ગુજરાત સરકારે પાઇપલાઇન પ્રોજેક્ટ માટે રૂ. 295 કરોડ ફાળવ્યા છે
ગાંધીનગર, 15 માર્ચ. રાજકોટ શહેરી વિસ્તાર અને રાજકોટ અર્બન ડેવલપમેન્ટ ઓથોરિટી (RUDA) વિસ્તારમાં સમાવિષ્ટ ગામડાઓમાં વસ્તી વધારાને કારણે પાણીની વધારાની માંગને પહોંચી વળવા મુખ્યમંત્રી ભૂપેન્દ્ર પટેલે મહત્વનો નિર્ણય લીધો છે.
મુખ્યમંત્રીએ ગુજરાત વોટર ઈન્ફ્રાસ્ટ્રક્ચર લિમિટેડ હેઠળ હડાળા પમ્પિંગ સ્ટેશનથી કોઠારિયા હેડ વર્કસ સુધી બલ્ક પાઈપલાઈન નાખવા માટે રૂ. 295.38 કરોડની યોજનાને મંજૂરી આપી છે. આ પ્રોજેકટના અમલીકરણથી રાજકોટ જીલ્લાના વિવિધ ગામો અને રાજકોટ શહેરના રૂડા વિસ્તારો અને આઉટગ્રોથ વિસ્તારોની કુલ 18 લાખથી વધુ વસ્તીને દરરોજ વધારાનું 135 MLD (મિલિયન લીટર પ્રતિદિન) પાણી પૂરું પાડી શકાશે.
રાજકોટ શહેરની આસપાસના રૂડા વિસ્તારના ગામો, શહેર અને કોટરા, રીબડા, લોધીકા અને મચ્છુ જૂથ પાણી પુરવઠા યોજનાઓ માટે 135 એમએલડી ક્ષમતાનો હડાળાથી પડવાળા બલ્ક પાઈપલાઈન પ્રોજેક્ટ શરૂ કરવામાં આવશે. જે અંતર્ગત ગુજરાત વોટર ઈન્ફ્રાસ્ટ્રકચર લિમિટેડના હડાળા પમ્પીંગ સ્ટેશનથી કોઠારીયા હેડ વર્ક સુધી લગભગ 48 કિમી લંબાઈની 1500 મીમી અને 1400 મીમી વ્યાસની પાઈપલાઈન નાખવાની સાથે સ્ટોરેજ સમ્પ, પંપ હાઉસ અને પમ્પીંગ મશીનરી સહિત અન્ય કામો શરૂ કરવામાં આવ્યા છે.
