PM Vishwakarma Yojana: સરકાર જ્યારે પણ કોઈ યોજનાની શરૂઆત કરે છે તો આ દરમિયાન એ જરૂર જોવામાં આવે છે કે તે યોજનાનો લાભ કેટલા લોકોને મળશે. ઉદાહરણ તરીકે, પ્રધાનમંત્રી વિશ્વકર્મા કૌશલ સન્માન યોજના. આ યોજના કેન્દ્ર સરકાર દ્વારા ચલાવવામાં આવી રહી છે.
કેન્દ્ર સરકારે આ યોજનાની શરૂઆત ૧૭ સપ્ટેમ્બર ૨૦૨૩માં કરી હતી અને ત્યારથી લઈને અત્યાર સુધી આ યોજના નિરંતર ચાલી રહી છે. વર્તમાન સમયમાં આ યોજના સાથે કરોડો લાભાર્થીઓ જોડાયેલા છે અને લાભ મેળવી રહ્યા છે. આ બધાની વચ્ચે શું તમે જાણો છો કે પીએમ વિશ્વકર્મા યોજના હેઠળ તમને શું-શું લાભ મળે છે? કદાચ નહીં, તો તમે અહીં આ વિશે જાણી શકો છો.
કેવી રીતે જોડાઈ શકાય આ યોજના સાથે?
તમે પીએમ વિશ્વકર્મા યોજના સાથે ઓનલાઇન અને ઓફલાઇન બંને રીતે જોડાઈ શકો છો.
ઓનલાઇન અરજી માટે યોજનાની સત્તાવાર વેબસાઇટ pmvishwakarma.gov.in પર જવાનું હોય છે.
અહીં ‘લોગિન’ વાળા સેક્શનમાં જઈને તમે અરજીની પ્રક્રિયા પૂરી કરી શકો છો.
ઓફલાઇન કેવી રીતે કરી શકાય અરજી?
સૌથી પહેલા તમારા નજીકના સીએસસી (CSC) સેન્ટર પર જવાનું હોય છે.
અહીં સંબંધિત અધિકારીને મળો, જે તમારી પાત્રતા ચેક કરે છે.
ત્યારબાદ તમારા દસ્તાવેજો વેરિફાય થાય છે.
બધું સાચું જણાતા તમારી અરજી કરી દેવામાં આવે છે.
શું-શું લાભ મળે છે યોજનામાં?
લાભાર્થીઓને કેટલાક દિવસોની એડવાન્સ ટ્રેનિંગ આપવામાં આવે છે.
આમાં લાભાર્થીઓને તેમના કામ સાથે જોડાયેલ એડવાન્સ સ્કિલ્સ શીખવવામાં આવે છે.
આ ટ્રેનિંગ માટે જ્યાં સુધી ટ્રેનિંગ ચાલે ત્યાં સુધી દરરોજ ૫૦૦ રૂપિયા સ્ટાઈપેન્ડ આપવામાં આવે છે.
અલગથી ૧૫,૦૦૦ રૂપિયા ટૂલકીટ ખરીદવા માટે પણ આપવામાં આવે છે.
શું લોન પણ મળે છે?
આ યોજનાના લાભાર્થીઓને લોન પણ પૂરી પાડવામાં આવે છે અને તે પણ સસ્તા વ્યાજ દરે.
પહેલા ૧ લાખ રૂપિયાની લોન આપવામાં આવે છે જેને ૧૮ મહિનામાં પરત કરવાની હોય છે.
વધારાની ૨ લાખ રૂપિયાની લોન ૩૦ મહિના માટે પણ આપવામાં આવે છે.
આ બંને લોન પોતાનું કામ કરવા માટે આપવામાં આવે છે.
