Smartphone Hidden Feature: આજકાલ સ્માર્ટફોનમાં ફીચર્સની કમી રહી નથી. દરેક કંપની પોતાના ફોનને ફીચર-લોડેડ બનાવવામાં લાગેલી છે. હવે ફોનમાં એટલા ફીચર્સ થઈ ગયા છે કે લોકો માટે બધાનો ઉપયોગ કરવો સરળ રહ્યો નથી. જોકે, આ ફીચર્સ તમારો સમય પણ બચાવી શકે છે અને તમને આખો દિવસ નોટિફિકેશનના ઝંઝટથી પણ દૂર રાખી શકે છે. આજે અમે તમને આવા જ કેટલાક હિડન ફીચર્સ જણાવવા જઈ રહ્યા છીએ, જેની મદદથી તમે તમારા જીવનને સરળ બનાવી શકો છો.
વોઈસ આસિસ્ટન્ટ: મોડર્ન સ્માર્ટફોન્સમાં વોઈસ આસિસ્ટન્ટનું ફીચર સામાન્ય થઈ ગયું છે, પરંતુ મોટાભાગના લોકો તેનો ઉપયોગ કરતા નથી. વોઈસ આસિસ્ટન્ટની મદદથી તમે તમારા ફોનને ટચ કર્યા વગર ઓપરેટ કરી શકો છો. સાથે જ તમે આનાથી તમારા પ્રશ્નોના જવાબ મેળવી શકો છો અને કોઈપણ બીજી ભાષાને પોતાની ભાષામાં ટ્રાન્સલેટ કરી શકો છો. આનાથી ફોનના બાકી ફીચર્સને એક્સેસ કરવાનું પણ સરળ બની જાય છે અને તમારે કંઈપણ ટાઈપ કરવાની જરૂર પડતી નથી.
ડૂ નોટ ડિસ્ટર્બ: જો તમે આખો દિવસ સોશિયલ મીડિયા નોટિફિકેશન અને મેસેજથી પરેશાન થઈ ગયા છો તો આ ફીચર તમને રાહત આપી શકે છે. જો તમે અભ્યાસ કે બીજું કોઈ કામ કરવા માંગો છો અને એવું વિચારી રહ્યા છો કે તમારો ફોન તમને ડિસ્ટર્બ ન કરે તો આ ફીચરને ઈનેબલ કરી લો. આ પછી ફોન પર કોઈ નોટિફિકેશન કે કોઈ બીજો એલર્ટ તમને પરેશાન કરશે નહીં.
સ્પ્લિટ સ્ક્રીન: જો તમારે મલ્ટીટાસ્કિંગ કરવું હોય તો આ ફીચર ખૂબ કામનું છે. એન્ડ્રોઈડ સ્માર્ટફોનમાં મળતું આ ફીચર ન માત્ર તમારો સમય બચાવે છે પરંતુ કોપી-પેસ્ટિંગ જેવા ઘણા ફીચર્સને સરળ પણ બનાવી દે છે. આનો ફાયદો એ છે કે તમે મેચ જોતા-જોતા મેસેજિંગ એપ્સ દ્વારા તમારા મિત્રો સાથે ચેટિંગ પણ કરી શકો છો. જોકે, આઈફોનમાં આવું કોઈ ફીચર મળતું નથી.
સ્ક્રીન ટાઈમ આઉટ: જો તમે એવા લોકોમાંથી છો, જે આખો દિવસ કામમાં વ્યસ્ત રહે છે અથવા એકથી વધુ ડિવાઈસનો ઉપયોગ કરે છે તો આ ફીચર તમારા કામમાં આવી શકે છે. સ્ક્રીન ટાઈમ આઉટમાં તમે સેટિંગમાં જઈને ટાઈમ લિમિટ સેટ કરી શકો છો, જે પછી તમારો ફોન તેની જાતે જ બંધ થઈ જશે. આનાથી બેટરી બચાવવામાં મદદ મળે છે અને ફોનને ભૂલથી અડવા પર કોઈ પ્રોગ્રામ ટ્રિગર થતો નથી.
