Post Office FD: મોટાભાગના લોકો પોતાના પૈસાને લઈને જોખમ નથી ખેડવા માંગતા, જેથી તેઓ ફિક્સ્ડ ડિપોઝિટમાં રોકાણ કરવાનું વિચારે છે. જો તમે પણ સુરક્ષિત અને ગેરંટીડ રિટર્ન મળે તેવા રોકાણનો વિકલ્પ શોધી રહ્યા છો, તો ભારતીય રોકાણકારો માટે ફિક્સ્ડ ડિપોઝિટ (FD) બેસ્ટ છે. જોકે, રિઝર્વ બેંક ઓફ ઇન્ડિયા (RBI)એ આ વર્ષે રેપો રેટમાં 1.00 ટકાનો ઘટાડો કર્યો છે, જેની સીધી અસર બેંક FDના વ્યાજ દરો પર પડી રહી છે. જોકે, માર્કેટમાં હજી પણ ઘણા આકર્ષક વિકલ્પો છે, જે સારું રિટર્ન આપે છે. આ વિકલ્પોમાં પોસ્ટ ઓફિસ ટોચ પર છે.
એક તરફ SBI, HDFC અને PNB જેવી દેશની ટોચની બેંકો પોતાની 5 વર્ષની FD પર સીમિત વ્યાજ દર ઓફર કરી રહી છે, ત્યારે પોસ્ટ ઓફિસ 5 વર્ષની ફિક્સ્ડ ડિપોઝિટ માટે 7.5%નો સૌથી વધુ વ્યાજ દર ઓફર કરી રહી છે. તો અહીં સમજીશું કે ક્યાં કેટલો વ્યાજ દર ઓફર કરવામાં આવે છે અને તમારા પૈસા માટે કયો વિકલ્પ શ્રેષ્ઠ રહેશે.
પોસ્ટ ઓફિસ આપે છે સૌથી વધુ 7.5% વ્યાજ :- પોસ્ટ ઓફિસ હંમેશા સલામત રોકાણો માટે વિશ્વસનીય રહી છે. હાલ પોસ્ટ ઓફિસ તેના ગ્રાહકોને 5 વર્ષની FD પર 7.5% વ્યાજ દર ઓફર કરે છે. સૌથી મહત્વની વાત એ છે કે તમામ વય જૂથોના ગ્રાહકો – સામાન્ય નાગરિકો, વરિષ્ઠ નાગરિકો, મહિલાઓ અને યુવાનોને સમાન વ્યાજ દર ઓફર કરવામાં આવે છે.
સ્ટેટ બેંક ઓફ ઇન્ડિયા (SBI) :- દેશની સૌથી મોટી પબ્લિક સેક્ટરની બેંક SBI પોતાની 5 વર્ષની FD પર સામાન્ય ગ્રાહકોને 6.05% અને સિનિયર સિટીઝન્સને 7.05% વ્યાજ દર ઓફર કરે છે. સામાન્ય ગ્રાહકો: 6.05%, સિનિયર સિટીઝન્સ: 7.05%. આ દર પોસ્ટ ઓફિસ કરતા ઘણો ઓછો છે. જ્યારે SBIનો સિનિયર સિટીઝન્સ માટે વ્યાજ દર પ્રમાણમાં વ્યાજબી છે, તેમ છતાં તે પોસ્ટ ઓફિસના 7.5% વ્યાજ દરને માત નથી આપી શકતું.
HDFC બેંક :- માર્કેટ કેપ અનુસાર દેશની સૌથી મોટી પ્રાઇવેટ સેક્ટરની બેંક HDFC બેંક પણ 5 વર્ષની FD ઓફર કરે છે, જેનો વ્યાજ દર, સામાન્ય ગ્રાહકો માટે 6.40%, સિનિયર સિટીઝન્સ માટે 6.90%. પ્રાઇવેટ સેક્ટરમાં આ વ્યાજ દર સૌથી સારા માનવામાં આવે છે. જોકે, તે હજી પણ પોસ્ટ ઓફિસના 7.5% કરતા ઘણો ઓછો છે. જો તમે 5 વર્ષની FD પર વધુ રિટર્ન મેળવવા માંગો છો, તો પોસ્ટ ઓફિસ HDFC બેન્કની સરખામણીએ પણ મજબૂત વિકલ્પ છે.
