Wrong Number Recharge Back: શું ક્યારેય તમારી સાથે એવું બન્યું છે કે મોબાઈલ પ્લાન રિચાર્જ કરતી વખતે તમે કોઈ ખોટા નંબર પર રિચાર્જ કરી બેઠા હોવ? આવા સમયે મોટાભાગે લોકો માની લે છે કે તેમના પૈસા બરબાદ થઈ ગયા. જોકે એવું નથી, તમે ખોટા નંબર પર મોબાઈલ રિચાર્જ કરાવ્યા પછી ઈચ્છો તો તમારા પૂરા પૈસા પાછા મેળવી શકો છો. હાલમાં આ સુવિધા Jio પોતાની MyJio એપ પર આપી રહ્યું છે. જો તમે જીયો યુઝર છો અને કોઈ ખોટા નંબર પર રિચાર્જ કરી બેસો છો, તો થોડા સ્ટેપ્સ ફોલો કરીને તમારા પૈસા પાછા મેળવી શકો છો. જોકે નોંધવા જેવી વાત એ છે કે આવું રિચાર્જ થયાના શરૂઆતના બે કલાકમાં જ કરી શકાય છે. તેનાથી વધુ મોડું કરવા પર તમે તમારા પૈસા પાછા મેળવી શકશો નહીં.
કયા યુઝર્સને પાછા મળશે પૈસા?
હાલમાં ખોટું રિચાર્જ કરવા પર પૈસા પાછા મેળવવાની સુવિધા જીયો યુઝર્સને મળી રહી છે. આ માટે જીયો યુઝર્સ પાસે MyJio એપ હોવી જરૂરી છે અને રિચાર્જ પણ એપ દ્વારા જ કરવામાં આવ્યું હોય. જો આ બધી વસ્તુઓ હોય અને તમે ખોટા નંબર પર રિચાર્જ કરી બેસો, તો પૂરા પૈસા પાછા મેળવી શકો છો.
ખોટા રિચાર્જના પૈસા કેવી રીતે મેળવવા પાછા?
ખોટું રિચાર્જ થવા પર પૈસા પાછા મેળવવા માટે તમારે MyJio એપ પર જવું પડશે અને તેમાં તમારા જીયો નંબરથી લોગિન કરવું પડશે.
સર્ચ બારમાં Recharge History લખીને સર્ચ કરો અને તેને પસંદ કરો.
ત્યારબાદ તમને તમારું છેલ્લું રિચાર્જ દેખાશે.
રિચાર્જની વિગતોમાં રહેલા Cancel Recharge પર ક્લિક કરો.
હવે તે કારણ પસંદ કરો, જેના લીધે તમે રિચાર્જ કેન્સલ કરાવી રહ્યા છો.
ત્યારબાદ થોડા જ દિવસોમાં તમને તમારા રિચાર્જના પૈસા પાછા મળી જશે.
કયા કારણો પર મળે છે રિફંડ?
MyJio એપમાં Cancel Recharge પર ક્લિક કર્યા પછી તમને કેટલાક કારણો દેખાશે, જેના લીધે તમે રિચાર્જને કેન્સલ કરીને તમારા પૈસા પાછા મેળવી શકો છો. તે કારણોમાં ખોટો નંબર અથવા ખોટો પ્લાન રિચાર્જ કરી લેવો અને બાળકો દ્વારા ભૂલથી રિચાર્જ થઈ જવું જેવા કારણો સામેલ છે. તમે કોઈપણ કારણ પસંદ કરીને રિચાર્જ કેન્સલ કરાવી શકો છો.
