સુરત રેલવે સ્ટેશનનું હૃદયદ્રાવક દ્રશ્ય, ઘટના CCTVમાં કેદ
સુરત રેલવે સ્ટેશન પર એક હ્રદયદ્રાવક દ્રશ્ય જોવા મળ્યું જ્યારે એક મહિલા ચાલતી ટ્રેનમાં ચડવાનો પ્રયાસ કરતી વખતે પ્લેટફોર્મ અને ટ્રેન વચ્ચે પડી. જોકે, હાજર આરપીએફ જવાનોએ સમયસર મહિલાને બચાવી લીધી હતી.
ઘટના CCTVમાં કેદઃ
આ સમગ્ર ઘટના સીસીટીવી કેમેરામાં કેદ થઈ ગઈ છે. વીડિયોમાં જોઈ શકાય છે કે મહિલા પ્લેટફોર્મ નંબર 1 પર મારુસાગર એક્સપ્રેસમાં ચઢવાનો પ્રયાસ કરી રહી હતી. આ દરમિયાન તેણીએ પોતાનું સંતુલન ગુમાવ્યું અને ટ્રેન અને પ્લેટફોર્મ વચ્ચે પડી ગઈ.
ઉતાવળમાં ટ્રેનમાં ચઢવાનો પ્રયાસ કરશો નહીં:
આ ઘટનામાંથી આપણે એક બોધપાઠ લેવો જોઈએ કે આપણે ક્યારેય ઉતાવળમાં ટ્રેનમાં ચડવાનો પ્રયાસ ન કરવો જોઈએ. થોડી બેદરકારી પણ જીવલેણ બની શકે છે.
આરપીએફ જવાનની પ્રશંસાઃ
આ ઘટના બાદ આરપીએફ જવાન પુષ્પેન્દ્ર કુમારના ખૂબ વખાણ થઈ રહ્યા છે. લોકોનું કહેવું છે કે તેણે મહિલાનો જીવ બચાવીને પ્રશંસનીય કામ કર્યું છે.
