નવી દિલ્હી, શુક્રવાર
MBBS Admission : મેડિકલ કોર્સમાં પ્રવેશ માટે લેવાયેલી મેડિકલ એન્ટ્રન્સ એક્ઝામ (NEET) NEET UGના પરિણામ બાદ કાઉન્સેલિંગ પ્રક્રિયા પૂરી થઈ ગઈ છે, પરંતુ આ એડમિશનમાં ઘણી બાબતો સામે આવી છે. સરકારી મેડિકલ કોલેજોમાં જનરલ કેટેગરીના ઉમેદવારો જેમણે 720 માંથી 652 માર્ક્સ મેળવ્યા છે તેમને પ્રવેશ મળ્યો છે, જ્યારે અનામત કેટેગરીના ઉમેદવારોએ 529 માર્ક્સ સાથે MBBSમાં પ્રવેશ મેળવ્યો છે. તેવી જ રીતે ખાનગી બેઠકો પર માત્ર 135 માર્કસ મેળવનાર ઉમેદવારોને પ્રવેશ મળ્યો છે. મતલબ કે, જો કોઈએ NEET UG પરીક્ષામાં 19 ટકા માર્ક્સ મેળવ્યા હોય તો તેને પણ આ વખતે MBBS કરવાની તક મળી છે.
NEET UG પરીક્ષા 2024: NEET UG માં 23 લાખથી વધુ ઉમેદવારો
NEET UG 2024ની પરીક્ષા માટે કુલ 23 લાખ 33 હજાર 162 ઉમેદવારોએ હાજરી આપી હતી, જેમાંથી 13 લાખ 15 હજાર 853 ઉમેદવારો લાયક જાહેર થયા હતા. આ પરીક્ષામાં કુલ 17 ઉમેદવારો હતા જેમણે 720 માંથી 720 માર્ક્સ મેળવ્યા હતા.
Govt College NEET Cut Off: સરકારી કોલેજોનું કટ ઓફ
NEET પરીક્ષામાં, જનરલ અને OBC કેટેગરી માટે MBBSમાં પ્રવેશ માટે કટ ઓફ 652 માર્કસ હતા, જ્યારે EWS કેટેગરીના ઉમેદવારો માટે કટ ઓફ 648 હતા. એસસી કેટેગરીના ઉમેદવારો માટે કટ ઓફ 549 માર્ક્સ હતા. ST ઉમેદવારો માટે કટ ઓફ 529 માર્ક્સ હતા. NEET UG કાઉન્સેલિંગના પ્રથમ રાઉન્ડમાં ઉમેદવારોને ફ્રી એક્ઝિટની સુવિધા આપવામાં આવી હતી, જે બીજા રાઉન્ડમાં નાબૂદ કરવામાં આવી હતી. તેવી જ રીતે ત્રીજા રાઉન્ડમાં સુરક્ષાની રકમ 2 લાખ રૂપિયા રાખવામાં આવી હતી.
ખાનગી કોલેજ NEET કટ ઓફ
NEET અને ડીમ્ડ મેડિકલ કોલેજોની MBBS સીટો માટે જનરલ અને NRI માટે કટઓફ 135 અને ઓલ ઈન્ડિયા રેન્કિંગ 1332034 હતું. આ રીતે 1332034 રેન્ક અને 135 માર્કસ મેળવનારાઓએ પણ ખાનગી મેડિકલ કોલેજોમાં પ્રવેશ મેળવ્યો હતો.
