Harsh Sanghavi Sankalp Bhoomi Visit: હર્ષ સંઘવીએ વડોદરાની સંકલ્પભૂમિ સ્મારકની લીધી સમીક્ષા, અંતિમ તબક્કામાં પહોંચ્યું કામ
Harsh Sanghavi Sankalp Bhoomi Visit: ગુજરાતના નાયબ મુખ્યમંત્રી હર્ષ સંઘવીએ શુક્રવારે વડોદરા પ્રવાસ દરમિયાન નિર્માણાધીન ડૉ. બાબાસાહેબ આંબેડકર સંકલ્પભૂમિ સ્મારકની મુલાકાત લઈને કામગીરીની સર્વાંગી સમીક્ષા કરી. આ સ્મારકનું નિર્માણ કલ્યાણનગરમાં કરવામાં આવી રહ્યું છે. આ સ્થળથી થોડે અંતરે આવેલા કમાટીબાગમાં આંબેડકર અસ્પૃશ્યતા અંગે બેસીને રડ્યા હતા. આ સ્થળ બાબાસાહેબની સંકલ્પભૂમિ તરીકે ઓળખાય છે. દર વર્ષે 23 સપ્ટેમ્બરે અહીં મોટી સંખ્યામાં આંબેડકરના અનુયાયીઓ પહોંચે છે અને બાબાસાહેબને નમન કરે છે. નાયબ મુખ્યમંત્રી હર્ષ સંઘવી પણ સયાજીબાગ સ્થિત સંકલ્પભૂમિ પર ગયા હતા. તેમણે બંધારણના નિર્માતાની તસવીર પર પુષ્પ અર્પણ કર્યા.
સ્મારકમાં શું-શું હશે?
ગુજરાત સરકાર ડૉ. બાબાસાહેબ આંબેડકરે સામાજિક અસમાનતા અને કુરિવાજોને દૂર કરીને સામાજિક સમરસતા લાવવા માટે વડોદરાના કમાટીબાગમાં વડના વૃક્ષ નીચે બેસીને જે ઐતિહાસિક સંકલ્પ લીધો હતો, તે પવિત્ર સ્થળને સ્મારક તરીકે વિકસાવવા માટે રાજ્ય સરકાર દ્વારા સંકલ્પભૂમિ સ્મારકનું નિર્માણ કરવામાં આવી રહ્યું છે. ડૉ. બાબાસાહેબ આંબેડકર સંકલ્પભૂમિ સ્મારક પ્રોજેક્ટ અંતર્ગત લાઇબ્રેરી, ઇન્ટિરિયર, મ્યુઝિયમ ડિઝાઇન, સ્ટેચ્યુ, CCTV વગેરે સુવિધાઓની જોગવાઈ કરવામાં આવી છે. સમીક્ષા દરમિયાન જણાવવામાં આવ્યું કે સંકલ્પભૂમિ સ્મારક સ્થિત ફેઝ-2 અંતર્ગત મ્યુઝિયમ ડિઝાઇન, ક્યુરેશન, ડેવલપમેન્ટ, સ્ટેચ્યુ, ઇન્ટિરિયર તેમજ ફર્નિચરનું મોટાભાગનું કામ અંતિમ તબક્કામાં પહોંચી ગયું છે.
36 લાખ રૂપિયામાં કમાટીબાગનું સૌંદર્યીકરણ
સ્મારકમાં આવતા પ્રવાસીઓની સુવિધા માટે કમાટીબાગમાં 36 લાખ રૂપિયાના અંદાજિત ખર્ચે સૌંદર્યીકરણ અને પ્લેટફોર્મ માટે વહીવટી મંજૂરી મેળવવાની પ્રક્રિયા શરૂ કરવામાં આવી છે. સ્મારકની કૅફેટેરિયાનું સંચાલન ‘મૈત્રી સખી મંડળ’ને સોંપવાના નિર્દેશ પણ આપવામાં આવ્યા છે. આ બેઠકમાં રાજ્યમંત્રી મનીષાબેન વકીલ, સચિવ હર્ષદ પટેલ, મહાનગરપાલિકા કમિશનર IAS અરુણ મહેશ બાબુ, કલેક્ટર ડૉ. અનિલ ધામેલિયા હાજર રહ્યા હતા. એવી શક્યતા છે કે જ્યારે PM મોદી ટાટા એરબસના પ્રથમ C295 લશ્કરી પરિવહન વિમાનને સોંપવા માટે વડોદરા આવશે ત્યારે તેઓ સ્મારકનું ઉદ્ઘાટન કરી શકે છે.
ત્યારે નોકરી કરવા પહોંચ્યા હતા આંબેડકર
લંડનથી અભ્યાસ પૂર્ણ કરીને પરત ફર્યા બાદ જ્યારે આંબેડકર ગુજરાતમાં નોકરી કરવા માટે ગયા હતા ત્યારે નીચી જાતિના હોવાના કારણે તેમનું અપમાન કરવામાં આવ્યું હતું. ત્યાર બાદ બાબાસાહેબે પૂણે પરત ફરવાનો નિર્ણય કર્યો હતો. કારણ કે વડોદરાથી ટ્રેન મોડી હતી, તેથી તેઓ કમાટીબાગમાં બેઠા હતા. આગળ જતાં બાબાસાહેબે એક પુસ્તકમાં ઉલ્લેખ કર્યો હતો કે તેઓ રડવા માટે મજબૂર થયા હતા. ત્યારથી આ સ્થળ સંકલ્પભૂમિ બની ગયું હતું. ભીમરાવ આંબેડકરને અભ્યાસ અને લંડન જવા માટે વડોદરાના મહારાજા રહેલા સયાજીરાવ ગાયકવાડ-IIIએ આર્થિક મદદ કરી હતી. તેમાં શરત હતી કે તેઓ અભ્યાસ પૂર્ણ કર્યા બાદ બરોડા રિયાસતમાં નોકરી કરશે, જોકે જાતિગત વિરોધના કારણે આંબેડકરે વડોદરા છોડવું પડ્યું હતું.
