Vijay Sethupathi Birthday: સાઉથ અને બોલિવૂડની ફિલ્મો તેમજ સીરીઝમાં પોતાના શાનદાર અભિનયથી સૌના દિલ જીતી લેનાર વિજય સેતુપતિ આજે પોતાનો 47મો જન્મદિવસ ઉજવી રહ્યા છે. વિજય સેતુપતિનો જન્મ 16 જાન્યુઆરી 1978ના રોજ તમિલનાડુના રાજપાલયમમાં થયો હતો. તેમણે શરૂઆતમાં દુબઈમાં એકાઉન્ટન્ટ તરીકે કામ કર્યું હતું, પરંતુ બાદમાં તેઓ એક્ટિંગમાં આવ્યા. પહેલા તેઓ ફિલ્મોમાં નાના રોલ અને બેકગ્રાઉન્ડ એક્ટર તરીકે કામ કરતા હતા.
વિજય સેતુપતિના કરિયરની શરૂઆત
વિજય સેતુપતિએ હીરો તરીકે 2010માં ફિલ્મ ‘Thenmerku Paruvakaatru’ થી ડેબ્યૂ કર્યું હતું. તેમને અસલી સફળતા 2012માં મળી, જ્યારે તેમણે ‘Sundarapandian’, ‘Pizza’ અને ‘Naduvula Konjam Pakkatha Kaanom’ જેવી હિટ ફિલ્મો આપી. ત્યારબાદ તેઓ તમિલ સિનેમાના સૌથી લોકપ્રિય અભિનેતા બની ગયા. તેમણે કોમેડી, થ્રિલર, રોમાન્સ, એક્શન અને ડ્રામા એમ દરેક પ્રકારની ફિલ્મો કરી છે. તેઓ પ્રોડ્યુસર પણ છે. તેમના શ્રેષ્ઠ કામ માટે તેમને નેશનલ ફિલ્મ એવોર્ડ અને ફિલ્મફેર એવોર્ડ પણ મળી ચુક્યા છે.
સાઉથની ફિલ્મો અને ખ્યાતિ
વિજય સેતુપતિ મુખ્યત્વે તમિલ સિનેમા (સાઉથ) માં કામ કરે છે અને ત્યાંના તેઓ સુપરસ્ટાર છે. તેમણે રજનીકાંત, થલપતિ વિજય અને કમલ હાસન જેવા મોટા સિતારાઓ સાથે કામ કર્યું છે. તેમની સાઉથ ફિલ્મોથી તેમને ઘણી પ્રસિદ્ધિ મળી છે. આ ફિલ્મો બોક્સ ઓફિસ પર સફળ રહી અને તેમના અભિનયના ખૂબ વખાણ થયા. તેમની કેટલીક મુખ્ય હિટ ફિલ્મો આ મુજબ છે:
Pizza – હોરર-થ્રિલર
Soodhu Kavvum – કોમેડી-થ્રિલર
Vikram Vedha – ક્રાઈમ થ્રિલર
Petta – રજનીકાંત સાથે એક્શન
Master – થલપતિ વિજય સાથે
Vikram – કમલ હાસન સાથે
Jawan – શાહરૂખ ખાન સાથે
Maharaja – ખૂબ જ પ્રશંસા પામેલી ફિલ્મ
વિજયનું બોલિવૂડ કરિયર
વિજય સેતુપતિએ બોલિવૂડમાં પણ ધૂમ મચાવી છે. તેમના મુખ્ય બોલિવૂડ પ્રોજેક્ટ્સ છે:
Farzi: એમેઝોન પ્રાઇમ પરની વેબ સીરીઝ, જેમાં તેમણે શાહિદ કપૂર સાથે કામ કર્યું છે. આ એક ક્રાઈમ-ડ્રામા સીરીઝ છે.
Merry Christmas: કેટરિના કૈફ સાથેની થ્રિલર ફિલ્મ છે, જેનું નિર્દેશન શ્રીરામ રાઘવને કર્યું હતું. આ ફિલ્મ હિન્દી-તમિલમાં રિલીઝ થઈ હતી. તે બોક્સ ઓફિસ પર ખાસ ન ચાલી, પરંતુ તેમના પર્ફોર્મન્સના ખૂબ વખાણ થયા.
Jawan: શાહરૂખ ખાનની સુપરહિટ ફિલ્મ ‘જવાન’ માં પોતાના શ્રેષ્ઠ અભિનયથી સૌના દિલ જીતી લીધા.
ધ ફેમિલી મેન 3: આ એક વેબ સીરીઝ છે, જેમાં વિજયે મનોજ બાજપેયીના મિત્રની ભૂમિકા ભજવી છે.
વિજય સેતુપતિની હિટ ફિલ્મો
વિજયની કેટલીક સૌથી વધુ ચર્ચિત અને હિટ ફિલ્મોની યાદીમાં Pizza, Soodhu Kavvum, Vikram Vedha, ’96, Super Deluxe, Petta, Master, Vikram, Jawan, Maharaja, અને Viduthalai (પાર્ટ 1 અને 2) જેવી ફિલ્મોનો સમાવેશ થાય છે.
