New Renault Duster India Launch: ભારતીય રસ્તાઓ પર ફરી એકવાર Renault Duster નો દબદબો જોવા મળશે. રેનોએ સત્તાવાર રીતે પોતાની નવી ડસ્ટરને ભારતમાં લોન્ચ કરી દીધી છે. મિડસાઈઝ-SUV સેગમેન્ટમાં આવતી આ કારની શરૂઆતી એક્સ-શોરૂમ કિંમત 10.49 લાખ રૂપિયા રાખવામાં આવી છે. આ નવી ડસ્ટર જૂના મોડલની સરખામણીએ સંપૂર્ણપણે બદલાઈ ગઈ છે અને હવે પહેલા કરતા વધુ હાઈ-ટેક, શાનદાર અને મજબૂત છે.
એન્જિન અને પાવર
નવી ડસ્ટરને ત્રણ અલગ-અલગ એન્જિન વિકલ્પો સાથે રજૂ કરવામાં આવી છે:
Turbo TCe 100: આ કારનું એન્ટ્રી-લેવલ એન્જિન છે, જે બેઝ વેરિઅન્ટમાં ઉપલબ્ધ હશે.
Turbo TCe 160: આ વધુ પાવરફુલ એન્જિન છે જે 163 PS પાવર અને 280 Nm ટોર્ક જનરેટ કરે છે. આમાં 6-સ્પીડ મેન્યુઅલ અને 6-સ્પીડ ડ્યુઅલ-ક્લચ ઓટોમેટિક (DCT) ગિયરબોક્સનો વિકલ્પ મળશે.
Strong Hybrid (E-Tech 160): આમાં 1.8-લિટર પેટ્રોલ એન્જિન સાથે ઇલેક્ટ્રિક મોટર અને 1.4 kWh ની બેટરી આપવામાં આવી છે. કંપનીનો દાવો છે કે સિટી ડ્રાઇવિંગમાં આ કાર 80% સુધી માત્ર ઇલેક્ટ્રિક મોડ પર ચાલી શકે છે, જેનાથી પેટ્રોલની મોટી બચત થશે.
બુકિંગ અને ડિલિવરી
માર્કેટમાં નવી ડસ્ટરની ભારે માંગ જોવા મળી રહી છે:
બુકિંગ: તમે 21,000 રૂપિયા આપીને આ કાર બુક કરાવી શકો છો.
ડિલિવરી: પેટ્રોલ વેરિઅન્ટ્સની ડિલિવરી એપ્રિલ 2026 થી શરૂ થશે.
હાઈબ્રિડ મોડલ: આ મોડલ વર્ષ 2026 માટે અત્યારથી જ ફૂલ બુક થઈ ચૂક્યું છે અને તેની ડિલિવરી દિવાળીની આસપાસ શરૂ થશે.
ડિઝાઇન અને સાઈઝ
નવી ડસ્ટર દેખાવમાં ખૂબ જ મસ્ક્યુલર અને આધુનિક છે.
ગ્રાઉન્ડ ક્લિયરન્સ: 212mm નું શાનદાર ગ્રાઉન્ડ ક્લિયરન્સ છે, જે ખરાબ રસ્તાઓ માટે શ્રેષ્ઠ છે.
બૂટ સ્પેસ: સામાન રાખવા માટે 700 લિટરની વિશાળ જગ્યા આપવામાં આવી છે.
એક્સટીરિયર: 18-ઇંચના એલોય વ્હીલ્સ, નવી LED લાઇટ્સ અને મજબૂત ગ્રિલ તેને રસ્તા પર શાનદાર લુક આપે છે.
ઇન્ટિરિયર અને ફીચર્સ
ડસ્ટરનું કેબિન હવે ઘણું પ્રીમિયમ બની ગયું છે:
ડિસ્પ્લે: 10.1-ઇંચની મોટી ટચસ્ક્રીન (ઇન-બિલ્ટ ગૂગલ સર્વિસ સાથે) અને 10.25-ઇંચનું ડિજિટલ ઇન્સ્ટ્રુમેન્ટ ક્લસ્ટર.
સુવિધાઓ: વેન્ટિલેટેડ સીટ્સ (ઠંડી થતી સીટો), પેનોરોમિક સનરૂફ અને ડ્યુઅલ-ઝોન ક્લાઇમેટ કંટ્રોલ.
કનેક્ટિવિટી: એપ દ્વારા 60 થી વધુ કનેક્ટેડ ફીચર્સનો ઉપયોગ કરી શકાય છે.
