સુરત ઇન્ટરનેશનલ એરપોર્ટ પર ફ્લાઇટની સંખ્યામાં ઘટાડો, મુસાફરોની સંખ્યામાં વધારો, 39 ટન આંતરરાષ્ટ્રીય કાર્ગોનું પ્રથમ વખત પરિવહન
સુરત ઇન્ટરનેશનલ એરપોર્ટ મે 2024માં 1.47 લાખથી વધુ મુસાફરોને હેન્ડલ કર્યા હતા, જે આ વર્ષે અત્યાર સુધીમાં સૌથી વધુ છે. આ સંખ્યામાં ડોમેસ્ટિક ફ્લાઈટ્સ પર 1,34,091 પેસેન્જર્સ અને ઈન્ટરનેશનલ ફ્લાઈટ્સ પર 13,907 પેસેન્જર્સનો સમાવેશ થાય છે. નોંધનીય છે કે મે મહિનામાં પહેલીવાર એરપોર્ટ પરથી 39 ટન આંતરરાષ્ટ્રીય કાર્ગો પણ મોકલવામાં આવ્યો હતો.
જોકે, ફ્લાઇટની સંખ્યામાં ઘટાડો જોવા મળ્યો છે. મે મહિનામાં 1,348 ડોમેસ્ટિક અને 102 ઈન્ટરનેશનલ ફ્લાઈટ્સ ઓપરેટ થઈ હતી.
આંતરરાષ્ટ્રીય કાર્ગો સુવિધા શરૂ કરી
સુરત એરપોર્ટ માટે એક મહત્વની સિદ્ધિ આંતરરાષ્ટ્રીય કાર્ગો સુવિધાની શરૂઆત છે. પ્રથમ મહિનામાં જ 39 ટન કાર્ગો હેન્ડલ કરવામાં આવ્યો છે, જે આગામી દિવસોમાં વધુ વધવાની ધારણા છે.
એરપોર્ટ અધિકારીઓનું માનવું છે કે જેમ જેમ લોકો આ સુવિધા વિશે જાગૃત થશે તેમ તેમ તેનો ઉપયોગ વધશે.
સુરતના વેપારીઓ અને ઉદ્યોગો માટે આ એક મોટો ફાયદો છે, જેઓ હવે સરળતાથી આંતરરાષ્ટ્રીય સ્તરે માલ મોકલી અને મેળવી શકશે.
