Indian Railway Reforms 2026: ભારતીય રેલવેમાં હવે મોટા ફેરફારો થવા જઈ રહ્યા છે. રેલવે મંત્રી અશ્વિની વૈષ્ણવે ‘રિફોર્મ એક્સપ્રેસ’ પહેલ હેઠળ 52 જેટલા સુધારાઓની જાહેરાત કરી છે, જેનો મુખ્ય હેતુ મુસાફરોની સુવિધા અને સ્વચ્છતામાં વધારો કરવાનો છે.
મુખ્ય સુધારાઓ અને હાઈલાઈટ્સ
લાઈવ ક્લીનિંગ: રેલવેના ઈતિહાસમાં પહેલીવાર જનરલ કોચની સફાઈનું લાઈવ ટેલિકાસ્ટ કરવામાં આવશે, જેથી પારદર્શિતા જળવાય. શરૂઆતમાં આ સુવિધા 80 ટ્રેનોમાં શરૂ કરવામાં આવી રહી છે.
જનરલ કોચ પર ફોકસ: અત્યાર સુધી જે સુવિધા ફર્સ્ટ ક્લાસના ડબ્બાઓમાં મળતી હતી, તેવી જ સાફ-સફાઈ હવે જનરલ કોચમાં પણ જોવા મળશે.
કડક કાર્યવાહી: જો કોઈ કોન્ટ્રાક્ટર કે કંપની સફાઈમાં બેદરકારી દાખવશે, તો તેમની સામે કડક દંડ અને કાર્યવાહી કરવામાં આવશે.
ગતિશક્તિ કાર્ગો: માલસામાનની હેરફેર ઝડપી બનાવવા માટે 124 મલ્ટી-મોડલ કાર્ગો ટર્મિનલ્સ પર ધ્યાન કેન્દ્રિત કરવામાં આવશે.
યાત્રીઓને શું ફાયદો થશે?
આ સુધારાઓ લાગુ થવાથી સામાન્ય મુસાફરોનો મુસાફરીનો અનુભવ વધુ આરામદાયક અને સ્વચ્છ બનશે. ટ્રેન અને રોડ બંનેના નેટવર્કનો ઉપયોગ કરીને સામાન પહોંચાડવાની સુવિધા (મલ્ટી-મોડલ) થી વેપારમાં પણ ગતિ આવશે.
