LIC New Jeevan Shanti Plan: દરેક વ્યક્તિનું સપનું હોય છે કે નિવૃત્તિ પછી તેને અને તેના પરિવારને નિયમિત પેન્શન મળતું રહે, જેથી વૃદ્ધાવસ્થામાં કોઈ આર્થિક તંગીનો સામનો ન કરવો પડે. આ સમસ્યાના ઉકેલ માટે દેશની સૌથી મોટી સરકારી વીમા કંપની LIC (ભારતીય જીવન વીમા નિગમ) એક શાનદાર સ્કીમ લઈને આવી છે, જેનું નામ છે ‘ન્યૂ જીવન શાંતિ યોજના’. આ સ્કીમ હેઠળ તમારે એકસાથે રકમ જમા કરવાની હોય છે અને ત્યારબાદ આજીવન પેન્શનની સુવિધા મળી જાય છે.
શું છે LIC ન્યૂ જીવન શાંતિ યોજના?
LIC ની ન્યૂ જીવન શાંતિ સ્કીમ, જેને Plan 758 તરીકે પણ ઓળખવામાં આવે છે, તે નિવૃત્તિ પછીની જિંદગીને સુરક્ષિત બનાવવા માટે ડિઝાઇન કરવામાં આવી છે. આ યોજનામાં વ્યક્તિ એકીસાથે મોટી રકમનું રોકાણ કરીને પોતાની જરૂરિયાત મુજબ વાર્ષિક 1,00,000 રૂપિયા સુધીનું પેન્શન મેળવી શકે છે.
આ સ્કીમની ખાસિયત એ છે કે પૈસા જમા કરાવ્યા પછી તમારે પોતે નક્કી કરવાનું હોય છે કે તમારે પેન્શન ક્યારથી લેવું છે. તમે 1 વર્ષ, 2 વર્ષ કે મહત્તમ 12 વર્ષ પછી પેન્શન શરૂ કરાવી શકો છો. પેન્શન શરૂ થવા માટે ઓછામાં ઓછો 1 વર્ષનો રાહ જોવાનો સમય હોય છે, જેને ડેફર્ડ એન્યુઈટી (Deferred Annuity) પ્લાન કહેવામાં આવે છે.
યોજનાની મુખ્ય વિશેષતાઓ
લોન સુવિધા: જો તમને અચાનક પૈસાની જરૂર પડે, તો તમે રોકાણ કર્યાના માત્ર 3 મહિના પછી આ યોજના પર લોન લઈ શકો છો.
ઉંમર મર્યાદા: આ સ્કીમનો લાભ લેવા માટે વ્યક્તિની લઘુત્તમ ઉંમર 30 વર્ષ અને મહત્તમ 79 વર્ષ હોવી જરૂરી છે.
ડેથ બેનિફિટ: જો પોલિસીધારકનું અચાનક અવસાન થાય, તો જમા કરેલા પૈસા વ્યાજ સહિત નોમિનીને પરત કરી દેવામાં આવે છે, જે રોકાણને સંપૂર્ણ સુરક્ષિત બનાવે છે.
1,00,000 રૂપિયાના વાર્ષિક પેન્શન માટે કેટલું રોકાણ?
જો તમે આ સ્કીમ દ્વારા દર વર્ષે અંદાજે 1,00,000 રૂપિયાનું પેન્શન મેળવવા માંગતા હોવ, તો તમારે 8 લાખ રૂપિયા એકસાથે રોકાણ કરવા પડશે. આ માટે તમારે 12 વર્ષનો વેટિંગ પિરિયડ (લોક-ઇન પિરિયડ) રાખવો પડશે. નિયમ મુજબ, તમે જેટલા વધુ વર્ષો સુધી પેન્શન લેવાનું મોકૂફ રાખો છો, વ્યાજને કારણે તમારી પેન્શનની રકમ એટલી જ વધતી જાય છે.
