આતંકવાદીઓ પીએમ મોદીના વિમાન પર હુમલો કરી શકે છે: વડા પ્રધાન નરેન્દ્ર મોદીના વિમાનને તેમની બે દિવસીય યુએસ મુલાકાત પહેલાં આતંકવાદી હુમલાની ધમકી મળી છે, મુંબઈ પોલીસે બુધવારે જણાવ્યું હતું. કોલ કરનાર વ્યક્તિની ધરપકડ કરવામાં આવી છે અને તે માનસિક રીતે બીમાર હોવાનું કહેવાય છે. પોલીસે કહ્યું કે ‘મુંબઈ પોલીસ કંટ્રોલ રૂમને ધમકીભર્યો કોલ કરનાર વ્યક્તિને ચેમ્બુર વિસ્તારમાંથી કસ્ટડીમાં લેવામાં આવ્યો છે. તે માનસિક રીતે બીમાર છે.
મીડિયા રિપોર્ટ્સમાં મુંબઈ પોલીસને ટાંકીને કહેવામાં આવ્યું છે કે ’11 ફેબ્રુઆરીએ મુંબઈ પોલીસ કંટ્રોલ રૂમમાં એક કોલ આવ્યો હતો, જેમાં ચેતવણી આપવામાં આવી હતી કે આતંકવાદીઓ વડા પ્રધાન મોદીના પ્લેન પર હુમલો કરી શકે છે, કારણ કે તેઓ સત્તાવાર વિદેશ પ્રવાસ પર જઈ રહ્યા હતા. માહિતીની ગંભીરતાને ધ્યાનમાં લઈને પોલીસે અન્ય એજન્સીઓને આ અંગે જાણ કરી અને તપાસ શરૂ કરી.
જોકે, આ પહેલીવાર નથી જ્યારે મુંબઈ પોલીસને પીએમ મોદીના જીવને ધમકી મળી હોય. અધિકારીઓના જણાવ્યા અનુસાર, ગયા વર્ષે ડિસેમ્બરમાં ટ્રાફિક પોલીસ હેલ્પલાઇનને ધમકી મોકલવામાં આવી હતી, જેમાં બે કથિત ISI એજન્ટો સાથે સંકળાયેલા બોમ્બ કાવતરાનો દાવો કરવામાં આવ્યો હતો. આ સિવાય ગયા વર્ષે કાંદિવલીની રહેવાસી 34 વર્ષીય શીતલ ચવ્હાણની વડાપ્રધાનના જીવને જોખમ હોવાના આરોપમાં ધરપકડ કરવામાં આવી હતી. ચવ્હાણે કથિત રીતે પોલીસ કંટ્રોલ રૂમને ફોન કર્યો હતો અને દાવો કર્યો હતો કે તેની પાસે હથિયારો તૈયાર છે.
PM મોદી ફ્રાન્સ-અમેરિકા પ્રવાસે છે
પીએમ મોદી 10 ફેબ્રુઆરીએ પેરિસ પહોંચ્યા હતા અને સાંજે તેમણે એલિસ પેલેસમાં રાષ્ટ્રપતિ મેક્રોન સાથે ડિનર કર્યું હતું. આ દરમિયાન ઘણી મોટી ટેકનિકલ કંપનીઓના સીઈઓ પણ સામેલ હતા. આ પછી તેણે 11 ફેબ્રુઆરીએ AI એક્શન સમિટની સહ અધ્યક્ષતા કરી. આ પછી પીએમ મોદી બુધવારે અમેરિકા પહોંચશે. તેમનો અમેરિકન પ્રવાસ બે દિવસનો હશે, જ્યાં તેઓ 12 થી 14 ફેબ્રુઆરી સુધી રોકાશે.
