Gandhi Jayanti: ગાંધી જયંતિ (2 ઓક્ટોબર) ના દિવસે વડાપ્રધાન નરેન્દ્ર મોદીએ રાજઘાટ ખાતે મહાત્મા ગાંધીજીને પુષ્પાંજલિ અર્પણ કરી હતી. સાથે જ તેઓ વિજય ઘાટ પણ ગયા હતા, જ્યાં પૂર્વ વડાપ્રધાન લાલ બહાદુર શાસ્ત્રીને શ્રદ્ધાંજલિ આપી હતી.
પીએમ મોદીએ જણાવ્યું કે મહાત્મા ગાંધીના આદર્શોએ માનવજાતિના ઇતિહાસને બદલી નાખ્યો છે. “બાપુએ દુનિયાને બતાવ્યું કે સરળતા અને હિંમતથી પણ મોટો પરિવર્તન આવી શકે છે. તેમની સેવા અને કરુણા લોકો માટે સૌથી મોટું શક્તિ સ્ત્રોત બની છે. વિકસિત ભારતની યાત્રામાં અમે તેમના દર્શાવેલા માર્ગ પર આગળ વધતા રહીશું,” એમ તેમણે સોશિયલ મીડિયા ‘X’ પર લખ્યું..
લાલ બહાદુર શાસ્ત્રીની યાદ
મોદીએ પૂર્વ વડાપ્રધાન લાલ બહાદુર શાસ્ત્રીજીને પણ યાદ કર્યા. તેમની જન્મજયંતિ પણ 2 ઓક્ટોબરે જ આવે છે. મોદીએ લખ્યું કે શાસ્ત્રીજી પ્રામાણિકતા, નમ્રતા અને અડગ નિશ્ચયના પ્રતીક હતા. પડકારજનક સમયમાં પણ તેમણે ભારતને મજબૂત બનાવ્યું. “જય જવાન, જય કિસાન” ના તેમના સૂત્રએ દેશભરમાં દેશભક્તિની ભાવના જગાડી હતી.
વિજયાદશમીની શુભેચ્છાઓ
આ દિવસે વિજયાદશમીનો પાવન તહેવાર પણ હતો. પીએમ મોદીએ દેશવાસીઓને શુભકામનાઓ પાઠવી હતી. તેમણે લખ્યું કે વિજયાદશમી અસત્ય અને અહંકાર પર સત્ય અને સદ્દગુણના વિજયનું પ્રતીક છે. આ પ્રસંગે દરેકને હિંમત, જ્ઞાન અને ભક્તિના માર્ગ પર ચાલવાની પ્રેરણા મળે એવી તેમની શુભેચ્છા હતી.
