iPhone Call End Button: તમે ક્યારેય ધ્યાન આપ્યું છે કે iPhone જો લોક હોય અને તેના પર ફોન આવે, તો કોલ કાપવાનું બટન દેખાતું નથી. હવે એવું નથી કે Apple ઈચ્છે છે કે iPhone પર આવતા કોલને કાપી જ ન શકાય. અસલમાં લોક થયેલા iPhone પર આવતા કોલ માં તેને કાપવાનું બટન એટલા માટે નથી દેખાતું જેથી યુઝર ભૂલથી ફોન કાપી કે ઉઠાવી ન લે. બીજી તરફ જો ફોન અનલોક હોય, તો iPhone પર કોલ કાપવા અને ઉઠાવવા બંનેના બટન દેખાય છે. જ્યારે લોક થયેલા iPhone પર આવતા કોલને કાપવા માટે પાવર બટન મદદરૂપ સાબિત થાય છે.
ક્યારે દેખાય છે કોલ કાપવાનું બટન?
iPhone પર કોલ કાપવાનું બટન ત્યારે દેખાય છે, જ્યારે ફોન અનલોક હોય છે. ખરેખર Apple એક એવી કંપની છે, જે ઘણી બાબતોનું ધ્યાન રાખીને જ કોઈ ફીચર ઉપલબ્ધ કરાવે છે. iPhone જ્યારે અનલોક હોય છે, ત્યારે તેના પર કોલ કાપવાનો ઓપ્શન એટલા માટે મળે છે કારણ કે તે સમયે યુઝર ફોનનો ઉપયોગ કરી રહ્યો હોય છે અને તે પસંદ કરી શકે છે કે કોલ ઉઠાવવો છે કે કાપવો છે.
ક્યારે નથી દેખાતું કોલ કાપવાનું બટન?
જ્યારે એક iPhone લોક હોય છે, ત્યારે તેમાં કોલ કાપવાનો ઓપ્શન દેખાતો નથી. તે સમયે કોલ ઉઠાવવા માટે સ્લાઇડ બાર દેખાય છે. કોલ રિસીવ કરવા માટે તે સ્લાઇડ બારને ડાબેથી જમણી તરફ ખસેડવો પડે છે. હકીકતમાં Apple સમજે છે કે જે સમયે ફોન લોક છે, ત્યારે તે યુઝરના ખિસ્સા કે બેગમાં ગમે ત્યાં હોઈ શકે છે. એવામાં ભૂલથી રિસીવ બટન દબાવાથી અજાણતા કોલ રિસીવ થઈ શકે છે અથવા કપાઈ પણ શકે છે. આ કારણોસર લોક થયેલા iPhone પર ફોન કાપવાનું બટન આપવામાં આવતું નથી.
તો પછી કેવી રીતે કાપવો કોલ?
એવું નથી કે લોક થયેલા iPhone પર કોલ કાપવાનું બટન નથી મળતું, તો કોલને કાપી જ શકાતો નથી. iPhone જો લોક હોય, તો તમે પાવર બટનને બે વાર દબાવીને કોલને કાપી શકો છો.
