જુલાઈ 2010 માં, આરટીઆઈ કાર્યકર અમિત જેઠવાની ગુજરાત હાઈકોર્ટ સંકુલની સામે પોઈન્ટ બ્લેન્ક રેન્જમાં ગોળી મારીને હત્યા કરવામાં આવી હતી. આ કેસમાં ગુજરાત હાઈકોર્ટે સોમવારે મહત્વનો ચુકાદો આપતાં આ કેસમાં ભાજપના પૂર્વ સાંસદ દિનુ બોઘા સોલંકી સહિત અન્ય 6 લોકોને નિર્દોષ જાહેર કરીને છોડી મૂકવાનો આદેશ કર્યો છે.
જસ્ટિસ એ.એસ. સુપહિયા અને જસ્ટિસ વિમલ કે વ્યાસની ડિવિઝન બેન્ચે તેના 234 પાનાના ચુકાદામાં આરોપીને આજીવન કેદની સજા આપવાના ટ્રાયલ કોર્ટના નિર્ણયને રદ કર્યો છે. ગુજરાતમાં લોકસભાની ચૂંટણીના આગલા દિવસે મંગળવારે આવેલા આ નિર્ણયથી રાજકારણ ગરમાયું છે.
તમને જણાવી દઈએ કે અમિત જેઠવા ગેરકાયદે માઈનિંગ સહિત ઘણા વિષયો પર RTI દાખલ કરવા માટે જાણીતા હતા. હત્યાના એક મહિના પહેલા તેણે ગીરના જંગલની આસપાસ ગેરકાયદેસર ખનન અંગે હાઈકોર્ટમાં અરજી કરી હતી. આ સનસનાટીભર્યા હત્યા કેસમાં હાઈકોર્ટે 2012માં કેસ સીબીઆઈને સોંપ્યો હતો અને 2019માં ભાજપના પૂર્વ સાંસદ દિનુ બોઘા સોલંકી અને અન્યને સીબીઆઈ સ્પેશિયલ કોર્ટે અમદાવાદ દ્વારા આજીવન કેદની સજા ફટકારી હતી.
