Hair Growth Home Remedies: નવી દિલ્હી: વાળની વૃદ્ધિ વધારવા અને તેમને મજબૂત બનાવવા માટે લોકો ઘણીવાર મોંઘા પાર્લર ટ્રીટમેન્ટ અને કેરાટિન જેવા વિકલ્પો પસંદ કરતા હોય છે. પરંતુ આ રાસાયણિક ટ્રીટમેન્ટ હંમેશા મનચાહ્યું પરિણામ આપતી નથી. આવા સમયે તમે અળસીના બીજ (Flax Seeds) અને કોર્ન સ્ટાર્ચનો ઘરેલુ નુસખો અજમાવી શકો છો. આ રીતથી તમે ઘરે જ કુદરતી રીતે કેરાટિન ટ્રીટમેન્ટ કરી શકો છો.
કેરાટિન (Keratin) શું છે?
કેરાટિન એ એક પ્રકારનું પ્રોટીન છે જે આપણા વાળમાં કુદરતી રીતે હોય છે. કેરાટિન ટ્રીટમેન્ટથી વાળ મજબૂત, ચમકદાર અને સ્વસ્થ બને છે. તે વાળને તૂટતા અટકાવે છે અને તેમને સીધા તથા સિલ્કી-સ્મૂથ બનાવે છે.
નુસખા માટે જરૂરી સામગ્રી
4 કપ પાણી
1 કપ અળસીના બીજ (Flax Seeds)
કોર્ન સ્ટાર્ચ (મકાઈનો લોટ)
ઓલિવ ઓઈલ (જૈતુનનું તેલ)
નુસખો બનાવવાની રીત
એક પેનમાં પાણી ગરમ કરો અને તેમાં અળસીના બીજ ઉમેરો.
જ્યાં સુધી તેમાંથી ઘટ્ટ જેલ તૈયાર ન થાય ત્યાં સુધી તેને ઉકાળો અને હલાવતા રહો.
હવે બીજા એક પેનમાં અલગથી પાણી ગરમ કરી તેમાં કોર્ન સ્ટાર્ચ મિક્સ કરો અને તેની જેલ જેવી પેસ્ટ બનાવો.
ત્યારબાદ આ બંને જેલને એકસાથે મિક્સ કરી લો. તમારી હોમમેઇડ કેરાટિન ક્રીમ તૈયાર છે.
ક્રીમ લગાવવાની રીત
આ નુસખાનો ઉપયોગ અઠવાડિયામાં એકવાર કરી શકાય છે.
સૌ પ્રથમ તમારા વાળના નાના-નાના ભાગ (Sections) પાડો.
તૈયાર કરેલી ક્રીમને વાળના મૂળથી છેડા સુધી સારી રીતે લગાવો.
ક્રીમ લગાવ્યાના 1 કલાક બાદ હળવા શેમ્પૂથી વાળ ધોઈ લો.
આ ક્રીમના ફાયદા
વાળ ખરતા ઓછા થઈ શકે છે.
વાળના મૂળમાં મજબૂતી આવે છે.
વાળને ઘટ્ટ બનાવવામાં મદદ મળે છે.
વાળ કુદરતી રીતે સિલ્કી અને ચમકદાર બને છે.
