Lenovo Yoga Tab Plus Gen 2: Lenovo એ IFA 2026માં પોતાનું નવું પ્રીમિયમ ટૅબલેટ Yoga Tab Plus Gen 2 લોન્ચ કરી દીધું છે. કંપનીએ તેને પાવરફુલ હાર્ડવેર સાથે રજૂ કર્યું છે, જેમાં Snapdragon 8 Elite પ્રોસેસર, 13 ઇંચનું 4K ડિસ્પ્લે અને 12,700mAhની મોટી બેટરી સામેલ છે. ટૅબલેટમાં 16GB સુધી RAM અને 512GB સુધી સ્ટોરેજનો વિકલ્પ મળે છે, જ્યારે સ્ટોરેજને માઇક્રોએસડી કાર્ડની મદદથી 2TB સુધી વધારી શકાય છે. આ ઉપરાંત તેમાં 144Hz રિફ્રેશ રેટ, 1,100 નિટ્સ પીક બ્રાઇટનેસ, Dolby Vision અને 68W ફાસ્ટ ચાર્જિંગ જેવા ફીચર્સ આપવામાં આવ્યા છે. આ ટૅબલેટ Android 17 પર ચાલે છે અને તેને સાત OS અપગ્રેડ મળવાની વાત કહેવામાં આવી છે.
કિંમતની વાત કરીએ તો, Lenovo Yoga Tab Plus Gen 2 ની શરૂઆતની કિંમત 849 યુરો એટલે કે આશરે 93,000 રૂપિયા રાખવામાં આવી છે. તેને Cosmic Blue કલરમાં રજૂ કરવામાં આવ્યું છે. ટૅબલેટ 12GB RAM + 256GB, 16GB RAM + 256GB અને 16GB RAM + 512GB સ્ટોરેજ કન્ફિગરેશનમાં ઉપલબ્ધ થશે. કંપની અનુસાર, તેનું વેચાણ આ મહિનાના અંતમાં શરૂ થશે. હાલમાં ભારતમાં તેની કિંમત અને વેચાણની તારીખ અંગે માહિતી સામે આવી નથી.
ડિસ્પ્લે
ડિસ્પ્લેની વાત કરીએ તો Yoga Tab Plus Gen 2 માં 13 ઇંચની 4K પેનલ આપવામાં આવી છે, જેનું રિઝોલ્યુશન 3,840×2,560 પિક્સલ છે. આ સ્ક્રીન 144Hz સુધીના રિફ્રેશ રેટને સપોર્ટ કરે છે અને જરૂરિયાત અનુસાર 120Hz, 90Hz, 60Hz અને 30Hz પર પણ ચાલી શકે છે. સ્ક્રીનની પીક બ્રાઇટનેસ 1,100 નિટ્સ છે અને તેમાં Dolby Visionનો સપોર્ટ પણ મળે છે. તેનું ઍસ્પેક્ટ રેશિયો 3:2 અને પિક્સલ ડેન્સિટી 355ppi છે.
પરફોર્મન્સ
પરફોર્મન્સ માટે ટૅબલેટમાં Qualcomm Snapdragon 8 Elite ચિપસેટ આપવામાં આવ્યું છે. તેમાં મહત્તમ 16GB RAM અને 512GB ઇન્ટરનલ સ્ટોરેજ મળે છે. સ્ટોરેજને માઇક્રોએસડી કાર્ડ દ્વારા 2TB સુધી વધારી શકાય છે. સોફ્ટવેરની વાત કરીએ તો આ Android 17 પર ચાલે છે. Lenovo અનુસાર, ટૅબલેટને Android 24 સુધી સાત OS અપગ્રેડ અને 2033 સુધી સાત વર્ષના સિક્યુરિટી અપડેટ્સ મળશે, જોકે આ બજાર અને ડિવાઇસની ઉપલબ્ધતા પર નિર્ભર રહેશે.
કેમેરા અને કનેક્ટિવિટી
કેમેરાની વાત કરીએ તો Lenovo Yoga Tab Plus Gen 2 ની પાછળ ડ્યુઅલ કેમેરા સેટઅપ આપવામાં આવ્યો છે. તેમાં 13MPનો મુખ્ય કેમેરા અને 2MPનો મૅક્રો કેમેરા સામેલ છે. જ્યારે સેલ્ફી અને વીડિયો કૉલ માટે 8MP સેન્સર સાથે 0.3MP VGA સેન્સર આપવામાં આવ્યો છે. ટૅબલેટમાં Wi-Fi 7, Bluetooth 6.0 અને USB Type-C 3.2 Gen 1 પોર્ટ મળે છે. આ ઉપરાંત તેમાં ત્રણ-પોઇન્ટ પોગો પિન કનેક્ટર પણ આપવામાં આવ્યું છે.
બેટરી અને અન્ય ફીચર્સ
બેટરીની વાત કરીએ તો તેમાં 12,700mAhની બેટરી આપવામાં આવી છે, જે 68W ચાર્જિંગને સપોર્ટ કરે છે. ઑડિયો માટે ટૅબલેટમાં છ સ્પીકર આપવામાં આવ્યા છે, જેના પર SLS Harman Kardonની બ્રાન્ડિંગ મળે છે. તેનું વજન આશરે 605 ગ્રામ છે અને તેને Lenovoના વન-સ્ટેપ ક્લૅમશેલ મેગ્નેટિક કીબોર્ડ સાથે ઉપયોગ કરી શકાય છે. આ ઉપરાંત તેમાં Tab Pen Pro 2નો સપોર્ટ મળે છે, જેમાં Squeeze to Select અને Click to Draw જેવા ફીચર્સ આપવામાં આવ્યા છે.
