Top US Universities for Admission and High Salaries: ત્રણ લાખથી વધુ ભારતીય વિદ્યાર્થીઓ અમેરિકામાં અભ્યાસ કરી રહ્યા છે. 2025માં પણ હજારો વિદ્યાર્થીઓ અમેરિકન યુનિવર્સિટીઓમાં એડમિશન લેવા જઈ રહ્યા છે. અમેરિકન ડિગ્રી મેળવવાથી સારી વેતનવાળી નોકરી મેળવવાની તકો વધી જાય છે. આ જ કારણ છે કે અમેરિકા જેવા દેશોમાં ભણવા માટે દર વર્ષે ભારતીયો લાખો રૂપિયા ખર્ચે છે. જો કે, ભારતીય વિદ્યાર્થીઓ માટે યોગ્ય કોલેજ-યુનિવર્સિટી પસંદ કરવી પણ ખૂબ જ મહત્વપૂર્ણ છે, કારણ કે તે તેમને તેમની કારકિર્દીમાં પાછળથી સારા પૈસા કમાવવાની તક આપે છે.
અમેરિકામાં કેટલીક એવી યુનિવર્સિટીઓ છે જ્યાંથી સ્નાતક થયેલા વિદ્યાર્થીઓને એન્ટ્રી લેવલ પર સારા પગારની નોકરીઓ મળે છે. એટલું જ નહીં, પરંતુ તેઓ તેમની કારકિર્દીના દરેક તબક્કે સારો પગાર મેળવી રહ્યા છે. લોકોના પગારનો ડેટા એકત્રિત કરતી કંપની પેસ્કેલના રિપોર્ટમાં કહેવામાં આવ્યું છે કે જે યુનિવર્સિટીમાંથી વિદ્યાર્થી અભ્યાસ કરે છે તેની સીધી અસર તેને મળતા પગાર પર પડે છે. જો તમે સારી યુનિવર્સિટીમાંથી અભ્યાસ કરો છો, તો તમને દર મહિને લાખો રૂપિયાની નોકરી મળી શકે છે.
યુએસમાં લાખો રૂપિયાનું વેતન મેળવવા માટે કઈ યુનિવર્સિટીઓમાંથી ભણવું?
રેન્ક, યુનિવર્સિટીનુ નામ, એન્ટ્રી-લેવલ પર વેતન અને કારકિર્દી વચ્ચે વેતન
1 મેસેચ્યુસેટ્સ ઇન્સ્ટિટ્યુટ ઓફ ટેકનોલોજી $1,10,200 (રૂ. 95 લાખ) $1,96,900 (રૂ. 1.70 કરોડ)
2 પ્રિન્સટન યુનિવર્સિટી $95,600 (રૂ. 82 લાખ) $1,94,100 (રૂ. 1.67 કરોડ)
3 યુનાઇટેડ સ્ટેટ્સ નેવલ એકેડમી $96,700 (રૂ. 83 લાખ) $1,87,800 (રૂ. 1.62 કરોડ)
4 હાર્વે મડ કોલેજ $1,15,000 (રૂ. 1 કરોડ) $1,85,900 (રૂ. 1.60 કરોડ)
5 બેબસન કોલેજ $90,600 (રૂ. 78 લાખ) $1,81,400 (રૂ. 1.56 કરોડ)
6 સ્ટેનફોર્ડ યુનિવર્સિટી $1,02,300 (રૂ. 88 લાખ) $1,81,200 (રૂ. 1.56 કરોડ)
7 સાન્ટા ક્લેરા યુનિવર્સિટી $91,000 (રૂ. 78 લાખ) $1,79,500 (રૂ. 1.55 કરોડ)
8 ડાર્ટમાઉથ કોલેજ $92,300 (રૂ. 80 લાખ) $1,78,700 (રૂ. 1.54 કરોડ)
9 પેન્સિલવેનિયા યુનિવર્સિટી $92,500 (રૂ. 80 લાખ) $1,78,300 (રૂ. 1.54 કરોડ)
10 હાર્વર્ડ યુનિવર્સિટી $95,600 (રૂ. 82 લાખ) $1,77,400 (રૂ. 1.53 કરોડ)
11 કોલગેટ યુનિવર્સિટી $87,400 (રૂ. 75 લાખ) $1,76,100 (રૂ. 1.52 કરોડ)
12 લેહાઈ યુનિવર્સિટી $89,100 (રૂ. 77 લાખ) $1,75,600 (રૂ. 1.51 કરોડ)
13 કેલિફોર્નિયા ઇન્સ્ટિટ્યુટ ઓફ ટેકનોલોજી $1,11,000 (રૂ. 95 લાખ) $1,75,400 (રૂ. 1.51 કરોડ)
14 ક્લેરમોન્ટ મેકકેના કોલેજ $89,800 (રૂ. 77 લાખ) $1,75,000 (રૂ. 1.51 કરોડ)
15 યુનાઇટેડ સ્ટેટ્સ મિલિટરી એકેડમી $95,400 (રૂ. 82 લાખ) $1,74,100 (રૂ. 1.50 કરોડ)
16 વિલિયમ્સ કોલેજ $85,800 (રૂ. 74 લાખ) $1,73,900 (રૂ. 1.50 કરોડ)
17 સ્ટીવન્સ ઇન્સ્ટિટ્યુટ ઓફ ટેકનોલોજી $92,800 (રૂ. 80 લાખ) $1,72,900 (રૂ. 1.49 કરોડ)
18 યુનાઇટેડ સ્ટેટ્સ એર ફોર્સ એકેડેમી $90,900 (રૂ. 78 લાખ) $1,72,800 (રૂ. 1.49 કરોડ)
19 યેલ યુનિવર્સિટી $92,100 (રૂ. 79 લાખ) $1,71,900 (રૂ. 1.48 લાખ)
20 યુનિવર્સિટી ઓફ કેલિફોર્નિયા-બર્કલે $90,900 (રૂ. 78 લાખ) $1,70,100 (રૂ. 1.47 કરોડ)
પેસ્કેલ રિપોર્ટ કેવી રીતે તૈયાર કરવામાં આવે છે?
પેસ્કેલનો કોલેજ સેલરી રિપોર્ટ તૈયાર કરવા માટે 31 લાખ લોકોના સેલેરી ડેટાનો ઉપયોગ કરવામાં આવ્યો છે અને તે જાણવા મળ્યું છે કે આ લોકોએ કઈ કોલેજ અને યુનિવર્સિટીમાંથી અભ્યાસ કર્યો હતો. સર્વેમાં સામેલ 31 લાખ લોકોએ અમેરિકાની 2400 કોલેજો અને યુનિવર્સિટીમાંથી અભ્યાસ કર્યો છે. આ ડેટાનો ઉપયોગ કરીને તૈયાર કરાયેલા રિપોર્ટ દ્વારા એ જાણી શકાય છે કે કઈ યુનિવર્સિટીઓમાં લાખો રૂપિયાના પગાર સાથે નોકરી મળવાની શક્યતાઓ વધુ છે. અમેરિકામાં અભ્યાસ કરવા જતા ભારતીયો પણ આ સંસ્થાઓમાંથી અભ્યાસ કરી શકે છે.
