IND W vs ENG W: ભારતીય મહિલા ક્રિકેટ ટીમ અને ઇંગ્લેન્ડ મહિલા ક્રિકેટ ટીમ વચ્ચે ત્રણ મેચની T20 સિરીઝનો ત્રીજો અને નિર્ણાયક મુકાબલો ટોન્ટનમાં રમાયો હતો. ઇંગ્લેન્ડે આ મેચ 6 વિકેટથી જીતી લીધી અને સિરીઝ પણ 2-1 થી પોતાના નામે કરી લીધી. આવો જાણીએ આખરે ત્રીજી T20 માં શું-શું થયું.
ઇંગ્લેન્ડે જીત્યો હતો ટોસ
ઇંગ્લેન્ડની કેપ્ટન ચાર્લી ડીને ટોસ જીતીને પહેલા બોલિંગનો નિર્ણય કર્યો હતો. એવામાં ભારતે પહેલા બેટિંગ કરતા 20 ઓવરમાં 5 વિકેટ પર 180 રન બનાવ્યા. ભારત માટે સૌથી વધુ 56 રન કેપ્ટન હરમનપ્રીત કૌરે બનાવ્યા. હરમનપ્રીત કૌર અંત સુધી અણનમ રહી. તેણે પોતાની ઇનિંગમાં 7 ચોગ્ગા લગાવ્યા.
આ સિવાય યાસ્તિકા ભાટિયા અને દીપ્તિ શર્માએ 32-32 રન બનાવ્યા. 29 રનની ઇનિંગ જેમિમા રોડ્રિગ્સે પણ રમી. ઇંગ્લેન્ડ માટે લોરેન બેલે 2 વિકેટ લીધી. 1-1 વિકેટ લિન્સી સ્મિથ અને ચાર્લી ડીને લીધી.
ઇંગ્લેન્ડે 18.3 ઓવરમાં કર્યો 181 રનનો ટાર્ગેટ ચેઝ ઇંગ્લેન્ડે 181 રનનો ટાર્ગેટ 18.3 ઓવરમાં 6 વિકેટ બાકી રહેતા ચેઝ કરી લીધો હતો. એલિસ કેપ્સી આ રન ચેઝમાં ઇંગ્લેન્ડની હીરો રહી. તેણે 190.70 ના સ્ટ્રાઇક રેટથી બેટિંગ કરતા 43 બોલમાં 82 રનની શાનદાર ઇનિંગ રમી. કેપ્સીએ 9 ચોગ્ગા અને 3 છગ્ગા લગાવ્યા. તેનો સાથ હીથર નાઇટે પણ આપ્યો. નાઇટે 10 ચોગ્ગાની મદદથી અણનમ 70 રન બનાવ્યા. ભારત માટે 2-2 વિકેટ અરુંધતિ રેડ્ડી અને ક્રાંતિ ગૌડે લીધી.
12 જૂનથી શરૂ થવાનો છે મહિલા T20 વર્લ્ડ કપ
તમને જણાવી દઈએ કે 12 જૂનથી ઇંગ્લેન્ડમાં મહિલા T20 વર્લ્ડ કપ 2026 નો પ્રારંભ થવાનો છે. વર્લ્ડ કપ પહેલાં 8 જૂને ભારત વેસ્ટ ઈન્ડિઝ તો 10 જૂને ઇંગ્લેન્ડની સાથે વોર્મ અપ મેચ રમશે. ટીમ ઇન્ડિયાના ગ્રુપમાં આ વખતે પાકિસ્તાન, નેધરલેન્ડ્સ, સાઉથ આફ્રિકા, બાંગ્લાદેશ અને ઓસ્ટ્રેલિયા છે.
