રાજ્ય સરકારે પ્રાથમિક શિક્ષકોની ભરતી અંગે મોટી જાહેરાત કરી છે. રાજ્યમાં કુલ 13800 શિક્ષકોની ભરતી કરાશે.
ગાંધીનગરઃ શિક્ષકોની ભરતી મુદ્દે મોટા સમાચાર સામે આવ્યા છે. શિક્ષણ મંત્રી કુબેર ડિંડોરે એક્સ પર પોસ્ટ કરી દિવાળી પહેલા મોટા સમાચાર આપ્યા છે. સરકારી પ્રાથમિક શાળામાં ધોરણ 1થી 5 અને ધોરણ 6થી 8ના કુલ 13800 શિક્ષકોની ભરતી કરવામાં આવશે. આ સિવાય પ્રાથમિક શિક્ષકોની રજુઆતને લઈ જિલ્લા ફેર બદલી કેમ્પનું આયોજન પણ આગામી સમયમાં કરવામાં આવશે.
સરકારની મોટી જાહેરાત
રાજ્ય સરકાર દ્વારા ધોરણ 1થી 5 અને ધોરણ 6થી 8ના 13800 શિક્ષકોની ભરતી કરવામાં આવશે. આ માટે સત્તાવાર નોટિફિકેશન 1 નવેમ્બર 2024ના જાહેર થશે. એટલે કે નવા વર્ષ પહેલાં સરકાર શિક્ષકોની ભરતીની રાહ જોઈ રહેલાં ઉમેદવારોને મોટી ભેટ આપશે.
માન. મુખ્યમંત્રીશ્રી @Bhupendrapbjp સાહેબના નેતૃત્વમાં પ્રાથમિક શાળાઓમાં વિદ્યાસહાયકો માટે રાજ્ય સરકારનો મહત્વપૂર્ણ નિર્ણય
👉🏻સરકારી પ્રાથમિક શાળામાં ધોરણ ૧ થી ૫, ધોરણ ૬ થી ૮ અને અન્ય માધ્યમના કુલ મળીને 13800 શિક્ષકો ની ભરતી તા. 01/11/2024ના રોજ જાહેર કરવામાં આવશે.
👉🏻પ્રાથમિક…
— Dr. Kuber Dindor (@kuberdindor) October 29, 2024
શિક્ષણ મંત્રી કુબેર ડિંડોરે એક્સ પર કહ્યું કે, શિક્ષકોની ભરતી સિવાય જિલ્લા ફેર બદલી કેમ્પનું આયોજન પણ આગામી સમયમાં કરવામાં આવશે. આ બદલી કેમ્પનું આયોજન ક્યારે થશે તેની તારીખ હવે જાહેર કરવામાં આવશે.
