BSF Ex-Agniveer Reservation: 2026 નું વર્ષ અગ્નિવીરો માટે મોટી ભેટ લઈને આવી રહ્યું છે. કેન્દ્ર સરકારે સરકારી નોકરીમાં અગ્નિવીરો માટે આરક્ષણ અંગે નવું નોટિફિકેશન જારી કર્યું છે. સીમા સુરક્ષા દળ (BSF) માં જનારા ભૂતપૂર્વ અગ્નિવીરોને હવે 50 ટકા મળશે. આ ઉપરાંત, બીએસએફ ભરતીમાં તેમના માટે વય મર્યાદા અને ફિઝિકલ ટેસ્ટ અંગે પણ ફેરફારો કરવામાં આવ્યા છે.
10% થી વધીને 50% થયું ભૂતપૂર્વ અગ્નિવીરોનું આરક્ષણ
ગૃહ મંત્રાલય દ્વારા જારી કરવામાં આવેલા લેટેસ્ટ નોટિફિકેશન મુજબ, હવે BSF માં કોન્સ્ટેબલ લેવલની ડાયરેક્ટ ભરતીની 50 ટકા બેઠકો ભૂતપૂર્વ અગ્નિવીરો (Ex-Agniveers) માટે અનામત રહેશે. આ પહેલા ભૂતપૂર્વ અગ્નિવીરોને માત્ર 10 ટકા રિઝર્વેશન મળતું હતું. એટલે કે ભરતી પ્રક્રિયામાં દર વર્ષે અડધી બેઠકો માત્ર અનુભવી ભૂતપૂર્વ અગ્નિવીરોને આપવામાં આવશે. આ ઉપરાંત ભૂતપૂર્વ સૈનિકો (Ex-Servicemen) માટે 10 ટકા અને બીએસએફના કોમ્બેટાઈઝ્ડ કોન્સ્ટેબલ (ટ્રેડ્સમેન) ના સમાયોજન માટે 3 ટકા બેઠકો અનામત રહેશે.
આ નિર્ણય તે યુવાનોને એક કાયમી અને સુરક્ષિત કરિયર આપવાની દિશામાં મોટું પગલું માનવામાં આવી રહ્યું છે જેઓ અગ્નિવીર તરીકે ચાર વર્ષ સેવા આપી ચૂક્યા છે. આનાથી ન માત્ર યુવાનો માટે રોજગારની તકો વધશે, પરંતુ કેન્દ્રીય સુરક્ષા દળોને પહેલેથી જ ટ્રેન્ડ, શિસ્તબદ્ધ અને અનુભવી નવયુવાનો મળી શકશે. કેન્દ્ર સરકારનો આ નિર્ણય અગ્નિપથ યોજનાને વધુ મજબૂત અને ભવિષ્ય માટે મહત્વપૂર્ણ બતાવવામાં આવી રહ્યો છે.
વય મર્યાદામાં પણ 5 વર્ષની છૂટ
બીએસએફ કોન્સ્ટેબલ પદ પર સરકારી નોકરી માટે ભૂતપૂર્વ અગ્નિવીરોને વય મર્યાદામાં 5 વર્ષની વધારાની છૂટ મળશે. સામાન્ય વર્ગના ઉમેદવારો માટે 18 થી 23 વર્ષ છે, જ્યારે પ્રથમ બેચના ભૂતપૂર્વ અગ્નિવીરોને 5 વર્ષ અને ત્યારબાદ દર વર્ષે 3 વર્ષની છૂટ મળશે.
કોઈ ફિઝિકલ ટેસ્ટ નહીં
સીમા સુરક્ષા દળ (BSF) માં પહેલેથી જ પ્રશિક્ષિત અને શિસ્તબદ્ધ ભૂતપૂર્વ અગ્નિવીરોએ કોઈ ફિઝિકલ ટેસ્ટ આપવો પડશે નહીં. તેમને પૂરી રીતે ફિઝિકલ સ્ટાન્ડર્ડ ટેસ્ટ (PST) અને ફિઝિકલ એફિશિયન્સી ટેસ્ટ (PET) માંથી છૂટ આપવામાં આવી છે. BSF ભરતી પ્રક્રિયા બે તબક્કામાં થશે.
2 તબક્કામાં થશે BSF Constable ની ભરતી-
૧. માત્ર ભૂતપૂર્વ અગ્નિવીરોની ભરતી: પ્રથમ તબક્કામાં 50 ટકા બેઠકો પર માત્ર ભૂતપૂર્વ અગ્નિવીરોની ભરતી થશે. તે સંબંધિત નોડલ ફોર્સ દ્વારા કરવામાં આવશે. ૨. કર્મચારી પસંદગી આયોગ (SSC) દ્વારા: બીએસએફ ભરતીના બીજા તબક્કામાં 47 ટકા બેઠકો એસએસસી દ્વારા ભરવામાં આવશે. આમાં 10 ટકા ભૂતપૂર્વ સૈનિકો માટે અનામત બેઠકો પણ સામેલ હશે. જો પ્રથમ ફેઝમાં બેઠકો ખાલી રહી જાય છે તો તેને બીજા તબક્કામાં ભરવામાં આવશે.
મહિલાઓ માટે શું છે?
મહિલા ઉમેદવારો માટે હાલમાં અલગથી કોઈ ફેરફાર કરવામાં આવ્યા નથી. તેમની બેઠકો દર વર્ષે બીએસએફના મહાનિર્દેશક (DG BSF) કાર્યકારી જરૂરિયાતોના આધારે નક્કી કરશે.
જણાવી દઈએ કે ચાર વર્ષની સેવા કર્યા પછી અગ્નિવીરોને BSF, CAPFs, CRPF, CISF માં આરક્ષણ મળે છે. આ ઉપરાંત રાજ્ય પોલીસ ભરતીથી લઈને પ્રાઈવેટ નોકરીઓમાં પ્રાધાન્ય આપવામાં આવે છે. હવે બીએસએફ કોન્સ્ટેબલ ભરતીમાં અગ્નિવીરોને 50 ટકા આરક્ષણનો નિર્ણય અગ્નિપથ યોજના હેઠળ દેશ સેવા આપી ચૂકેલા યુવાનોને એક કાયમી અને સુરક્ષિત કરિયર આપવાની દિશામાં મોટું પગલું માનવામાં આવી રહ્યું છે.
