Kashika Kapoor blasts Casting Couch: કશિકા કપુરે વર્ષ 2024માં ફિલ્મ ‘આયુષ્મતિ ગીતા મેટ્રિક પાસ’ પી અભિનયની શરૂઆત કરી હતી. તે જ વર્ષે તેણે તેલુગુ ફિલ્મોમાં પ્રવેશ કર્યો હતો. કશિકાએ 2024ના એક ઈન્ટરવ્યૂમાં કાસ્ટિંગ કાઉચ વિશે ખુલાસો કર્યો હતો કે અને તેના સંઘર્ષની વાત પણ કરી હતી.
‘દિગ્દશકનો ફોન આવતાં હું ચોંકી ગઈ હતી’
કશિકાએ કહ્યું કે, ‘મુંબઈ આવ્યા પછી મેં લગભગ 150થી વધુ ઓડિશન આપ્યા હતાં, પરંતુ તે બધામાં મને રિજેક્ટ કરવામાં આવી હતી. એ પછી થોડા દિવસો પછી એક દિવસ રાત્રે ત્રણ વાગ્યે એક દિગ્દર્શકે મને ફોન આવ્યો, આટલી મોડી રાત્રે આ દિગ્દશકનો ફોન આવતાં હું ચોંકી ગઈ હતી, કે કેમ અત્યારે મને ફોન કર્યો હશે.’
‘દિગ્દર્શક ફોન અભદ્ર માંગણી કરતાં મને કહ્યું હતું’
કશિકાએ ડિરેક્ટરનું નામ જાહેર કર્યું નથી કર્યું, પરંતુ તેણે ખુલાસો કર્યો કે, ‘દિગ્દર્શક ફોન અભદ્ર માંગણી કરતાં મને કહ્યું હતું. હું તને કામ આપીશ, પણ તારે મારી સાથે સૂવું પડશે.’ કશિકા કપૂર ફિલ્મો પહેલા મ્યુઝિક વીડિયોમાં કામ કરી ચૂકી છે. તે દિલ પે જખમ, થોડી થોડી સાંસ અને ઓ મેરે દિલ કે ચેન જેવા ગીતોનો ભાગ રહી હતી.
‘મારી મહેનતના બળે ફિલ્મ ઉદ્યોગમાં મારુ નામ બનાવવા માંગુ છું’
કશિકાએ વધુ વાત કરતાં કહ્યું કે, હું મારી પોતાની મહેનતના બળે ફિલ્મ ઉદ્યોગમાં મારુ નામ બનાવવા માંગુ છે અને આગળ વધવા માંગુ છું. ઘણા દિગ્દર્શકે મને ફોન કર્યો અને ઓફરો આપી છે, મેં ના પાડી. મને પહેલા વિચાર આવતો હતો, શું આ લોકો ઊંઘતા નથી? તેઓ મને આટલી મોડી રાત્રે ફોન કરે છે.
