Bank of Baroda recruitment: બેંક ઓફ બરોડા દ્વારા વિવિધ વિભાગોમાં 500થી વધુ જગ્યાઓ માટે જાહેર કરાયેલી ખાલી જગ્યાઓ માટે અરજી કરવાની છેલ્લી તારીખ લંબાવવામાં આવી છે. હવે ઉમેદવારો 21 માર્ચ 2025 સુધી અરજી કરી શકે છે, જ્યારે અગાઉ અરજી કરવાની છેલ્લી તારીખ 11 માર્ચ 2025 નક્કી કરવામાં આવી હતી. લાયક અને રસ ધરાવતા ઉમેદવારો બેંક ઓફ બરોડાની સત્તાવાર વેબસાઈટ bankofbaroda.in પર જઈને ઓનલાઈન અરજી કરી શકે છે. આ ભરતી ઝુંબેશ હેઠળ કુલ 518 જગ્યાઓ ભરવામાં આવશે.
ખાલી જગ્યાની વિગતો
ઇન્ફોર્મેશન ટેકનોલોજી: 350 જગ્યાઓ
ટ્રેડ એન્ડ ફોરેક્સ: 97 જગ્યાઓ
રિસ્ક મેનેજમેન્ટ: 35 જગ્યાઓ
સિક્યોરિટી: 36 જગ્યાઓ
અરજી ફી
આ જગ્યાઓ માટે અરજી કરનારા જનરલ, EWS અને OBC કેટેગરીના ઉમેદવારોએ 600 રૂપિયા અરજી ફી ચૂકવવાની રહેશે, જ્યારે SC, ST, Pwd ઉમેદવારો અને મહિલાઓએ અરજી ફી તરીકે 100 રૂપિયા ચૂકવવાના રહેશે.
શૈક્ષણિક લાયકાત અને વય મર્યાદા
વિવિધ પોસ્ટ્સ માટે અલગ અલગ શૈક્ષણિક લાયકાત માંગવામાં આવી છે, જેમાં BE/BTech/MTech/MCA, CA, MBA, પોસ્ટ ગ્રેજ્યુએશન વગેરેનો સમાવેશ થાય છે. તમે જે પોસ્ટ્સ માટે અરજી કરવા માંગો છો તેના માટે માંગવામાં આવેલી ડિગ્રી તમારી પાસે હોવી આવશ્યક છે.
વિવિધ પોસ્ટ્સ માટે અરજી કરનારા ઉમેદવારો માટે વય મર્યાદા પણ અલગ નક્કી કરવામાં આવી છે, જે 22 વર્ષથી 37 વર્ષની વચ્ચે છે.
અરજી કેવી રીતે કરવી?
સૌ પ્રથમ બેંક ઓફ બરોડાની સત્તાવાર વેબસાઈટ bankofbaroda.in પર જાઓ.
પછી હોમપેજ પર કરિયર ટેબ પર ક્લિક કરો અને ‘Current Opportunity’ ટેબ પર ક્લિક કરો.
ત્યારબાદ અરજી કરવા માટે ભરતી લિંક પર ક્લિક કરો.
હવે અરજી ફોર્મ ભરો અને જરૂરી ડોક્યુમેન્ટ અપલોડ કરો.
અરજી ફી ચૂકવો અને અરજી ફોર્મ સબમિટ કરો.
ભવિષ્યના ઉપયોગ માટે તેની પ્રિન્ટઆઉટ લઈ લો.
સત્તાવાર નોટિફિકેશનમાં જણાવાયું છે કે ઉમેદવારોએ ઓનલાઈન અરજી ફોર્મ કાળજીપૂર્વક ભરવું જોઈએ, કારણ કે ઓનલાઈન અરજીમાં ભરેલા કોઈપણ ડેટામાં પછીથી કોઈ ફેરફાર નહીં કરી શકાય.
પસંદગી પ્રક્રિયા
આ જગ્યાઓ માટેની પસંદગી પ્રક્રિયામાં ઓનલાઈન ટેસ્ટ, સાયકોમેટ્રિક ટેસ્ટ અથવા બેંક દ્વારા લેવામાં આવતી અન્ય કોઈપણ પરીક્ષાનો સમાવેશ થઈ શકે છે. ઓનલાઈન ટેસ્ટ માટે લાયક ઉમેદવારોએ ગ્રુપ ડિસ્કશન અને/અથવા ઇન્ટરવ્યુ માટે હાજર રહેવું પડશે. જો અરજીઓની સંખ્યા વધે કે ઘટે તો બેંક ઓફ બરોડા શોર્ટલિસ્ટિંગ માપદંડ અથવા ઇન્ટરવ્યુ પ્રક્રિયામાં ફેરફાર કરવાનો અધિકાર અનામત રાખે છે. બેંક પસંદગી પ્રક્રિયા તરીકે મલ્ટીપલ ચોઈસ ટેસ્ટ, ડિસ્ક્રિપ્ટિવ ટેસ્ટ, સાયકોમેટ્રિક એસેસમેન્ટ, ગ્રુપ ડિસ્કશન અથવા ઇન્ટરવ્યુ પણ યોજી શકે છે.