India U18 Hockey: ઓમાનમાં મેન્સ અંડર-18 હોકી 5s એશિયા કપનું આયોજન કરવામાં આવી રહ્યું છે. હોકીના આ ફોર્મેટમાં એક ટીમમાં 5 જ ખેલાડીઓ હોય છે. ભારતીય ટીમે પાકિસ્તાન સામેની મેચમાં શાનદાર જીત મેળવી હતી. મસ્કટમાં રમાયેલી મેચમાં ભારતે પાકિસ્તાનને 7-4થી હરાવ્યું હતું. ભારત તરફથી કરણ ગૌતમે હેટ-ટ્રિક નોંધાવી હતી. તેમણે મેચની 5મી, 9મી અને 19મી મિનિટમાં ગોલ કર્યા હતા.
કરણ ગૌતમ ઉપરાંત રાહુલ યાદવે ત્રીજી મિનિટમાં, પ્રહલાદ રાજભરે 10મી મિનિટમાં જ્યારે રોમિત પાલ અને કેપ્ટન કેતન કુશવાહાએ 11મી મિનિટમાં ગોલ કર્યા હતા. ત્રણ મેચમાં ભારતીય ટીમની આ સતત ત્રીજી જીત છે. આ પહેલાં ટીમે બાંગ્લાદેશ અને ઓમાનને હરાવ્યા હતા. 9 પોઈન્ટ સાથે ભારત એલિટ ગ્રુપમાં પ્રથમ સ્થાને છે. પાકિસ્તાન 6 પોઈન્ટ સાથે બીજા સ્થાને છે. ટોપ-2માં રહેનારી ટીમો વચ્ચે ફાઇનલ રમાશે.
India Rule the Rivalry! 💪🔥
The Indian Men’s Team delivered when it mattered most, defeating Pakistan 7-4 in a thrilling contest at the Youth Hockey5s Asian Championship Muscat 2026. 🇮🇳🏑
Another composed and clinical display sees Team India extend their winning run and… pic.twitter.com/gyrv0AmJme
— Hockey India (@TheHockeyIndia) July 21, 2026
હોકી5s ના નિયમો અલગ હોય છે
હોકી5s ફીલ્ડ હોકીનું ઝડપી અને નાનું વર્ઝન છે, જેમાં દરેક ટીમમાં 5 ખેલાડીઓ હોય છે. 4 ખેલાડીઓ ફીલ્ડ પર હોય છે જ્યારે 1 ગોલકીપર હોય છે. રમત બે 10-મિનિટના હાફમાં રમાય છે અને એટેકિંગ હાફમાં કોઈપણ જગ્યાએથી શૂટિંગ કરી શકાય છે. હાફ ટાઇમ બ્રેક બે મિનિટનો હોય છે.
મેચના પ્રથમ બે ગોલ ભારત તરફથી થયા હતા, પરંતુ પાકિસ્તાને 8મી મિનિટ સુધીમાં બરાબરી મેળવી લીધી હતી. 10મી મિનિટ સુધી સ્કોર 3-3 થઈ ગયો હતો, પરંતુ ત્યારબાદ ભારતે સતત ત્રણ ગોલ કરીને સ્કોર 6-3 કરી દીધો હતો. ત્યારબાદ બંને ટીમોએ 1-1 વધુ ગોલ કર્યા હતા.
પ્રથમ વખત ટૂર્નામેન્ટનું આયોજન
2026 મેન્સ અંડર-18 હોકી5s એશિયા કપનું પ્રથમ વખત આયોજન કરવામાં આવી રહ્યું છે. તેમાં કુલ સાત એશિયાઈ નેશનલ ટીમો ભાગ લઈ રહી છે, જેમાં ભારત, પાકિસ્તાન, બાંગ્લાદેશ, ઓમાન, ઇરાન, ઇરાક અને સાઉદી અરબનો સમાવેશ થાય છે. ટૂર્નામેન્ટનું આયોજન એશિયન હોકી ફેડરેશન દ્વારા કરવામાં આવ્યું છે. આ ટૂર્નામેન્ટની શરૂઆત 20 જુલાઈએ થઈ હતી અને તેની ફાઇનલ 25 જુલાઈએ રમાશે.
