વડાપ્રધાન નરેન્દ્ર મોદી 25મા કારગિલ વિજય દિવસના અવસરે શુક્રવારે સવારે 9.20 વાગ્યે કારગિલ યુદ્ધ સ્મારકની મુલાકાત લેશે.
નવી દિલ્હી, 25 જુલાઇ. વડા પ્રધાન નરેન્દ્ર મોદી 25માં કારગિલ વિજય દિવસના અવસરે શુક્રવારે સવારે 9:20 વાગ્યે કારગિલ યુદ્ધ સ્મારકની મુલાકાત લેશે અને વીરોને શ્રદ્ધાંજલિ આપશે. વડાપ્રધાન કાર્યાલય (PMO) એ ગુરુવારે એક નિવેદન જારી કરીને આ જાણકારી આપી.
પીએમઓએ નિવેદનમાં કહ્યું કે, વડાપ્રધાન કારગિલ યુદ્ધ દરમિયાન પોતાના જીવનનું બલિદાન આપનારા શહીદોને શ્રદ્ધાંજલિ આપશે. આ ઉપરાંત, તે શિંકુન લા ટનલ પ્રોજેક્ટનો પ્રથમ બ્લાસ્ટ પણ વર્ચ્યુઅલ રીતે કરશે.
નોંધનીય છે કે શિંકુન લા ટનલ પ્રોજેક્ટમાં 4.1 કિમી લાંબી ટ્વીન-ટ્યુબ ટનલનો સમાવેશ થાય છે, જેનું નિર્માણ લેહને તમામ હવામાનમાં કનેક્ટિવિટી આપવા માટે નિમ્મુ-પદુમ-દારચા રોડ પર લગભગ 15,800 ફૂટની ઊંચાઈએ કરવામાં આવશે. જ્યારે નિર્માણ કાર્ય પૂર્ણ થશે, ત્યારે તે વિશ્વની સૌથી ઊંચી ટનલ હશે. શિંકુન લા ટનલ માત્ર આપણા સશસ્ત્ર દળો અને સાધનોની ઝડપી અને કાર્યક્ષમ હિલચાલને સુનિશ્ચિત કરશે નહીં, પરંતુ લદ્દાખમાં આર્થિક અને સામાજિક વિકાસને પણ વેગ આપશે.
