India defense production: વૈશ્વિક અસ્થિરતા વચ્ચે ભારત માટે સારા સમાચાર છે. ભારતનું વાર્ષિક સંરક્ષણ ઉત્પાદન છેલ્લા ૧૩ વર્ષમાં ૪ ગણું વધીને ૧.૭૮ લાખ કરોડ સુધી પહોંચી ગયું છે. આ અત્યાર સુધીનો સૌથી ઉચ્ચતમ સ્તર છે. આ વધારો પાછલા નાણાકીય વર્ષના ૧.૫૪ લાખ કરોડ રૂપિયાના ઉત્પાદન સામે ૧૫.૬% નો વધારો દર્શાવે છે.
૧૩ વર્ષ પહેલા ૪ ગણું ઓછું હતું
નાણાકીય વર્ષ ૨૦૨૦-૨૧ ની સરખામણીમાં આ વિકાસ ૧૧૦ ટકા છે. કારણ કે ૨૦૨૦-૨૧ માં આ આંકડો ૮૪,૬૪૩ કરોડ રૂપિયા હતો. બીજી તરફ, વર્ષ ૨૦૧૩-૧૪ ની વાત કરીએ તો સંરક્ષણ ઉત્પાદન ૪ ગણું વધી ગયું છે, કારણ કે તે સમયે દેશનું સંરક્ષણ ઉત્પાદન ૪૩,૭૪૬ કરોડ રૂપિયા હતું.
આ રીતે વધતું ગયું સંરક્ષણ ઉત્પાદન
૧. ૨૦૧૩-૧૪: ₹૪૩,૭૪૬ કરોડ
૨. ૨૦૧૪-૧૫: ₹૪૬,૪૨૯ કરોડ
૩. ૨૦૨૦-૨૧: ₹૮૪,૬૪૩ કરોડ
૪. ૨૦૨૧-૨૨: ₹૯૫,૦૦૦ કરોડ
૫. ૨૦૨૨-૨૩: લગભગ ₹૧.૦૦ લાખ કરોડ
૬. ૨૦૨૩-૨૪: ₹૧.૨૭ લાખ કરોડ
૭. ૨૦૨૪-૨૫: ₹૧.૫૪ લાખ કરોડ
૮. ૨૦૨૫-૨૬: ₹૧.૭૮ લાખ કરોડ
સંરક્ષણ મંત્રી રાજનાથ સિંહે ટ્વિટ કર્યું
Under the inspiring leadership of PM Shri @narendramodi, India’s defence production is reaching new heights every year. I am delighted to inform everyone that India’s annual defence production has surged to an all-time high of Rs 1.78 lakh crore in the Financial Year (FY)…
— Rajnath Singh (@rajnathsingh) June 17, 2026
સંરક્ષણ ઔદ્યોગિક આધારનો સ્પષ્ટ સંકેત
સંરક્ષણ મંત્રી રાજનાથ સિંહે પોતે આ માહિતી સોશિયલ મીડિયા પર શેર કરી છે. તેમણે પોતાના ટ્વિટમાં કહ્યું છે કે પ્રધાનમંત્રી નરેન્દ્ર મોદીના નેતૃત્વમાં ભારતનું સંરક્ષણ ઉત્પાદન દર વર્ષે નવી ઊંચાઈઓને સ્પર્શી રહ્યું છે. તાજેતરના વર્ષોમાં ભારતના સંરક્ષણ ઉત્પાદનમાં થયેલો જબરદસ્ત વધારો, સંરક્ષણ ઉત્પાદન વિભાગ અને તમામ સંબંધિત પક્ષોના સંયુક્ત પ્રયાસોનું પરિણામ છે. આ વધારો દેશના વધતા સંરક્ષણ ઔદ્યોગિક આધારનો સ્પષ્ટ સંકેત છે. સતત નીતિગત સમર્થન, ઘણી નવી પહેલો, ખાનગી ક્ષેત્રની વધતી ભાગીદારી અને નિકાસની વધતી ક્ષમતાઓ સાથે, સંરક્ષણ ઉત્પાદન ક્ષેત્ર આવનારા વર્ષોમાં વધુ ઝડપથી આગળ વધવા માટે તૈયાર છે.
