CBSE 12th Result DigiLocker: APAAR ID વગર કેવી રીતે ડાઉનલોડ કરી શકાય CBSE 12માની માર્કશીટ? આજે જ બનાવી લો એકાઉન્ટ

CBSE 12th Result DigiLocker: CBSE 12મા ધોરણના પરિણામની રાહ ટૂંક સમયમાં ખતમ થવા જઈ રહી છે. સેન્ટ્રલ બોર્ડ ઓફ સેકન્ડરી એજ્યુકેશન (CBSE) ટૂંક સમયમાં 12મા ધોરણનું બોર્ડ રિઝલ્ટ 2026 જાહેર કરશે. CBSE 10માનું પરિણામ 15 એપ્રિલ 2026 ના રોજ જાહેર કરવામાં આવ્યું હતું. ત્યારથી 12મા ધોરણના વિદ્યાર્થીઓ અને તેમના વાલીઓની નજર CBSE બોર્ડ પર ટકેલી છે. વિદ્યાર્થીઓએ હવે વધુ રાહ જોવી પડશે નહીં. CBSE એ 12માનું પરિણામ જાહેર કરવાની તૈયારી લગભગ પૂર્ણ કરી લીધી છે. આ ઉપરાંત, જે વિદ્યાર્થીઓ પાસે APAAR ID નથી, તેઓ બીજી રીતે પોતાની ઓનલાઇન માર્કશીટ ડાઉનલોડ કરી શકશે.

APAAR ID શું છે?

APAAR ID નું ફૂલ ફોર્મ ‘ઓટોમેટેડ પરમેનન્ટ એકેડેમિક એકાઉન્ટ રજિસ્ટ્રી’ છે. અપાર આઈડી એ 12 અંકોનો એક યુનિક કોડ હોય છે, જે સ્કૂલ એજ્યુકેશનથી લઈને હાયર એજ્યુકેશન સુધી કામ આવે છે. એકવાર અપાર આઈડી બન્યા પછી તે લાઈફ ટાઈમ રહે છે, ભલે તમારી સ્કૂલ, કોલેજ કે રાજ્ય બદલાઈ જાય. તે એક રીતે ડિજિટલ એકેડેમિક પાસપોર્ટની જેમ કામ કરે છે. તે ભારત સરકાર તરફથી ‘વન નેશન, વન સ્ટુડન્ટ આઈડી’ ની પહેલનો ભાગ છે.

CBSE 12માનું રિઝલ્ટ ક્યાં ચેક કરી શકાય?

CBSE ઇન્ટરમીડિયેટ (ધોરણ 12) નું પરિણામ જાહેર થયા પછી, વિદ્યાર્થીઓ બોર્ડની સત્તાવાર વેબસાઇટ cbse.gov.in અથવા results.cbse.nic.in પર જઈને તેમની ઓનલાઇન માર્કશીટ ચેક કરી શકશે. આ ઉપરાંત ડિઝિલોકર પર પણ CBSE રિઝલ્ટ ચેક કરવાની સુવિધા મળશે. જે વિદ્યાર્થીઓ પાસે APAAR ID નથી, તેઓ ડિઝિલોકર પર એકાઉન્ટ બનાવીને પોતાની માર્કશીટ ડાઉનલોડ કરી શકશે. જેમની APAAR ID CBSE સાથે લિંક છે, તેમને પરિણામ પછી માર્કશીટ ડિઝિલોકરના ‘Issued Documents’ સેક્શનમાં મળી જશે.

CBSE રિઝલ્ટ જોવા માટે DigiLocker એકાઉન્ટ કેવી રીતે બનાવવું?

જે વિદ્યાર્થીઓ પાસે APAAR ID નથી, તેઓ આ સ્ટેપ્સ ફોલો કરી શકે છે:

1. સૌથી પહેલા CBSE ડિઝિલોકરની ઓફિશિયલ વેબસાઇટ cbseservice.digilocker.gov.in પર જાઓ.

2. હોમપેજ પર ‘Get Started’ લિંક પર ક્લિક કરો.

3. તમારો સ્કૂલ કોડ, રોલ નંબર અને સ્કૂલમાંથી મળેલ એક્સેસ કોડ દાખલ કરીને ‘Next’ પર ક્લિક કરો.

4. તમારો મોબાઈલ નંબર નાખીને OTP દ્વારા વેરિફાય કરો.

5. તમારું ડિઝિલોકર એકાઉન્ટ કન્ફર્મ થઈ જશે.

સ્કૂલ એક્સેસ કોડ ન હોય તો શું કરવું?

ડિઝિલોકર એકાઉન્ટ બનાવવા માટે સ્કૂલ એક્સેસ કોડ હોવો જરૂરી છે. CBSE સીધો વિદ્યાર્થીઓને આ કોડ મોકલતું નથી. આ કોડ સ્કૂલના પોર્ટલ પર ‘School Login’ દ્વારા કાઢી શકાય છે, જેની એક્સેસ ટીચર કે પ્રિન્સિપાલ પાસે જ હોય છે. વિદ્યાર્થીઓએ પોતાની સ્કૂલનો સંપર્ક કરવો પડશે, જ્યાંથી તેમને 6 અંકોનો પિન આપવામાં આવશે.

CBSE 12th Result 2026 ક્યારે આવશે?

સૂત્રો પાસેથી મળેલી માહિતી મુજબ, CBSE 12માનું પરિણામ એપ્રિલના છેલ્લા અઠવાડિયામાં અથવા મેના પ્રથમ અઠવાડિયામાં જાહેર કરવામાં આવી શકે છે. વિદ્યાર્થીઓને સત્તાવાર વેબસાઇટ પર નજર રાખવાની સલાહ આપવામાં આવે છે.