હવે આખરે દિવ્યા અગ્રવાલે આ ચર્ચાઓ પર પોતાનું મૌન છોડી દીધું છે.
બિગ બોસ ઓટીટી વિનર અને અભિનેત્રી દિવ્યા અગ્રવાલ છેલ્લા કેટલાક દિવસોથી છૂટાછેડાને કારણે ચર્ચામાં છે. દિવ્યાએ તેના બોયફ્રેન્ડ અપૂર્વ પડગાંવકર સાથે 20 ફેબ્રુઆરી 2024ના રોજ લગ્ન કર્યા હતા. લગ્નના માત્ર ત્રણ મહિના બાદ તેણે તેના લગ્નની તમામ તસવીરો ઈન્સ્ટાગ્રામ પરથી ડિલીટ કરી દીધી હતી. આ કારણે અફવાઓ ઉડવા લાગી હતી કે બંને છૂટાછેડા લેવાના છે. હવે આખરે દિવ્યા અગ્રવાલે આ ચર્ચાઓ પર પોતાનું મૌન છોડી દીધું છે.
દિવ્યા અગ્રવાલ સોશિયલ મીડિયા પર હંમેશા એક્ટિવ રહે છે. તેણે અપૂર્વ સાથેની સગાઈ, લગ્ન અને હલ્દી સેરેમનીની તમામ તસવીરો ઈન્સ્ટાગ્રામ પર શેર કરી હતી, પરંતુ થોડા દિવસો પહેલા અચાનક તેણે તે તસવીરો ડિલીટ કરી દીધી હતી. આ કારણે એવું કહેવાય છે કે લગ્નના ત્રણ મહિના પછી જ તેમનો સંબંધ તૂટી ગયો હતો. હવે આખરે દિવ્યા અગ્રવાલે ઈન્સ્ટાગ્રામ પર સ્ટોરી શેર કરીને આ મામલે ખુલાસો કર્યો છે.
દિવ્યા અગ્રવાલે પોતાની પોસ્ટમાં લખ્યું છે કે, “મેં કોઈ અવાજ નથી કર્યો, ન તો કંઈ કહ્યું કે ન તો મેં આ વિશે કોઈ સ્ટોરી પોસ્ટ કરી. મેં મારા ઈન્સ્ટા એકાઉન્ટમાંથી લગભગ 2500 પોસ્ટ ડિલીટ કરી છે પરંતુ મીડિયાએ માત્ર લગ્નના ફોટા જ પોસ્ટ કર્યા છે. હું માત્ર મારી પ્રોફાઇલ પરની પ્રથમ પોસ્ટ વિશે વાત કરવા માંગુ છું અને ભગવાનની કૃપાથી, મારા પતિ મારી બાજુમાં શાંતિથી સૂઈ રહ્યા છે,” દિવ્યા અગ્રવાલે એક ઇન્સ્ટાગ્રામ પોસ્ટમાં જણાવ્યું હતું.
દિવ્યા અગ્રવાલ અને તેના બોયફ્રેન્ડ અપૂર્વા પાડગાંવકરે 20 ફેબ્રુઆરી 2024ના રોજ લગ્ન કર્યા હતા. તેમના લગ્ન સમારોહ દિવ્યા અગ્રવાલના ચેમ્બુરના ઘરે યોજાયો હતો. બંનેએ તેમના લગ્નની ઘણી તસવીરો પોસ્ટ કરી હતી. હનીમૂન પરથી પરત આવ્યા બાદ દિવ્યાએ અચાનક જ તે તમામ તસવીરો ડિલીટ કરી દીધી હતી. બંનેનો એકબીજા સાથેનો એક પણ ફોટો સોશિયલ મીડિયા પર જોવા મળ્યો નથી. તેથી, લગ્નના ત્રણ મહિના પછી જ, તેમના સંબંધો વિશે ચર્ચાઓ થવા લાગી. હવે દિવ્યા અગ્રવાલે સ્પષ્ટતા કરી છે કે એવું કંઈ નથી.