પંજાબ નેશનલ બેંક (PNB) :- PNB તેના 5 વર્ષની FD પર નીચે અનુસાર વ્યાજ દરો ઓફર કરે છે. સામાન્ય ગ્રાહકો: 6.25%, સિનિયર સિટીઝન્સ: 6.75%, સુપર સિનિયર સિટીઝન્સ (80+): 7.05%, આમ PNB 80 વર્ષથી વધુ વયના ગ્રાહકોને 7.05% વ્યાજ આપી રહી છે. તેમ છતાં પોસ્ટ ઓફિસ તેનાથી ચડિયાતી છે, કારણ કે ઉંમર ગમે તે હોય, વ્યાજ દર એકસમાન 7.5% છે.
પોસ્ટ ઓફિસ નંબર 2 કેમ? – સૌથી વધુ વ્યાજ દર: 7.5%, બધા વય જૂથો માટે સમાન વ્યાજ દર, સરકારી ગેરંટી અને 100% સુરક્ષા, લાંબા ગાળા માટે સ્થિર વ્યાજ દર. જણાવી દઈએ કે, પોસ્ટ ઓફિસ એફડી સંપૂર્ણપણે સલામત છે, કારણ કે તે ભારત સરકાર દ્વારા સીધી ગેરંટીડ છે. DICGC ઇન્શ્યોરન્સ હેઠળ બેંકોમાં માત્ર 5 લાખ રૂપિયા સુધીની રકમ જ સુરક્ષિત રહે છે, જ્યારે પોસ્ટ ઓફિસમાં સંપૂર્ણ રકમ સુરક્ષિત રહે છે.
5 વર્ષની એફડી માટે શ્રેષ્ઠ વિકલ્પ કયો છે? – જો તમે 5 વર્ષની એફડી કરવાનું વિચારી રહ્યા છો અને મહત્તમ વ્યાજ મેળવવા માંગો છો, તો પોસ્ટ ઓફિસ 7.5% વ્યાજ દર સાથે ટોચની પસંદગી છે. SBI, PNB અને HDFC જેવી મોટી બેંકો પણ ઓછો વ્યાજ દર ઓફર કરી રહી છે.
(1.) 5 વર્ષની FD પર પોસ્ટ ઓફિસ કેટલો વ્યાજ દર ઓફર કરે છે? – પોસ્ટ ઓફિસ 5 વર્ષની FD પર 7.5%નો સૌથી વધુ વ્યાજ દર ઓફર કરે છે.
(2.) શું SBI 5 વર્ષની FD પર પોસ્ટ ઓફિસ કરતાં ઓછો વ્યાજ દર ઓફર કરે છે? – હા, SBI સામાન્ય ગ્રાહકોને 6.05% અને સિનિયર સિટીઝન્સને 7.05% સુધીનો વ્યાજ દર ઓફર કરે છે, જે પોસ્ટ ઓફિસ કરતાં ઓછો છે.
(3.) HDFC બેંક 5 વર્ષની FD પર કેટલો વ્યાજ દર ઓફર કરે છે? – HDFC બેંક 5 વર્ષની FD પર 6.40%થી 6.90% સુધીનો વ્યાજ દર ઓફર કરે છે.
(4.) શું PNB સુપર સિનિયર સિટીઝનને વધુ વ્યાજ દર આપે છે? – હા, PNB 80 વર્ષથી વધુ વયના નાગરિકો માટે 5 વર્ષની FD પર 7.05% વ્યાજ આપે છે.
(5.) પોસ્ટ ઓફિસ FD કેમ વધુ સારી માનવામાં આવે છે? – કારણ કે તે 7.5%ના ઊંચા વ્યાજ દર, ઉંમરને ધ્યાનમાં લીધા વિના રિટર્ન અને સરકારી ગેરંટી સાથે 100% સુરક્ષિત રોકાણ ઓફર કરે છે.
