SIP XIRR: સ્મોલ-કેપ ફંડ્સનું શાનદાર પ્રદર્શન, Bank of India Small Cap Fund રહ્યો ટોચ પર
SIP XIRR: જો તમે છેલ્લા એક વર્ષમાં SIP દ્વારા ઇક્વિટી મ્યુચ્યુઅલ ફંડ્સમાં રોકાણ કર્યું હોય, તો અનેક ફંડ્સે તમને શાનદાર રિટર્ન આપ્યું હશે. છેલ્લા એક વર્ષમાં અંદાજે 21 ઇક્વિટી મ્યુચ્યુઅલ ફંડ્સે SIP રોકાણ પર 20%થી વધુ XIRR (એક્સટેન્ડેડ ઇન્ટરનલ રેટ ઑફ રિટર્ન) આપ્યું છે. એટલું જ નહીં, એનાલિસિસમાં સામેલ 291 ઇક્વિટી મ્યુચ્યુઅલ ફંડ્સમાંથી 241 ફંડ્સે પોઝિટિવ રિટર્ન આપ્યું, જ્યારે 99 ફંડ્સે રોકાણકારોને ડબલ ડિજિટ XIRR અપાવીને આપ્યું છે.
સ્મોલ-કેપ ફંડ્સનું રહ્યું પ્રભુત્વ
છેલ્લા એક વર્ષમાં સૌથી સારું પ્રદર્શન કરનારા મ્યુચ્યુઅલ ફંડ્સમાં સ્મોલ-કેપ કેટેગરીનું પ્રભુત્વ જોવા મળ્યું. રેન્કિંગમાં સામેલ ટોપ-7 ફંડ્સ તમામ સ્મોલ-કેપ કેટેગરીના રહ્યા. તેમાંના 5 ફંડ્સે SIP રોકાણ પર 30%થી વધુ XIRR આપ્યું, જે આ કેટેગરીના મજબૂત પ્રદર્શનને દર્શાવે છે.
Bank of India Small Cap Fund રહ્યો નંબર-1
Bank of India Small Cap Fund એ છેલ્લા એક વર્ષમાં SIP રોકાણ પર 39.08%નો XIRR આપીને યાદીમાં પ્રથમ સ્થાન મેળવ્યું. જો કોઈ રોકાણકારે આ ફંડમાં દર મહિને 10,000 રૂપિયાની SIP કરી હોત, તો એક વર્ષ દરમિયાન તેનું રોકાણ વધીને અંદાજે 1.43 લાખ રૂપિયા થઈ ગયું હોત.
આ સ્મોલ-કેપ ફંડ્સે પણ આપ્યું શાનદાર રિટર્ન
TRUSTMF Small Cap Fund એ છેલ્લા એક વર્ષમાં 38.60%નો XIRR આપીને બીજું સ્થાન મેળવ્યું. ત્યારબાદ Motilal Oswal Small Cap Fundએ 34.50% અને JM Small Cap Fund એ 33.72%નો XIRR મેળવ્યો. આ ફંડ્સે પણ SIP દ્વારા રોકાણ કરનારા રોકાણકારોને ઉત્તમ રિટર્ન આપ્યું.
Union, ITI અને DSP Small Cap Fund એ પણ આપ્યું શાનદાર રિટર્ન
ટોપ રિટર્ન આપનારા ફંડ્સની યાદીમાં Union Small Cap Fund, ITI Small Cap Fund અને DSP Small Cap Fund પણ સામેલ રહ્યા. આ ત્રણેય સ્કીમોએ છેલ્લા એક વર્ષમાં SIP રોકાણકારોને મજબૂત રિટર્ન આપ્યું. Union Small Cap Fundનો XIRR 30.46%, ITI Small Cap Fundનો 29.70% અને DSP Small Cap Fundનો 25.99% રહ્યો.
માત્ર સ્મોલ-કેપ જ નહીં, અન્ય કેટેગરીના ફંડ્સે પણ આપ્યું સારું રિટર્ન
ઉત્તમ રિટર્ન માત્ર સ્મોલ-કેપ ફંડ્સ સુધી મર્યાદિત રહ્યું નથી. અન્ય કેટેગરીના અનેક ફંડ્સે પણ રોકાણકારોને આકર્ષક રિટર્ન આપ્યું. તેમાં Motilal Oswal Focused Fund સૌથી આગળ રહ્યો, જેણે 25.41%નો XIRR આપ્યો. ત્યારબાદ Quant Value Fundએ 24.43% અને Bajaj Finserv Small Cap Fundએ 24.35%નો XIRR આપ્યો. જ્યારે Aditya Birla Sun Life Small Cap Fundએ છેલ્લા એક વર્ષમાં 24.31%, HSBC Midcap Fundએ 24.29% અને Invesco India Smallcap Fundએ 24.19%નો XIRR આપ્યો. જ્યારે LIC MF Value Fundએ 23.20% અને Quant Small Cap Fundએ 23.02%નો XIRR આપ્યો. ઉપરાંત LIC MF Small Cap Fundએ 22.58% અને Mahindra Manulife Small Cap Fundએ 22.49%નો XIRR આપ્યો.
