PM SVANidhi Yojana: જો તમે તમારો નાનો-મોટો બિઝનેસ માત્ર પૈસાની તંગીના કારણે શરૂ નથી કરી શકતા, તો હવે પરેશાન થવાની જરૂર નથી. નવો વેપાર શરૂ કરવામાં તમારી મદદ ખુદ મોદી સરકાર કરશે.
વાસ્તવમાં, પ્રધાનમંત્રી સ્વનિધિ યોજના એવા લોકો માટે એક મોટો સહારો બનીને સામે આવી છે, જેમનું કામ કોરોના મહામારી દરમિયાન પ્રભાવિત થયું હતું. આ યોજના હેઠળ સરકાર નાના વેપારીઓ અને ફેરિયાઓને ૯૦,૦૦૦ રૂપિયા સુધીની લોન ઉપલબ્ધ કરાવી રહી છે, જેથી તેઓ પોતાનો કારોબાર ફરી શરૂ કરી શકે અથવા નવો વ્યવસાય ઊભો કરી શકે.
કોરોના મહામારીમાંથી દેશ ભલે ઉગરી ગયો હોય, પરંતુ નાના વેપારીઓની આર્થિક સ્થિતિ મજબૂત કરવા માટે સરકારે આ યોજનાની સમયમર્યાદા વધારી દીધી છે. આ અંતર્ગત લોકોને પોતાનો બિઝનેસ શરૂ કરવા અને આગળ વધારવા માટે આર્થિક મદદ આપવામાં આવે છે, જેથી સ્વરોજગારને વેગ મળી શકે.
શું છે પ્રધાનમંત્રી સ્વનિધિ યોજના?
પ્રધાનમંત્રી સ્વનિધિ યોજના એક સરકારી યોજના છે, જે વડાપ્રધાન નરેન્દ્ર મોદી દ્વારા શરૂ કરવામાં આવી છે.
યોજના હેઠળ વેપારીઓને ૯૦,૦૦૦ રૂપિયા સુધીની લોન કોઈપણ ગેરંટી વગર મળી શકે છે.
આ યોજનામાં ફેરિયાઓને ક્રેડિટ કાર્ડ પણ આપવામાં આવે છે.
કોણ આનો લાભ લઈ શકે છે?
પ્રધાનમંત્રી સ્વનિધિ યોજનાનો લાભ ફેરિયાઓ, નાના વેપારીઓ અને મજૂરો ઉઠાવી શકે છે.
આની મદદથી તેઓ પોતાનો પોતાનો વેપાર શરૂ કરી શકે છે.
લોન લેવા માટે કયા કાગળો જોઈશે?
આધાર કાર્ડ
પાન કાર્ડ
સરનામું (રહેઠાણ અને વ્યવસાયિક સરનામું)
બેંક ખાતાની વિગત
લોન કેટલા તબક્કામાં મળશે?
યોજના હેઠળ આ રકમ ત્રણ તબક્કામાં આપવામાં આવે છે.
પ્રથમ હપ્તામાં ૧૫,૦૦૦ રૂપિયા સરકાર આપે છે, જ્યારે બીજામાં ૨૫,૦૦૦ રૂપિયા અને ત્રીજા હપ્તામાં ૫૦,૦૦૦ રૂપિયા હોય છે.
પ્રથમ હપ્તા તરીકે મળેલા ૧૫,૦૦૦ રૂપિયા નક્કી કરેલી અવધિમાં પરત કર્યા પછી જ બીજો હપ્તો જારી કરવામાં આવે છે.
તેવી જ રીતે બીજા હપ્તાના પૈસા યોગ્ય સમયે પરત કરવા પર ત્રીજા હપ્તામાં એકસાથે ૫૦,૦૦૦ રૂપિયાની લોન આપી દેવામાં આવે છે.
શું લોન માટે ગેરંટી જોઈશે?
તો તેનો જવાબ છે ના…. આ સરકારી સ્કીમની સૌથી ખાસ વાત એ છે કે આ અંતર્ગત ૯૦,૦૦૦ રૂપિયા સુધીની આ લોન કોઈપણ ગેરંટી વગર આપવામાં આવી રહી છે.
કેવી રીતે કરવી લોન માટે અરજી?
આ માટે ઓનલાઇન અને ઓફલાઇન બંને વિકલ્પો ઉપલબ્ધ છે.
સૌથી પહેલા પ્રધાનમંત્રી સ્વનિધિ યોજનાની સત્તાવાર વેબસાઇટ અથવા નજીકની બેંકમાં જઈને અરજી કરવાની રહેશે.
અરજી કર્યા પછી તમારા દ્વારા આપવામાં આવેલા દસ્તાવેજોની તપાસ કરવામાં આવશે.
તમામ દસ્તાવેજો સાચા જણાશે તો લોનની રકમ તમારા બેંક ખાતામાં ટ્રાન્સફર કરી દેવામાં આવશે.
લોન ચૂકવવાની પ્રક્રિયા એક વર્ષની અંદર કરવામાં આવે છે.
લોન સમય કરતા પહેલા ચૂકવવા પર વ્યાજમાં રાહત આપવામાં આવે છે.
ડિસ્ક્લેમર: આ સમાચાર માત્ર સામાન્ય જાણકારીના હેતુથી છે. યોજના સાથે જોડાયેલી શરતો, પાત્રતા અને લાભ સમયાંતરે બદલાઈ શકે છે. અરજી કરતા પહેલા સંબંધિત સરકારી વેબસાઇટ અથવા નજીકની બેંકમાંથી પૂરી અને સાચી જાણકારી જરૂર મેળવી લેવી.
