Ankita Parmar BJP Por Seat Candidate: ગુજરાતમાં ઈન્સ્ટાગ્રામ ઇન્ફ્લુએન્સર તરીકે ચર્ચામાં આવેલા ભાજપના યુવા નેતા અંકિતા પરમાર ફરી સુરખીઓમાં છે. તે આશરે ત્રણ વર્ષ પહેલા ત્યારે ચર્ચામાં આવ્યા હતા જ્યારે તે જીમ ટ્રેનરથી તાલુકા પંચાયતની ચૂંટણી જીત્યા હતા અને પછી વડોદરા તાલુકાના ચેરમેન બન્યા હતા. સોશિયલ મીડિયા પર સેલિબ્રિટી જેવો મોભો ધરાવતા અંકિતા પરમારને પાછલા દિવસોમાં ભાજપે યુવા મોરચાના ઉપાધ્યક્ષ બનાવ્યા હતા ત્યારે એવું માનવામાં આવ્યું હતું કે તેમને સંગઠનમાં મોકલી દેવામાં આવ્યા છે પરંતુ પાર્ટીએ તેમને વડોદરા જિલ્લાની પોર બેઠક પરથી મેદાનમાં ઉતારીને ચોંકાવી દીધા છે. અંકિતા પરમારની ઉમેદવારી પર દાવેદાર રહેલા નયના પરમારે સવાલો ઉભા કર્યા છે.
અંકિતા પરમારની અત્યાર સુધીની સફર
અંકિતા પરમાર ૨૦૨૧ની ચૂંટણીઓમાં વડોદરા તાલુકા પંચાયતના સભ્ય બન્યા હતા.
અંકિતા પરમાર સપ્ટેમ્બર, ૨૦૨૩માં વડોદરા તાલુકા પંચાયતના ચેરમેન બન્યા હતા.
ફેબ્રુઆરી, ૨૦૨૬માં અંકિતા પરમાર BJP ગુજરાત યુવા મોરચાના ઉપાધ્યક્ષ નિયુક્ત થયા.
૯ એપ્રિલના રોજ ભાજપે વડોદરા જિલ્લાની પોર પંચાયત બેઠક પરથી ચૂંટણી મેદાનમાં ઉતાર્યા.
ટિકિટ મળતા ચોંકી ગયા દાવેદારો
અંકિતા પરમારને પોર બેઠક પરથી ટિકિટ મળવા પર વિવાદ પણ સામે આવ્યો છે. આરોપ છે કે પાર્ટીએ પાયાના કાર્યકરો સાથે અન્યાય કર્યો છે. ગુરુવારે ભાજપે વડોદરા જિલ્લા પંચાયતની હાઈ-પ્રોફાઈલ ‘પોર’ બેઠક માટે ઉમેદવાર જાહેર કર્યા કે તરત જ સ્થાનિક રાજનીતિ ગરમાઈ ગઈ છે. આ વિવાદમાં સૌથી ગંભીર વળાંક ત્યારે આવ્યો જ્યારે નયનાબેન પરમારે ગંભીર આક્ષેપો કર્યા. નયના પરમારને પોરથી મજબૂત દાવેદાર માનવામાં આવતા હતા. નયનાબેન પરમારે પૂર્વ જિલ્લા ભાજપ પ્રમુખ રસિક પ્રજાપતિ પર પૈસાની લેવડદેવડના ગંભીર આરોપો લગાવ્યા. આ બાબતે રસિક પ્રજાપતિની પ્રતિક્રિયા સામે આવી નથી.
અપક્ષ લડવાની કરી જાહેરાત
નયનાબેન પરમારે સ્પષ્ટ કરી દીધું છે કે હવે તે અપક્ષ ઉમેદવાર તરીકે ચૂંટણી લડશે. તેમણે સોશિયલ મીડિયા અને ‘રીલ લાઈફ’ના દેખાડા પર નિશાન સાધતા કહ્યું કે હકીકત અને રીલ લાઈફમાં બહુ મોટો તફાવત હોય છે, જેને કદાચ પાર્ટી હાઈકમાન્ડ સમજી શક્યું નથી. તેમણે એવું કહીને કાર્યકરોની લાગણીઓ જીતવાનો પ્રયાસ કર્યો છે કે પાર્ટી સામે બળવો કરવા છતાં, તેમની વિચારધારા ભાજપવાળી જ રહેશે. નયનાબેનના નિશાના પર આવેલા રસિક પ્રજાપતિ પહેલા વડોદરા જિલ્લાના પ્રમુખ હતા. હવે તે ભાજપ ગુજરાતની મુખ્ય ટીમમાં ઉપાધ્યક્ષ છે, તો વળી અંકિતા પરમાર વડોદરાના સાંસદ ડો. હેમાંગ જોશીની ટીમમાં છે. હેમાંગ જોશી ભાજપ ગુજરાત યુવા મોરચાના પ્રમુખ પણ છે.
