by : Reena brahmbhatt
ઓ ભગવાન હદ છે મંદિરોના પ્રસાદોમાં હિંદુઓ સાથે જ જો છેતરામણી થતી હોય તો તમે બીજાને તો શું કહી જ શકો ? સનાતન ધર્મ ચોક્કસપણે ઉદારમતવાદી છે પરંતુ તેનો અર્થ હરગિજ તે નથી કે, કોઈપણ આવશે અને તેની લાગણીઓ સાથે રમીને કે ખિલવાડ કરીને ચાલ્યું જશે.જી હા, હાલમાં જ કરોડો હિંદુઓના આસ્થાના પ્રતીક સમા તિરુપતિ મંદિરના પ્રસાદનો વિવાદ સામે આવ્યો છે.વિશ્વ પ્રસિદ્ધ તિરુપતિ મંદિરમાં લાડુ બનાવવામાં કથિત રીતે કથિત રીતે કથિત ઘટકો અને પ્રાણીઓની ચરબીના ઉપયોગને લઈને મોટો વિવાદ છેડાઈ ગયો છે. સત્તાધારી તેલુગુ દેશમ પાર્ટીએ ગુરુવારે દાવો કર્યો હતો કે ગુજરાત સ્થિત પશુધન પ્રયોગશાળાએ ભેળસેળની પુષ્ટિ કરી છે. ટીડીપીના પ્રવક્તા અનમ વેંકટા રમના રેડ્ડીએ એક પ્રેસ કોન્ફરન્સમાં કથિત લેબ રિપોર્ટ દર્શાવ્યો હતો, જેણે આપેલ ઘીના નમૂનામાં “બીફ ટેલો” ની હાજરીની પુષ્ટિ કરી છે.
ત્યારે અહીં સવાલ તે થાય છે કે, શું આ કોઈ કાવતરું છે, સનાતનીઓની વટલાવવવાનું ? કેમ કે, મંદિરોમાં મોટાભાગે નોનવેજ ચીજ તો ઠીક ઇવન ડુંગળી-લસણ નો ભોગ કે પ્રસાદ પણ આપણે ચડાવતા નથી.ત્યારે ભલે તિરુપતિ મંદિર તે વિસ્તારમાં આવ્યું હોય કે, જ્યાં નોનવેજ રોજિંદો ખોરાક છે.અહીં આમ એટલે કહેવું પડે કે ગુજરાતમાં આજેપણ મોટાભાગના ગુજરાતીઓ નોનવેજ ખાતા નથી.અને વળી આ તો તે મંદિર છે કે, જ્યાં જવાની નેમ દરેક હિંદુઓના દિલમાં હોય છે.કરોડો લોકોની આસ્થા ભગવાન તિરુપતિમાં જોડાયેલી છે.ત્યારે આ પ્રકારે આ મંદિરમાં આવી પ્રસાદી ધરાવાય ત્યારે કોણ હશે તે કાવતરાખોરો કે જે જાણી જોઈને આ પ્રકારે પ્રસાદ તૈયાર કરાવતા રહ્યા ?
વેલ, આ ખુલાસા બાદ આંધ્રપ્રદેશના રાજકારણમાં તોફાન મચી ગયું છે. આંધ્ર પ્રદેશ કોંગ્રેસ અધ્યક્ષ વાયએસ શર્મિલાએ સોશિયલ મીડિયા પ્લેટફોર્મ પર લખ્યું લાખો હિંદુઓ દ્વારા પૂજવામાં આવતા દેવતા વેંકટેશને બદનામ કરવામાં આવ્યો છે. અમે સીએમ ચંદ્રબાબુ નાયડુ પાસેથી માંગણી કરીએ છીએ. જો તમારા આરોપોમાં કોઈ રાજકીય પરિમાણ ન હોય, જો તમારી ભાવનાઓનું રાજકારણ કરવાનો કોઈ ઈરાદો ન હોય, તો તરત જ ઉચ્ચ સ્તરીય સમિતિની રચના કરો. અથવા સીબીઆઈ દ્વારા તપાસ કરાવો.
