NCIIPC Internship 2026: દેશની અલગ-અલગ સંસ્થાઓ અને એજન્સીઓ અવારનવાર લોકોને પોતાની સાથે જોડાવાની તક આપે છે. ઇન્ટર્નશિપ પણ એક એવી જ તક છે, જેના દ્વારા ઉમેદવારો નિષ્ણાતોની દેખરેખ હેઠળ કામ શીખે છે અને વાસ્તવિક દુનિયાનો અનુભવ મેળવે છે. જે વિદ્યાર્થીઓને સાયબર સિક્યુરિટી અને ટેકનોલોજીમાં રસ છે, તેમના માટે શ્રેષ્ઠ તક આવી છે. નેશનલ ક્રિટિકલ ઇન્ફોર્મેશન ઇન્ફ્રાસ્ટ્રક્ચર પ્રોટેક્શન સેન્ટર (NCIIPC) એ નવા ઇન્ટર્નશિપ પ્રોગ્રામની જાહેરાત કરી છે. આ ઇન્ટર્નશિપ માટે પસંદ કરાયેલા ઉમેદવારોને સીધી એજન્સીમાં તાલીમ મળશે.
નેશનલ ક્રિટિકલ ઇન્ફોર્મેશન ઇન્ફ્રાસ્ટ્રક્ચર પ્રોટેક્શન સેન્ટર (NCIIPC) ભારત સરકારની મુખ્ય નેશનલ એજન્સીઓમાં સામેલ છે, જે દેશના ઇન્ફોર્મેશન ઇન્ફ્રાસ્ટ્રક્ચરને સાયબર હુમલાઓથી બચાવવાનું કામ કરે છે. આ ઇન્ટર્નશિપમાં સાયબર સિક્યુરિટી રિસર્ચ, થ્રેટ એનાલિસિસ એન્ડ મોનિટરિંગ, સિક્યુરિટી અવેરનેસ પ્રોજેક્ટ વગેરે પર કામ કરશે. જે વિદ્યાર્થીઓ આગળ સાયબર સિક્યુરિટીમાં કારકિર્દી બનાવવા માંગે છે, ખાસ કરીને તેમના માટે આ ઇન્ટર્નશિપ મોટી તક સાબિત થઈ શકે છે.
