અમદાવાદ, સોમવાર
AntibioticAwareness : વાતાવરણમાં નાનકડુ પરિબળ બદલાતા બીમારીઓ વધુ ઝડપથી ફેલાવા લાગે છે. વ્યસ્ત જીવનશૈલીના કારણે, ઘણા લોકો ડૉક્ટર પાસે જવાના બદલે મેડિકલથી દવા લેવાનું પસંદ કરે છે, પરંતુ આ આદતના કારણે શરીરને ગંભીર નુકસાન થઈ શકે છે. દર વર્ષે વિશ્વમાં લગભગ 49 લાખ લોકો આ આદતના કારણે મોતને ભેટે છે, અને આ આંકડો 2050 સુધીમાં 1 કરોડ સુધી પહોંચી શકે છે. આ વિશે જાગૃતિ લાવવા માટે ઇન્ડિયન મેડિકલ એસોસિએશન (IMA) અને WHO એ અમદાવાદમાં વર્કશોપનું આયોજન કર્યું હતું, જેમાં દેશભરના પ્રતિનિધિઓએ આ મુદ્દે માર્ગદર્શન આપ્યું.
એન્ટિબાયોટિક્સનો અતિઉપયોગ: આ વર્કશોપમાં, AMR સ્ટેન્ડિંગ કમિટીના ચેરમેન ડૉ. નરેન્દ્ર સૈનીએ જણાવ્યું કે, બેક્ટેરિયા પર વધુ એન્ટિબાયોટિક્સનો ઉપયોગ તેમને પ્રતિરોધક બનાવી દે છે, જેને કારણે એન્ટિબાયોટિક્સ અસક્ષમ થઈ જાય છે. આ સમસ્યાને ‘એન્ટિબાયોટિક રેઝિસ્ટન્સ’ (AMR) કહેવામાં આવે છે, જે વર્ષ 2050 સુધીમાં 10 મિલિયન લોકોના મૃત્યુનું કારણ બની શકે છે.
જાણકારીની ખામી: ડૉ. સૈનીએ સમજાવ્યું કે 70-80% બીમારીઓ એન્ટિબાયોટિક્સ વગર ઠીક થઈ જાય છે, ખાસ કરીને વાઈરલ ઇન્ફેક્શન. એન્ટિબાયોટિક્સનો અજાણકાર રીતે અને વધારે ઉપયોગ બેક્ટેરિયા અને વાયરસના પ્રતિકારક બનાવવા માટે જવાબદાર છે.
AMR અને એન્ટિબાયોટિક્સની અવશ્યકતા: આ વર્કશોપમાં જણાવ્યું હતું કે, 22 ગ્રૂપની 118 એન્ટિબાયોટિક્સમાંથી 24 એન્ટિબાયોટિક્સ હવે બિનઅસરકારક થઈ ગઈ છે. મોટા ભાગના લોકો એન્ટિબાયોટિક્સનો ઉપયોગ બેક્ટેરિયા માટે જ કરે છે, પરંતુ ઘણા વાર તેઓ વાયરસ પર તેને અજાણક રીતે લાગુ કરે છે. આ કારણોસર જ ડૉક્ટરે લખેલી જ દવાઓ લેવાનો આગ્રહ રાખવો અને જાતે દવાઓ ન લેવી.
