હવે દરેક પ્રકારની લોન તમને મળશે આસાનીથી અને ઓછા વ્યાજ દર પર, માર્કેટમાં હવે જામશે સસ્તી લોનની હરીફાઈ

Cheapest Loan In Market : મુકેશ અંબાણીની આગેવાની હેઠળની રિલાયન્સ હવે નાણાકીય બજારમાં પણ મોટો હિસ્સો મેળવવા દાવ લગાવી રહી છે. પહેલા કરતાં વધુ સારી નાણાકીય સેવાઓ પ્રદાન કરવા માટે, Jio Financial Services Limited (JFSL) એ નવરાત્રિ દરમિયાન જ તેની સંપૂર્ણ વિકસિત Jio Finance App લોન્ચ કરી છે. આ એપનું બીટા વર્ઝન લગભગ 4 મહિના પહેલા 30 મે, 2024ના રોજ લોન્ચ કરવામાં આવ્યું હતું.

ઓછા વ્યાજ દરે લોન મળશે
આ એપનું બીટા વર્ઝન લોન્ચ થયું ત્યારથી 60 લાખ ગ્રાહકો તેને ડાઉનલોડ કરી ચૂક્યા છે. કંપનીનો દાવો છે કે નવી એપને ગ્રાહકોના ફીડબેકના આધારે તૈયાર કરવામાં આવી છે. કંપનીનો દાવો છે કે તેમાં ઘણી નવી સેવાઓ ઉમેરવામાં આવી છે. તેમાં મ્યુચ્યુઅલ ફંડ સામે લોન, પ્રોપર્ટી સામે લોન, હોમ લોન અને હોમ લોન બેલેન્સ ટ્રાન્સફરનો સમાવેશ થાય છે. એટલું જ નહીં, કંપની નાણાકીય બજારમાં પોતાનો પગ જમાવવા માટે સ્પર્ધાત્મક દરે લોન આપશે.

15 લાખ ગ્રાહકો Jio બેંક સાથે જોડાયા છે

કંપનીના જણાવ્યા અનુસાર, લગભગ 15 લાખ ગ્રાહકોએ Jio Payments Bank Limited (JPBL)માં બચત ખાતા ખોલાવ્યા છે. બેંકમાં બચત ખાતું માત્ર 5 મિનિટમાં ડિજીટલ રીતે ખોલી શકાય છે. ખાતાની સાથે ડેબિટ કાર્ડ પણ આપવામાં આવી રહ્યું છે. તેમાં બાયોમેટ્રિક પ્રમાણીકરણ છે, તેથી બચત ખાતું વધુ સુરક્ષિત હોવાની શક્યતા છે. આ એપમાં ગ્રાહકોના વિવિધ બેંક ખાતા અને તેમના મ્યુચ્યુઅલ ફંડ હોલ્ડિંગને પણ લિંક કરી શકાય છે. આ એપને Google Play Store, Apple App Store અને MyJio પરથી ડાઉનલોડ કરી શકાય છે.

મેનેજમેન્ટનું શું કહેવું છે?

JFSLના મેનેજિંગ ડિરેક્ટર અને CEO હિતેશ સેઠિયાએ જણાવ્યું હતું કે, “JFSLમાં અમારું મિશન લોકોને ટેક્નોલોજીનો લાભ લઈને સીમલેસ અને સુવિધાજનક નાણાકીય સેવાઓ પૂરી પાડવાનું છે, નવી JioFinance એપ ટૂંક સમયમાં આવી રહી છે. અમે ભારતના લોકો માટે વિશ્વાસપાત્ર નાણાકીય ભાગીદાર બનવા તરફ આગળ વધી રહ્યા છીએ.”