Religious Place Women Entry Case: સબરીમાલા મંદિરમાં દરેક ઉંમરની મહિલાઓની એન્ટ્રી, મુસ્લિમ મહિલાઓના મસ્જિદમાં પ્રવેશ અને પારસી મહિલાઓના બીજા સમુદાયમાં લગ્ન પછીના અધિકારના મુદ્દાઓ પર સુપ્રીમ કોર્ટની ૯ જજોની બેન્ચ ૭ એપ્રિલથી સુનાવણી કરશે. આ મામલાઓ સાથે જોડાયેલી અરજીઓના સમૂહને લાર્જર બેન્ચને રેફર કરવામાં આવ્યો હતો.
સુનાવણી એપ્રિલ સુધી પૂર્ણ થવાની શક્યતા
ધાર્મિક સ્થળો પર મહિલાઓ સાથે કથિત ભેદભાવ સંબંધિત અરજીઓ પર સુપ્રીમ કોર્ટના ચીફ જસ્ટિસની આગેવાની હેઠળની બેન્ચે સોમવારે કહ્યું કે સુનાવણી ૨૨ એપ્રિલ સુધી પૂર્ણ થવાની શક્યતા છે. તમામ પક્ષકારો પાસેથી ૧૪ માર્ચ સુધીમાં લેખિત નિવેદનો માંગવામાં આવ્યા છે.
ચુકાદાની સમીક્ષાની કરે છે માંગ
કેન્દ્ર વતી સોલિસિટર જનરલ તુષાર મહેતાએ કહ્યું કે તેઓ ૨૦૧૮ ના સબરીમાલા ચુકાદાની સમીક્ષાની માંગનું સમર્થન કરે છે. ૨૦૨૦ માં સુપ્રીમ કોર્ટે કહ્યું હતું કે સબરીમાલા મામલામાં દાખલ અરજી પર ૯ જજોની બંધારણીય બેન્ચ સુનાવણી કરશે. સબરીમાલામાં દરેક ઉંમરની મહિલાઓને સુપ્રીમ કોર્ટે ૨૦૧૮ માં પ્રવેશનો અધિકાર આપ્યો હતો. જેની વિરુદ્ધ રિવ્યુ અરજી દાખલ કરવામાં આવી હતી.
ચુકાદો આગળ અન્ય મુદ્દાઓનો પણ લાવશે ઉકેલ
સબરીમાલા મામલામાં સુનાવણી દરમિયાન તત્કાલીન ચીફ જસ્ટિસની આગેવાની હેઠળની બહુમતી બેન્ચે કહ્યું હતું કે ધર્મ એક જીવનશૈલી છે અને તે જીવન અને દેવત્વ સાથે જોડાયેલ છે. જસ્ટિસ ઈન્દુ મલ્હોત્રાએ લઘુમતીમાં કહ્યું હતું કે તાર્કિક ભાવ ધાર્મિક બાબતોમાં લાગુ થઈ શકતો નથી. હવે મામલાને વ્યાપક આયામ આપવામાં આવ્યો છે. જે ચુકાદો આવશે, તે ભવિષ્ય માટે ધર્મ સાથે જોડાયેલા અન્ય મુદ્દાઓનો પણ ઉકેલ લાવશે.
