One Year B.Ed Course: હવે એક વર્ષમાં B.Ed કોર્સ પૂર્ણ કરવાની તક મળશે. જો તમે શિક્ષણ ક્ષેત્રે જવાનું વિચારી રહ્યા છો, તો આ સમાચાર ખાસ તમારા માટે છે. જે રીતે 10 વર્ષ પહેલા બી.એડ.નો કોર્સ એક વર્ષમાં પૂર્ણ થતો હતો, તેવી જ રીતે હવે ફરીથી એ જ રીતે પૂર્ણ કરી શકાય છે. રાષ્ટ્રીય શિક્ષક શિક્ષણ પરિષદ (NCTE) એ આ સંદર્ભમાં મંજૂરી આપી દીધી છે, પરંતુ આ માટે કેટલીક શરતો પણ લાગુ કરવામાં આવશે.
રાષ્ટ્રીય શિક્ષણ નીતિ 2020 ની ભલામણોનો અમલ કરીને, દેશમાં સ્નાતક સ્તરે 4 વર્ષનો અભ્યાસક્રમ શરૂ કરવામાં આવ્યો છે. હવે 10 વર્ષ પછી, 1 વર્ષનો બી.એડ (બેચલર ઓફ એજ્યુકેશન) કોર્સ પણ કેટલીક નવી શરતો સાથે ફરી શરૂ થઈ રહ્યો છે. શિક્ષણ લાઇનમાં જતા લોકો માટે આ રાહતના સમાચાર છે. આનાથી તેમનો ઘણો સમય બચશે. 1 વર્ષનો બી.એડ. કરવા માંગતા યુવાનોએ NCTE ની શરતોનું ફરજિયાતપણે પાલન કરવું પડશે.
એક વર્ષનો બી.એડ કોર્સ (One Year B.Ed Course) કોણ કરી શકે છે?
ફક્ત તે ઉમેદવારો કે, જેમણે 4 વર્ષનો ગ્રેજ્યુએશન કોર્સ અથવા પોસ્ટ-ગ્રેજ્યુએશન ડિગ્રી પૂર્ણ કરી છે, તેઓ જ એક વર્ષના બીએડ કોર્સ માટે લાયક ગણવામાં આવશે. નેશનલ કાઉન્સિલ ફોર ટીચર એજ્યુકેશન (NCTE) એ ગવર્નિંગ બોડીની બેઠકમાં 1 વર્ષના B.Ed સહિત શિક્ષણ અભ્યાસક્રમો અંગે અન્ય ઘણા મોટા નિર્ણયો પણ લીધા છે. NCTE ના અધ્યક્ષ પ્રો. પંકજ અરોરાએ જણાવ્યું હતું કે, ગવર્નિંગ બોડીના નવા નિયમનો-2025 લાવવા માટે પણ મંજૂરી આપવામાં આવી છે. આ નવા નિયમો 2014 ના નિયમોનું સ્થાન લેશે.
4 વર્ષના પ્રોગ્રામને પણ મંજૂરી મળી
NCTE ના અધ્યક્ષ પ્રો. પંકજ અરોરાના જણાવ્યા મુજબ, ભારતમાં 64 શૈક્ષણિક સંસ્થાઓમાં 4 વર્ષનો ઇન્ટિગ્રેટેડ ટીચર એજ્યુકેશન પ્રોગ્રામ (ITEP) ચાલી રહ્યો છે. અહીં વિદ્યાર્થીઓ તેમની પસંદગીના વિષયમાં બી.એડ કરે છે. હવે તેમાં ITEP યોગ શિક્ષણ, ITEP શારીરિક શિક્ષણ, ITEP સંસ્કૃત, ITEP પર્ફોર્મિંગ આર્ટ્સ શિક્ષણ જેવા વિશિષ્ટ પ્રવાહો ઉમેરવામાં આવશે. ITEP એ 4 વર્ષનો ડ્યુઅલ ઇન્ટિગ્રેટેડ ગ્રેજ્યુએશન ડિગ્રી કોર્સ છે. આ ડિગ્રી BA-B.Ed, B.Com-B.Ed અને B.Sc-B.Ed માં આપવામાં આવે છે.