જુલાઇમાં ચોંકાવનારો રિપોર્ટ આવ્યો હતો
સ્વાદ અને ગુણવત્તાને પુનઃસ્થાપિત કરવા માટે TTDને અનેક પગલાં સૂચવવા ઉપરાંત, સમિતિએ NDDB, ગુજરાતને ઘીના નમૂના પણ મોકલ્યા હતા. જુલાઈમાં બહાર પાડવામાં આવેલા લેબોરેટરી રિપોર્ટમાં લાડુમાં ચરબી હોવાની પુષ્ટિ થઈ હતી. TTD એ તામિલનાડુના ડિંડીગુલ સ્થિત AR ડેરી ફૂડ્સ દ્વારા પૂરા પાડવામાં આવેલ ઘીનો સ્ટોક પરત કર્યો અને કોન્ટ્રાક્ટરને બ્લેક લિસ્ટ કર્યું. ત્યારબાદ, ટીટીડીએ ઘીના સપ્લાય માટે કર્ણાટક મિલ્ક ફેડરેશનની પસંદગી કરી.
સમિતિની રચના કરી
ટીટીડીએ પ્રસાદમની ગુણવત્તા ચકાસવા માટે નિષ્ણાત સમિતિની રચના કરી હતી. સભ્યોમાં ડૉ બી સુરેન્દ્રનાથ, નેશનલ ડેરી રિસર્ચ ઇન્સ્ટિટ્યૂટ, વિજયવાડાના ભૂતપૂર્વ પ્રિન્સિપાલ સાયન્ટિસ્ટ, ભાસ્કર રેડ્ડી (ડેરી નિષ્ણાત), પ્રોફેસર બી મહાદેવન (IIM-બેંગ્લોર) અને તેલંગાણા વેટરનરી યુનિવર્સિટીના ડૉ જી સ્વર્ણલથાનો સમાવેશ થાય છે.
ટીડીપી સરકારની તપાસ
ટીડીપી સરકારે જૂનમાં વરિષ્ઠ IAS અધિકારી જે શ્યામલા રાવને તિરુમાલા તિરુપતિ દેવસ્થાનમ (TTD)ના નવા કાર્યકારી અધિકારી તરીકે નિયુક્ત કર્યા હતા. TDP પોતે મંદિર સંકુલનું સંચાલન કરે છે. તિરુપતિમાં સુધારા માટે ઘણા નિર્ણયો લેવામાં આવ્યા હતા. જેમાં લાડુની કથિત નબળી ગુણવત્તા, સ્વાદ અને ટેક્સચરની તપાસ કરવાનો આદેશ પણ આપવામાં આવ્યો હતો.
લેબ રિપોર્ટમાં શું કહેવામાં આવ્યું?
કથિત પ્રયોગશાળાના અહેવાલમાં નમૂનાઓમાં “ચરબી” (ડુક્કરની ચરબી સંબંધિત) અને માછલીના તેલની હાજરીનો પણ દાવો કરવામાં આવ્યો છે. લાડુના નમૂના 9 જુલાઈ 2024ના રોજ લેવામાં આવ્યા હતા અને લેબોરેટરીનો રિપોર્ટ 16 જુલાઈના રોજ આવ્યો હતો.
બીફ ટેલો શું છે?
મુખ્ય વિવાદ બીફ ટેલોના કથિત ઉપયોગથી સંબંધિત છે. આ ઘટક ગોમાંસના કટ જેવા કે રમ્પ રોસ્ટ, પાંસળી અને સ્ટીકમાંથી ચરબી છે. તે માંસમાંથી કાઢવામાં આવેલી શુદ્ધ ચરબીને ઓગાળીને પણ બનાવી શકાય છે, જે ઠંડુ થવા પર નમ્ર પદાર્થમાં ફેરવાય છે. તે ઓરડાના તાપમાને નરમ માખણ જેવું જ દેખાય છે.
દરરોજ 3 લાખ લાડુ બનાવવામાં આવે છે
તિરુપતિ મંદિરમાં લાડુનો પ્રસાદ તૈયાર કરવામાં આવે છે. દરરોજ 3 લાખ લાડુ બનાવીને વહેંચવામાં આવે છે. લાડુમાં બીફ ફેટ, એનિમલ ફેટ અને ફિશ ઓઈલ ભેળવવામાં આવે છે. આ બધું તે ઘીમાં જોવા મળે છે જેમાંથી લાડુ તૈયાર કરવામાં આવે છે. નવાઈની વાત એ છે કે આ લાડુ માત્ર ભક્તોને પ્રસાદ તરીકે વહેંચવામાં આવતા ન હતા પરંતુ આ લાડુ ભગવાનને પણ પ્રસાદ તરીકે અર્પણ કરવામાં આવ્યા હતા.