Grow Multicap Fund સહિત આ સ્કીમોએ પણ આપ્યું 20%થી વધુ રિટર્ન
Grow Multicap Fundએ પણ છેલ્લા એક વર્ષમાં 20.44%નો XIRR આપ્યો. જો કોઈ રોકાણકારે આ ફંડમાં દર મહિને 10,000 રૂપિયાની SIP કરી હોત, તો એક વર્ષમાં તેનું રોકાણ વધીને અંદાજે 1.32 લાખ રૂપિયા થઈ ગયું હોત. ઉપરાંત Sundaram Small Cap Fundએ 20.13%, PGIM India Small Cap Fundએ 20.09% અને Quant Large & Mid Cap Fundએ 20%નો XIRR આપીને 20%થી વધુ રિટર્ન આપનારા ફંડ્સની યાદીમાં સ્થાન મેળવ્યું.
20%થી થોડું ઓછું રિટર્ન આપનારા ફંડ્સ
અનેક ફંડ્સ એવા પણ રહ્યા, જેમણે 20%થી થોડું ઓછું રિટર્ન આપ્યું. Invesco India Midcap Fundએ 19.99% અને Invesco India Large & Mid Cap Fundએ 19.93%નો XIRR મેળવ્યો. જ્યારે Bandhan Small Cap Fundએ 17.67%નો XIRR આપ્યો. એસેટ્સ અન્ડર મેનેજમેન્ટ (AUM)ના આધારે સૌથી મોટા સ્મોલ-કેપ ફંડ Nippon India Small Cap Fundએ 15.01%નો XIRR આપ્યો. ઉપરાંત Quant Mid Cap Fund અને HSBC Large & Mid Cap Fund બંનેએ 13.91%નો XIRR આપ્યો.
કેટલાક ફંડ્સે ખૂબ જ સામાન્ય પોઝિટિવ રિટર્ન આપ્યું
પોઝિટિવ રિટર્ન આપનારા તમામ ફંડ્સમાં Bandhan Value Fund અને Motilal Oswal Large Cap Fund સૌથી છેલ્લે રહ્યા. આ બંને ફંડ્સે છેલ્લા એક વર્ષમાં SIP રોકાણ પર માત્ર 0.02%નો XIRR આપ્યો. એટલે કે રોકાણકારોને તેમાં ખૂબ જ સામાન્ય પોઝિટિવ રિટર્ન મળ્યું.
અંદાજે 50 ઇક્વિટી ફંડ્સનું SIP રિટર્ન રહ્યું નેગેટિવ
જ્યાં અનેક સ્કીમોએ સારું રિટર્ન આપ્યું, ત્યાં કેટલાક ફંડ્સ રોકાણકારોની અપેક્ષાઓ પર ખરા ઉતરી શક્યા નહીં. છેલ્લા એક વર્ષમાં અંદાજે 50 ઇક્વિટી મ્યુચ્યુઅલ ફંડ્સે SIP રોકાણ પર નેગેટિવ XIRR આપ્યો. તેમાં Samco Large Cap Fund સૌથી નબળું પ્રદર્શન કરનાર ફંડ રહ્યો, જેનો XIRR -7.79% રહ્યો. ત્યારબાદ Franklin India Focused Equity Fundએ -7.32%નો XIRR આપ્યો.
આ લોકપ્રિય ફંડ્સનું પણ પ્રદર્શન નબળું રહ્યું
Parag Parikh ELSS Tax Saver Fund એ -6.55%, Sundaram ELSS Tax Saver Fund એ -4.01% અને Sundaram Flexi Cap Fund એ -4.00%નો XIRR મેળવ્યો. જ્યારે એસેટ્સ અન્ડર મેનેજમેન્ટ (AUM)ના આધારે સૌથી મોટા એક્ટિવ ફ્લેક્સી-કેપ ફંડ Parag Parikh Flexi Cap Fundએ -3.49%નો XIRR આપ્યો. સૌથી જૂના અને સૌથી મોટા કોન્ટ્રા ફંડ SBI Contra Fundનો XIRR -1.97% રહ્યો. જ્યારે JM Value Fundમાં સૌથી ઓછો ઘટાડો જોવા મળ્યો અને તેનો XIRR -0.02% રહ્યો.
આ એનાલિસિસ રેગ્યુલર પ્લાન અને ગ્રોથ ઑપ્શન ધરાવતા તમામ ઇક્વિટી મ્યુચ્યુઅલ ફંડ્સ પર આધારિત છે. તેમાં સેક્ટોરલ અને થીમેટિક સ્કીમોને સામેલ કરવામાં આવી નથી. તમામ ફંડ્સના SIP પ્રદર્શનનું મૂલ્યાંકન છેલ્લા એક વર્ષના આધારે કરવામાં આવ્યું છે.
