તે સેક્શનમાં જઈ શકશે નહીં.

કમ્બાઇન્ડ હાયર સેકન્ડરી લેવલ એક્ઝામિનેશન 2026 માટે 7 સપ્ટેમ્બરથી અરજીઓ મંગાવવામાં આવી છે. કૅન્ડિડેટ્સ ઑનલાઇન અંતિમ તારીખ 7 ઑક્ટોબર સુધી ફોર્મ અપ્લાય કરી શકશે. એટલે કે અરજી માટે સંપૂર્ણ એક મહિનાનો સમય આપવામાં આવ્યો છે. જ્યારે એપ્લિકેશન ફી 8 ઑક્ટોબર 2026 સુધી ભરી શકાશે. પરીક્ષાનું શેડ્યૂલ SSC દ્વારા બાદમાં જાહેર કરવામાં આવશે. પરંતુ ફોર્મ તમે ખૂબ જ ધ્યાનપૂર્વક અંતિમ તારીખ પહેલાં જ ભરી લો.

SSC CHSL ભરતી માટે લાયકાત

• માન્યતા પ્રાપ્ત બોર્ડમાંથી ઉમેદવારોએ 12મું પાસ કરેલું હોવું જોઈએ.
• ઉપભોક્તા બાબતો, ખાદ્ય અને જાહેર વિતરણ મંત્રાલય, SSC અને સંસ્કૃતિ મંત્રાલયમાં ડેટા એન્ટ્રી ઑપરેટર (DEO) માટે 12મું સાયન્સ સ્ટ્રીમમાંથી મેથ્સ વિષય સાથે પાસ કરેલું હોવું જોઈએ.
• ઉંમરની ગણતરી 1 ઑગસ્ટ 2026ના આધારે કરવામાં આવશે. જ્યારે આ ભરતી માટે એજ લિમિટ 18થી 27 વર્ષ સુધી હોવી જોઈએ.
• જન્મતારીખથી પણ અરજદારો આ વાત સરળતાથી સમજી શકે છે. ઉમેદવારોનો જન્મ 2 ઑગસ્ટ 1999 પહેલાંનો અને 1 ઑગસ્ટ 2008 પછીનો ન હોવો જોઈએ. ઉંમર મર્યાદામાં SC/STને 5 વર્ષ, OBCને 3 વર્ષ, PWD (જનરલ)ને 10 વર્ષ, PWD (OBC)ને 13 વર્ષ અને PWD (SC/ST)ને 15 વર્ષની છૂટ મળશે.

SSC CHSL વેકન્સી 2026 નોટિફિકેશન

આ વખતે CHSLમાં થયા આ ફેરફારો

SSCએ CHSLની આ વર્ષની ભરતીમાં કેટલાક મહત્વપૂર્ણ ફેરફારો કર્યા છે.

• ટિયર 1 પરીક્ષામાં ઇંગ્લિશ, રીઝનિંગ, મેથ્સ અને જનરલ નૉલેજ આ ચારેય વિષયોમાં સૅક્શનલ ટાઇમિંગ લાગુ રહેશે. કુલ 60 મિનિટના સમયને 15-15 મિનિટમાં વહેંચી દેવામાં આવ્યો છે. હવે એક સેક્શનમાં સમય મર્યાદા સમાપ્ત થયા બાદ તમે તે સેક્શનમાં ફરીથી જઈ શકશો નહીં અને તેના પ્રશ્નોને હલ કરીને જવાબ પણ આપી શકશો નહીં.
• ગયા વર્ષની સરખામણીએ આ વખતે વેકન્સી પણ ઓછી આવી છે. 2025માં વધારવામાં આવેલી જગ્યાઓને મળીને CHSLની પોસ્ટ 3522 થઈ ગઈ હતી. પરંતુ આ વખતે 2536 ખાલી જગ્યાઓની માહિતી ભરતી જાહેરાતમાં આપવામાં આવી છે.
• પરીક્ષાની આન્સર-કી પર જો હવે ઉમેદવારો ઑબ્જેક્શન કરશે તો તેના માટે ₹100ને બદલે ₹50 પ્રતિ પ્રશ્ન ચૂકવવા પડશે. એટલે કે આ ફીમાં ઘટાડો કરીને તેને અડધી કરી દેવામાં આવી છે.
• ડોક્યુમેન્ટ વેરિફિકેશન બાદ ખાલી રહેતી જગ્યાઓ માટે સ્લાઇડિંગ મિકેનિઝમ અને FRTAને લાગુ કરી દેવામાં આવ્યા છે.

એપ્લિકેશન ફી કેટલી લાગશે?

જનરલ/OBC/EWS કૅન્ડિડેટ્સે ₹100 એપ્લિકેશન ફી ઑનલાઇન ભરવાની રહેશે. આ ઉપરાંત SC/ST/મહિલા/PH દિવ્યાંગ ઉમેદવારો માટે કોઈ ફી નથી. જો ફોર્મમાં પ્રથમ વખત સુધારો કરવામાં આવે તો ₹200 અને બીજી વખત સુધારો કરવા પર ₹500 એપ્લિકેશન ફી લાગશે.