Bhupendra Patel-Anand Mahindra: આનંદ મહિન્દ્રા સાથે ભૂપેન્દ્ર પટેલની મુલાકાત, ગુજરાતમાં EV રોકાણ અને ફ્યુચર મોબિલિટી પર થયું મંથન
Bhupendra Patel-Anand Mahindra: 11મા વાઇબ્રન્ટ ગુજરાત ગ્લોબલ સમિટ (VGGS) 2027ના સંદર્ભમાં મુંબઈ પહોંચેલા ગુજરાતના મુખ્યમંત્રી ભૂપેન્દ્ર પટેલે મહિન્દ્રા ગ્રુપના ચેરમેન આનંદ મહિન્દ્રા સાથે મુલાકાત કરી. આ દરમિયાન બંને દિગ્ગજો વચ્ચે રાજ્યમાં મહિન્દ્રા ગ્રુપનું રોકાણ વધારવા અને નવી તકો શોધવા અંગે સકારાત્મક ચર્ચા થઈ.
મુખ્યમંત્રી ભૂપેન્દ્ર પટેલે સોશિયલ મીડિયા પ્લેટફોર્મ ‘X’ પર આ બેઠકની માહિતી શેર કરતાં જણાવ્યું કે વાતચીત મુખ્યત્વે ગુજરાતમાં ઇલેક્ટ્રિક વ્હીકલ (EV) ઇકોસિસ્ટમ, ફ્યુચર મોબિલિટી સોલ્યુશન્સ અને GIFT Cityમાં મહિન્દ્રા ગ્રુપની હાજરી સ્થાપિત કરવા જેવા મહત્વપૂર્ણ વિષયો પર કેન્દ્રિત રહી.
EV અને ફ્યુચર મોબિલિટી: મહિન્દ્રા ગ્રુપ સાથે રાજ્યમાં મોટા પાયે ઇલેક્ટ્રિક વાહનોના ઉત્પાદન અને નેક્સ્ટ-જનરેશન મોબિલિટી ટેક્નોલોજીઓને પ્રોત્સાહન આપવાની સંભાવનાઓ અંગે વિચાર-વિમર્શ કરવામાં આવ્યો.
GIFT Cityમાં એન્ટ્રી: ગુજરાત ઇન્ટરનેશનલ ફાઇનાન્સ ટેક-સિટી (GIFT City)માં ફાઇનાન્શિયલ સર્વિસિસના વિસ્તરણને લઈને વ્યૂહાત્મક ચર્ચા થઈ.
મજબૂત ઇન્ફ્રાસ્ટ્રક્ચરનો ઉલ્લેખ: CM પટેલે જણાવ્યું કે ગુજરાતનું વિશ્વસ્તરીય પોર્ટ-લેડ લોજિસ્ટિક્સ, વિશ્વસનીય ઇન્ફ્રાસ્ટ્રક્ચર અને પ્રગતિશીલ ઔદ્યોગિક નીતિઓ નેક્સ્ટ-જનરેશન મેન્યુફેક્ચરિંગ માટે સૌથી અનુકૂળ વાતાવરણ પૂરું પાડે છે.
Had an engaging and productive interaction with Mr. Anand Mahindra, Chairman of the Mahindra Group, at the Mumbai Roadshow for the 11th Vibrant Gujarat Global Summit 2027.
Deliberated on expanding the Mahindra Group’s footprint in Gujarat, specifically exploring large-scale… pic.twitter.com/pHrw4LbxBc
— Bhupendra Patel (@Bhupendrapbjp) September 3, 2026
વિકસિત ભારત 2047નું લક્ષ્ય: મુખ્યમંત્રીએ ભારપૂર્વક જણાવ્યું કે પ્રધાનમંત્રી નરેન્દ્ર મોદીના નેતૃત્વ હેઠળ ગુજરાત ઉદ્યોગ જગતને સસ્ટેનેબલ ઇનોવેશન માટે ફ્યુચર-રેડી ઇકોસિસ્ટમ આપી રહ્યું છે, જે ‘વિકસિત ભારત 2047’ના સંકલ્પને મજબૂત બનાવે છે.
મુંબઈ રોડશો દરમિયાન યોજાયેલી આ ઉચ્ચસ્તરીય બેઠકથી સ્પષ્ટ છે કે આગામી વાઇબ્રન્ટ ગુજરાત સમિટ 2027ના માધ્યમથી રાજ્ય સરકાર ગ્રીન મોબિલિટી અને ફાઇનાન્શિયલ ટેક્નોલોજીના ક્ષેત્રમાં મોટા પાયે રોકાણ આકર્ષવાની દિશામાં ઝડપથી કામ કરી રહી છે.
