Space Race 2026: ‘Open Space: From Earth to Eternity- the Global Race to Explore and Conquer the Cosmos’ નામનું પુસ્તક અને તેના લેખક ડેવિડ અરિઓસ્તો (David Ariosto) એ કંપનીઓ અને રાષ્ટ્રો વચ્ચે ચાલી રહેલી સ્પેસ રેસ વિશે જણાવ્યું છે. ડેવિડ જર્નાલિસ્ટ રહ્યા છે, તેથી ચીનના સ્પેસ પ્રોગ્રામ અને Intuitive Machines જેવી સ્પેસ એક્સપ્લોરેશનમાં સામેલ કંપનીઓ સુધી તેમની પહોંચ રહી છે. આ પુસ્તકમાં તેમણે આવા અનુભવો અને જાણકારીઓનો ઉપયોગ કર્યો છે.
તેમણે પુસ્તકમાં લખ્યું છે કે Intuitive Machines ના એન્જિનિયરોને ચંદ્ર પર અંતરિક્ષ યાનના લેન્ડિંગના પ્રયાસોને લઈને કેવા પ્રકારની મુશ્કેલીઓનો સામનો કરવો પડ્યો. તેમણે ચંદ્રની રેસમાં સામેલ ઘણી સ્ટાર્ટઅપ્સના અધિકારીઓના જે ઈન્ટરવ્યુ લીધા, તેનાથી મળેલી ઘણી રસપ્રદ માહિતી તેમણે વાચકો સામે મૂકી છે.
અમેરિકાને પાછળ છોડી રહ્યું છે ચીન
તેમણે એ પણ જણાવ્યું છે કે સ્પેસ રેસમાં ચીન કઈ રીતે અમેરિકાને પાછળ છોડવાની કોશિશ કરી રહ્યું છે. આનાથી વાચકોને એ સમજવામાં સરળતા રહે છે કે આ ઇન્ડસ્ટ્રી કઈ રીતે સતત મોટી થઈ રહી છે અને ભવિષ્યમાં તેનું સ્વરૂપ કેવું રહેવાનું છે. ડેવિડ એ પણ લખે છે કે આ ક્ષેત્રમાં ઘણી એવી કંપનીઓ છે, જેમને અબજોપતિઓ પાસેથી જબરદસ્ત પૈસા મળી રહ્યા છે અને કઈ રીતે આમાંથી ઘણી કંપનીઓ સરકારી ફર્મ્સને પડકાર આપતી દેખાઈ રહી છે. જોકે, તેઓ એ પણ માને છે કે આ ક્ષેત્રમાં સરકારનું સમર્થન કેટલું જરૂરી છે.
પુસ્તકને 47 પ્રકરણોમાં વહેંચવામાં આવ્યું છે
પુસ્તકને ૪૭ નાના-નાના પ્રકરણોમાં વહેંચવામાં આવ્યું છે. આમાં અલગ-અલગ પ્રકરણોમાં ડેવિડે ચંદ્ર પર જવા વાળા અભિયાનો, સાયબર સિક્યુરિટી, માઇક્રોગ્રેવિટી દવાઓ, અંતરિક્ષમાં ડેટા સેન્ટર જેવા વિષયોની ચર્ચા કરી છે. પુસ્તકનો પહેલો ભાગ ઘણો રોચક છે, જે વાચકોને જકડી રાખે છે. પરંતુ બીજા ભાગમાં લેખક ક્યાંક ખૂબ આશાવાદી તો ક્યાંક ખૂબ નિરાશાથી ઘેરાયેલા દેખાય છે. બીજા ભાગમાં ડેવિડે અંતરિક્ષના કાટમાળથી વધી રહેલા જોખમથી લઈને મંગળ ગ્રહ પર માનવીય વસાહતો બનાવવાના પ્રોજેક્ટ સુધીનો ઉલ્લેખ કર્યો છે.
સ્પેસએક્સના સ્થાપક ઇલોન મસ્ક અને બ્લુ ઓરિજિન-એમેઝોનના સ્થાપક જેફ બેઝોસ જેવા લોકોએ અંતરિક્ષને લઈને દુનિયાને જે સપના બતાવ્યા છે, આ પુસ્તકમાં તેમને પૂરા થતા માનવામાં આવ્યા છે. જોકે, સત્ય એ છે કે આ અભિયાનોને લઈને ઘણી શંકાઓ રહેલી છે અને તેમના ભવિષ્ય વિશે પાકા પાયે કંઈપણ કહેવું શક્ય નથી. ડેવિડ જ્યાં ચંદ્રને લઈને ખાનગી ક્ષેત્રના અભિયાનોને બહુ મહત્વ આપતા નથી, ત્યાં પ્રકાશથી વધુ ઝડપે ટ્રાવેલ અને અંતરિક્ષમાં માનવીય વસાહતો જેવા વિવાદિત આઈડિયાને મંચ આપતા જોવા મળે છે.
રિયૂઝેબલ રોકેટ મોટી ક્રાંતિ
તેઓ લખે છે કે મસ્કના રિયૂઝેબલ રોકેટ સ્પેસ રેસની દ્રષ્ટિએ ખૂબ મોટી ક્રાંતિ છે અને હજુ દુનિયા તેની અસરને પૂરી રીતે સમજી શકી નથી. ડેવિડ એ પણ જણાવે છે કે આ સફળતાથી અંતરિક્ષ અભિયાનોમાં જે આગળની રાહ ખુલવાની છે, આપણે અત્યારે તેના શરૂઆતી તબક્કામાં છીએ. તેઓ એ પણ જણાવે છે કે આ રેસ પર વૈશ્વિક શક્તિ સંતુલન ટકેલું છે.
ડેવિડે આ પુસ્તકમાં સ્પેસ પોલિસી, ટેકનોલોજી અને હોડની જે વાત કરી છે, તે આ વિષયમાં રસ ધરાવનારાઓને પ્રભાવિત કરશે. પુસ્તક તે લોકો માટે પણ સારું છે, જેઓ આ વિષયથી અજાણ છે અને તેના વિશે જાણકારી મેળવવા માંગે છે. જોકે, ગંભીર વાચકોને પુસ્તકથી નિરાશા પણ થઈ શકે છે. કુલ મળીને, ‘Open Space’ સ્પેસ રેસના રોમાંચને વાચકોની સામે લાવવામાં તો સફળ રહી છે, પરંતુ તેમાં ઊંડાણની કમી છે.
