US Civil Engineering Jobs: ભારતમાં સિવિલ એન્જિનિયરિંગ ને લઈને એવી ધારણા છે કે આ ક્ષેત્રનો અભ્યાસ કરનારા વિદ્યાર્થીઓને નોકરી માટે ભટકવું પડે છે. ભલે ભારતમાં સિવિલ એન્જિનિયર્સને લઈને આ ધારણા બની હોય. પરંતુ દુનિયાના અન્ય દેશોમાં તેમની સ્થિતિ આવી નથી. અમેરિકા પણ આ દેશોમાં આવે છે, જ્યાં સિવિલ એન્જિનિયર્સને માત્ર સારો પગાર જ મળતો નથી, પરંતુ તેમની માગ પણ ઘણી વધારે છે. આ જ કારણ છે કે ભારતીય વિદ્યાર્થીઓ અમેરિકામાં સિવિલ એન્જિનિયરિંગ કરવા માટે જાય છે.
બ્યુરો ઓફ લેબર સ્ટેટિસ્ટિક્સ મુજબ, અમેરિકામાં દર વર્ષે ૨૩,૬૦૦ સિવિલ એન્જિનિયર્સ ની જરૂરિયાત છે. તેમની ડિમાન્ડ દર વર્ષે ૫ ટકા ના દરે વધી રહી છે, જે રાષ્ટ્રીય સરેરાશ કરતાં વધુ છે. અહીં સિવિલ એન્જિનિયર્સનો સરેરાશ વાર્ષિક પગાર લગભગ ₹૯૦ લાખ છે. જોકે, આ સારો પગાર ત્યારે જ મળશે, જ્યારે તમને સારી કંપનીમાં જોબ મળી જાય. ડિગ્રી લીધા પછી સૌથી મુશ્કેલ કામ જોબ માટે સારી કંપની શોધવાનું હોય છે. યોગ્ય કંપનીમાં જોબ મળવાથી કારકિર્દી પણ શાનદાર બની જાય છે.
સિવિલ એન્જિનિયરિંગ માટે ટોપ-૧૦ કંપનીઓ
હવે અહીં સવાલ ઊભો થાય છે કે જો કોઈએ અમેરિકામાં સિવિલ એન્જિનિયરિંગનો અભ્યાસ કર્યો હોય, તો તેને કઈ કંપનીમાં જોબ કરવી જોઈએ. તાજેતરમાં ફોર્બ્સ એ ‘બેસ્ટ એમ્પ્લોયર્સ ફોર એન્જિનિયર્સ’ નામથી એક રેન્કિંગ તૈયાર કરી. તેમાં જણાવવામાં આવ્યું છે કે એન્જિનિયરિંગની અલગ-અલગ શાખાઓ માટે એવી કઈ કંપનીઓ છે, જે જોબ આપવાના મામલામાં પણ સારી છે અને વર્કર્સ માટે પણ તેને શ્રેષ્ઠ માનવામાં આવે છે. આ જ લિસ્ટમાં અમેરિકાની સિવિલ એન્જિનિયરિંગ સાથે જોડાયેલી ઇન્ડસ્ટ્રીના નામ પણ જણાવવામાં આવ્યા છે. આજે તમને ટોપ-૧૦ માં સામેલ કંપનીઓના નામ જણાવીએ છીએ.
ટર્નર કન્સ્ટ્રક્શન (Turner Construction)
એર પ્રોડક્ટ્સ એન્ડ કેમિકલ (Air Products and Chemical)
બર્ન્સ એન્ડ મૅકડોનેલ (Burns & McDonnell)
પીસીએલ કન્સ્ટ્રક્શન (PCL Construction)
શેવરોન (Chevron)
ડૉ (Dow)
એસીસીઓ એન્જિનિયર્સ સિસ્ટમ (ACCO Engineers System)
બેચેટલ (Bechtel)
ઓલ્સન (Olson)
ગિલબેન (Gilbane)
જો તમે પણ અમેરિકામાં જઈને સિવિલ એન્જિનિયરિંગ સાથે જોડાયેલા ક્ષેત્રમાં જોબ કરવા માંગો છો, તો પછી તમારે આ કંપનીઓમાં અરજી કરવી જોઈએ. આ જ રીતે સિવિલ એન્જિનિયરિંગનો અભ્યાસ કરી રહેલા વિદ્યાર્થીઓ પણ અહીં એપ્લાય કરી શકે છે.
