Hero Glamour X ABS: Hero Motocorp એ ભારતીય બજારમાં પોતાની ધમાકેદાર 125cc મોટરસાઇકલ Glamour X ને નવા અને ઍડવાન્સ્ડ અવતારમાં રજૂ કરી છે, જે સેગમેન્ટ-ફર્સ્ટ ઇન્ટિગ્રેટેડ-ABSથી સજ્જ છે. આ આધુનિક ટેક્નોલોજી અલગ-અલગ રોડ કન્ડિશનમાં ઉત્તમ બ્રેકિંગ પરફોર્મન્સ અને સ્ટેબિલિટી સુનિશ્ચિત કરે છે. બાઇકમાં સ્પોર્ટી ગ્રાફિક્સ સાથે મસ્ક્યુલર ડિઝાઇન, H સિગ્નેચરવાળી ફુલ LED લાઇટિંગ અને 60થી વધુ સ્માર્ટ ફીચર્સથી સજ્જ 10.7 સેન્ટિમીટરનું ઍડેપ્ટિવ મલ્ટિ-કલર કન્સોલ આપવામાં આવ્યું છે. આ ઉપરાંત, બ્લૂટૂથ કનેક્ટિવિટી, ટર્ન-બાય-ટર્ન નેવિગેશન અને ક્રૂઝ કંટ્રોલ જેવી સુવિધાઓ તેને વધુ ખાસ બનાવે છે. Sprint-EBT એન્જિનથી પાવર્ડ આ બાઇક Eco, Road અને Power જેવા ત્રણ રાઇડ મોડ્સ આપે છે. ₹1,01,000 ની શરૂઆતની કિંમત સાથે આવેલી આ મોટરસાઇકલ સેફ્ટી અને સ્ટાઇલનું ઉત્તમ સંયોજન છે.
સેગમેન્ટ-ફર્સ્ટ સેફ્ટી અને બ્રેકિંગ ફીચર્સ
નવી Glamour X માં સેફ્ટીને સૌથી ઉપર રાખવામાં આવી છે. તેમાં મળતા મુખ્ય સેફ્ટી ફીચર્સ આ પ્રમાણે છે.
ઇન્ટિગ્રેટેડ-ABS: આ ટેક્નોલોજી અલગ-અલગ રોડ કન્ડિશનમાં ફાસ્ટ, વધુ સંવેદનશીલ અને ઉત્તમ બ્રેકિંગ પરફોર્મન્સ આપે છે, જેના કારણે બ્રેકિંગ ડિસ્ટન્સ ઓછું થાય છે.
પેનિક બ્રેક અલર્ટ: ઇમરજન્સી બ્રેકિંગ દરમિયાન પાછળથી આવી રહેલા વાહનોને સતર્ક કરવા માટે ફાસ્ટ-ફ્લેશિંગ LED વિંકર્સ આપવામાં આવ્યા છે.
હેઝાર્ડ લેમ્પ્સ: કોઈપણ ઇમરજન્સી સ્થિતિનો સંકેત આપવા માટે તેમાં હેઝાર્ડ લેમ્પની સુવિધા પણ ઉપલબ્ધ છે.
ડિઝાઇન અને મસ્ક્યુલર સ્ટાઇલિંગ
Glamour X 125 ની ડિઝાઇન ખૂબ જ મસ્ક્યુલર અને આકર્ષક છે. તેમાં ‘H’ સિગ્નેચરવાળી ફુલ LED લાઇટિંગ પૅકેજ અને સ્પોર્ટી ગ્રાફિક્સ આપવામાં આવ્યા છે, જે રસ્તા પર તેને અલગ ઓળખ આપે છે. તેને ગન મેટલ ગ્રે અને મૅટ ઍક્સિસ ગ્રે જેવા બે નવા કલર ઑપ્શન્સ ઉપરાંત બે વર્તમાન રંગો, બ્લેક પર્લ રેડ અને બ્લેક ટીલ બ્લૂમાં રજૂ કરવામાં આવી છે.
સ્માર્ટ ટેક્નોલોજી અને કનેક્ટિવિટી
Hero Glamour X માં 10.7 સેન્ટિમીટરનું ઍડેપ્ટિવ મલ્ટિ-કલર કન્સોલ આપવામાં આવ્યું છે, જે ઍમ્બિયન્ટ લાઇટિંગ અને 60થી વધુ ફીચર્સ સાથે આવે છે.
કનેક્ટિવિટી: બ્લૂટૂથ કનેક્ટિવિટી, ટર્ન-બાય-ટર્ન નેવિગેશન, ETA ડિસ્પ્લે સાથે અને કૉલ/SMS અલર્ટ્સ.
રાઇડર અસિસ્ટ: ગિયર શિફ્ટ ઍડવાઇઝરી, ડિસ્ટન્સ-ટુ-એમ્પ્ટી અને રિયલ-ટાઇમ માઇલેજ ઇન્ડિકેટર.
એન્જિન અને પરફોર્મન્સ
નવી Hero Glamour X માં Sprint-EBT એન્જિન આપવામાં આવ્યું છે, જે 8250 RPM પર 11.4 bhp ની પાવર જનરેટ કરે છે. તે સ્મૂથ પાવર ડિલિવરી અને ઓછા NVH (નોઇઝ, વાઇબ્રેશન અને હાર્નેસ) માટે જાણીતી છે. રાઇડર્સ પોતાની જરૂરિયાત મુજબ Eco, Road અને Power જેવા ત્રણ રાઇડ મોડ્સમાંથી પસંદગી કરી શકે છે. આ ઉપરાંત, લાંબી મુસાફરી દરમિયાન થાક ઓછો કરવા અને માઇલેજ વધુ સારું કરવા માટે તેમાં ક્રૂઝ કંટ્રોલ પણ આપવામાં આવ્યું છે.
