લોકો હવે 4 જુનની આતુરતાથી રાહ જોઈ રહ્યા છે.કે આખરે કોણ જીતશે બાઝી ? શું થશે ? પ્રથમ નજરે મોદીજીની લોકચાહનાને પગલે તે જ મેસેજ જાય છે કે, માની લેવામાં આવે છે કે, મોદીજી તેમની ધારણા પ્રમાણેની સીટો મેળવશે.પરંતુ, ચૂંટણી નિષ્ણાતો આ અંગે વોટિંગ અને તેની પેટર્ન મુજબ અને લોકોના મિજાજને અને થોડા લોકોના સર્વેને કારણે તારણો કાઢતા હોય છે. લોકસભા ચૂંટણીમાં છ તબક્કા માટે મતદાન પૂર્ણ થઈ ગયું છે. સાતમા અને છેલ્લા તબક્કા માટે 1 જૂને મતદાન થશે. દરમિયાન, બીજેપી 400ને પાર કરવાનો દાવો કરી રહી છે, જ્યારે વિપક્ષી ગઠબંધન ભારત તેની જીતનો દાવો કરી રહ્યું છે. લોકસભા ચૂંટણીના પરિણામો 4 જૂને આવશે. આના એક અઠવાડિયા પહેલા, ચૂંટણી વિશ્લેષકમાંથી રાજકારણી બનેલા યોગેન્દ્ર યાદવે આગાહી કરી હતી કે વિપક્ષી ગઠબંધન I.N.D.I.A NDA કરતા વધુ બેઠકો જીતશે.
‘ભાજપને બહુમતી નહીં મળે’
યોગેન્દ્ર યાદવે ચૂંટણી પરિણામો સામે આવતા પહેલા પોતાનું અંતિમ મૂલ્યાંકન શેર કરતા કહ્યું કે, ‘વર્તમાન રાજકીય પરિસ્થિતિ મુજબ, ભાજપને 250થી ઓછી બેઠકો મળી રહી છે. જો છેલ્લા તબક્કા દરમિયાન ભાજપને યુપી અને બિહારમાંથી છેલ્લો ધક્કો મળી શકે છે. હું તેની શક્યતા જોઉં છું. આવી સ્થિતિમાં એનડીએ બહુમતી મેળવી શકશે નહીં. આ સાથે ઈન્ડિયા બ્લોકને એનડીએ કરતા વધુ સીટો મળવાની શક્યતા છે.
યોગેન્દ્ર યાદવે કહ્યું કે, આ લોકસભા ચૂંટણીના છેલ્લા પાંચ તબક્કામાં ભાજપે લગભગ 50 સીટો ગુમાવી છે અને આ છઠ્ઠા તબક્કામાં પણ ભાજપ સીટો ગુમાવી શકે છે. અત્યાર સુધીના સંજોગોના આધારે આપણે કહી શકીએ કે ભાજપ 272 પર આવી ગયો છે.
પીકેના સર્વેને ટાર્ગેટ કર્યો છે
રાજકીય વિશ્લેષક પ્રશાંત કિશોરનું નામ લીધા વિના, જેમણે ભાજપની જીતની આગાહી કરી હતી, યાદવે કહ્યું, ‘સર્વેનો ઉપયોગ જૂઠ ફેલાવવા માટે કરવામાં આવી રહ્યો છે. આ સર્વેનો ટેક્નિકલ આધાર ખોટો છે. તમને જણાવી દઈએ કે પ્રશાંત કિશોરે દાવો કર્યો હતો કે ભાજપ 2019ની સરખામણીમાં લોકસભા ચૂંટણીમાં વધુ સારું પ્રદર્શન કરશે. તેમણે કહ્યું હતું કે ઉત્તરના રાજ્યોમાં ભાજપને થોડી ઓછી બેઠકો મળે તો પણ તેને દક્ષિણ અને પૂર્વના રાજ્યોમાં ફાયદો થશે.
by : Reena brahmbhatt
