PF Interest Rate: સરકારે ૨૦૨૫-૨૬ માટે કર્મચારીઓના પ્રોવિડન્ટ ફંડ (EPF) જમા પર ૮.૨૫ ટકા વ્યાજ દરને મંજૂરી આપી દીધી છે. સૂત્રોના મતે વ્યાજની રકમ આ જ મહિને સબસ્ક્રાઇબર્સના ખાતામાં ક્રેડિટ કરી શકાય છે. આનાથી EPFO ના સાત કરોડથી વધુ સબસ્ક્રાઇબર્સને ફાયદો થશે. કર્મચારી ભવિષ્ય નિધિ સંગઠન (EPFO) એ ફાઈનાન્શિયલ યર ૨૦૨૫-૨૬ ના EPF જમા પર ૮.૨૫% વ્યાજ દરને મંજૂરી આપી હતી.
EPF પર વ્યાજ દરની ભલામણ EPFO નું સેન્ટ્રલ બોર્ડ ઓફ ટ્રસ્ટીઝ કરે છે. જેમાં સરકાર, કંપની અને કર્મચારીઓના પ્રતિનિધિઓ સામેલ હોય છે. PF પર વ્યાજ દરને CBT થી મંજૂરી મળ્યા બાદ નાણાં મંત્રાલયને મોકલવામાં આવે છે. નાણાં મંત્રાલય તરફથી તેને લીલી ઝંડી મળ્યા બાદ શ્રમ અને રોજગાર મંત્રાલય તેને સત્તાવાર રીતે નોટિફાય કરશે અને પછી વ્યાજની રકમ સબસ્ક્રાઇબર્સના ખાતામાં નાખવામાં આવશે.
કેટલું મળશે વ્યાજ?
પ્રાઈવેટ સેક્ટરમાં કામ કરતા લોકો માટે PF એક અનિવાર્ય સરકારી બચત યોજના છે. જેમાં કર્મચારી પોતાની બેઝિક સેલેરીનો ૧૨% હિસ્સો કોન્ટ્રીબ્યુટ કરે છે જ્યારે કંપની પણ આટલું જ યોગદાન આપે છે. એમ્પ્લોયરના કોન્ટ્રીબ્યુશનમાંથી ૮.૩૩% કર્મચારી પેન્શન યોજના (EPS) માં જાય છે. EPF એકાઉન્ટમાં જમા રકમ પર વ્યાજ મળે છે. જો તમારા PF માં ૧ લાખ રૂપિયા જમા છે તો તમને ૮૨૫૦ રૂપિયા વ્યાજ મળશે.
આ રીતે ચેક કરો બેલેન્સ
પોતાના PF ખાતાનું બેલેન્સ જાણવા માટે તમારે ક્યાંય જવાની જરૂર નથી. તમે ઘરે બેઠા પોતાનું બેલેન્સ ચેક કરી શકો છો. આ માટે તમે EPFO ની સત્તાવાર વેબસાઈટ epfindia.gov.in પર જઈને પોતાનું બેલેન્સ જાણી શકો છો. આ સાઈટ પર ગયા પછી E-Passbook પર ક્લિક કરો. આના પર ક્લિક કર્યા પછી તમારે પોતાનો UAN નંબર, પાસવર્ડ અને કેપ્ચા ભરવો પડશે. આવું કરવા પર તમને PF ખાતા સાથે જોડાયેલી જાણકારીઓ દેખાવા લાગશે. અહીં તમને મેમ્બર આઈડી દેખાશે. તેને સિલેક્ટ કરશો તો તમને E-Passbook પર પોતાનું PF બેલેન્સ દેખાવા લાગશે.
મિસ્ડ કોલ અને SMS દ્વારા
તમારા PF એકાઉન્ટ સાથે જે નંબર લિંક છે, તે નંબરથી 011-22901406 પર મિસ્ડ-કોલ કરવાની રહેશે. મિસ્ડ-કોલ કર્યાના તરત બાદ તમને તમારા રજિસ્ટર નંબર પર એક મેસેજ પ્રાપ્ત થશે, જેમાં PF બેલેન્સની જાણકારી મળશે. તમે SMS ના માધ્યમથી પણ PF ખાતાનું બેલેન્સ ચેક કરી શકો છો. આ માટે તમારો UAN નંબર EPFO સાથે રજિસ્ટર્ડ હોવો જોઈએ. સૌથી પહેલા રજિસ્ટર્ડ મોબાઈલ નંબરથી EPFOHO UAN લખીને 7738299899 પર SMS કરો.
એપ દ્વારા બેલેન્સ ચેક કરવા માટે સૌથી પહેલા તમારે ઉમંગ (Umang) એપને ડાઉનલોડ કરવી પડશે. ત્યારબાદ પોતાના ફોન નંબરને રજિસ્ટર કરો અને એપમાં લોગિન કરો. ટોપ લેફ્ટ કોર્નરમાં આપેલા મેનૂમાં જઈને ‘Service Directory’ માં જાઓ. અહીં EPFO વિકલ્પને સર્ચ કરીને ક્લિક કરો. અહીં View Passbook માં ગયા બાદ પોતાના UAN નંબર અને OTP દ્વારા બેલેન્સ જોઈ લો.
